2 Timothy 4 — Pathien Lekhabu Inthieng Chongtung Thar | Bíblia online

¹Pathien le Khrista Jisua makunga, aring le athi ngei roijêk rangpu mitmûn le ama hah roijêk rangin Rêng angin ala juong rang sikin inngartakin nang ke ngêna,

²thurchi chu misîr tit rangin (azora le azora niloi khomin) tuongdier taka ni minchu ngâi anghan an theiloina minriet ngei inla, rokôk ngei inla, male mohôk ngei roh.

³Mingeiin chongrin dik an rangâi jôtloi zora om a ta, rangâi ranga an kuor ânthak pe ngei anghan an ôinangei jûi ranga misîr pe ngei rangin minchupungei anninanâkin an mintûp zora la om u-uol atih.

⁴Chongtak rangâina tieng an kuor min sêt an ta, thurchimuruongei rangâi nuomna tieng pêt an tih.

⁵Aniatachu nang chu i-ih chunga indîn det inla; intakna tuongdier inla, Thurchi Sa misîrpu sinthôn la, Pathien tîrlâm anghan ni sintum murdi no zoi rang ani.

⁶Keima rangin chu, inpêk rang zora atung zoia; hi ringnun hih ka mâk rang zora ani zoi.

⁷Tân insietna han asân ranak ko songa, tenkung lampui ku suo zoia, male taksônna hah ka dar tit zoi.4:7: taksônna hah ka dar tit zoi aninônchu kên khâmna han ki dik ani.

⁸Male atûn chu Pathien kôma adik changna motorna râtman hah ka ta rangin dar saiin aom zoi, maha Pumapa Roijêkpu diktak han ma Nikhuo han ni pêk atih, male keima kôm vai niloiin, ama lungkhama a juong nôk rang lei ngâk ngei murdi kôm khom pêk sâng atih.

⁹Ko kôm hong lai rang pût roh.

¹⁰Demas chu hi damlâi rammuol a kan sikin mi mâksana, Thessalonika a se zoi. Crescens chu Galatia a se zoi, male Titus khom Dalmatia a se zoi.4:10: Kol 4:14; Philm 24; 2 Kor 8:23; Gal 2:3; Tit 1:4

¹¹Luke vai kêng ko kôm aom zoi. Mark hah siel inla hong tuong roh, ki sinthona hin mi san thei sikin.4:11: Kol 4:14; Philm 24; Sin 12:12,25; 13:13; 15:37-39; Kol 4:10; Philm 24

¹²Tychicus chu Ephesus taka ki tîr zoi.4:12: Sin 20:4; Eph 6:21-22; Kol 4:7-8

¹³No hong tika, Troas taka Carpus kôma ka kâncholi chunghak ka mâk hah hongchôi roh; lekhabungei ha khom hongchôi sa roh, male aliekin savunlekha hah, hongchôi ngêt roh.4:13: Sin 20:6

¹⁴Alexander thîrsukpa han ku chunga asaloi a tho sabaka; Pumapa'n a sintho dungjûiin thuon atih.4:14: 1 Tim 1:20; Lap 62:12; Rom 2:6

¹⁵Ama renga han nangmananâk inrung thei roh, asikchu ei thurchi misîr hih a doi tatak ngâi kêng.

¹⁶Ki dikna thurchi ki misîr masa lâihan tute ni san mak ngeia; anrêngin min mâksan riei. Maha Pathien'n anni doinân tel pe ngei no rese!

¹⁷Aniatachu Pumapa'n mi ompuia male râtna ni pêka, masikin Jentailngei murdi rangin thurchisa ki misîr mikhip theia; male thina rang mun renga khom ni kêlsuo zoi ani.

¹⁸Male Pumapa'n saloina ngei murdi renga ni kêlsuo a ta, male invâna a Rêngrama khin hoitakin mi tuong atih. Roiinpuina chu tuonsôt tuonsôtin a ta ni rese! Amen.

¹⁹Priscilla le Aquila, male Onesiphorus insûngmi ngei hah chibai ko hong muthuon.4:19: Sin 18:2; 2 Tim 1:16-17

²⁰Erastus chu Korinth taka ala oma, male Trophimus chu a damloi sikin Miletus taka ka mâk. 4:20: Sin 19:22; Rom 16:23; Sin 20:4; 21:29

²¹Phalbi mân hong rang pût ngêt roh.

²²Pumapa chu na ratha kôm om rese.