2 John 1 — Pathien Lekhabu Inthieng Chongtung Thar | Bíblia online

¹Upa renga han,

²Chongtak ei kôma om bang, kumtuonga khom ei kôm a om bang rang sika hin.

³Pa Pathien le Pa Nâipasal Jisua Khrista renga lungkhamna, moroina le inngêina ngei mi pêk hah chongtak le lungkhamna ei ta nirese.

⁴Pa chongpêk anghan na nâingei senkhat chongtaka an om ku mu sikin ka râisân tatak ani.

⁵5: Joh 13:34; 15:12,17 Male nupang lungkham no kôma chongpêk athar niloiin aphut renga ei dôn hah lungkham ênmu thei chitna rangin nangni ke ngên ani.

⁶Lungkhamna ki ti omtie chong chu Pathien chongpêk jômin ei om ngêt rang ani. Chongpêk aphut renga nin rênga nin riet khom hah, inlungkhamin om roi, ti hi ani.

⁷Mi huong ngâi ngei rammuol pumpuia an suok zoi, Jisua khrista munisi'n a juong inzir ti pom nuom loi mingei hah. Ha anga mingei ha chu milak le Khrista Râl an ni.

⁸Masikin nin sin sai ngei hah inmang loia, râisânman a kipa nin man theina rangin asadimin inrung roi.

⁹Tukhom Khrista minchuna taka om loiin a khêlin chu, Pathien dôn mak. Tukhom minchuna taka a om titin chu Pa le Nâipasal a dôn ani.

¹⁰Masikin, tukhomin hi minchuna chong hongchôi loiin nin kôm amapa mini, amanu mini a hongin chu, nin ina mintung ngei no ungla; nin chunga “Ratha'nngamna om rese” luo tipe ngei no roi.

¹¹Tukhomin he hoiin an mathânin chu an neinun saloi an thona han an inchel sa ani.

¹²Chong tamtak nangni ril rang ko dôna, aniatachu lekha leh pentuiin miziek loiin, ei râisânna akip theina rangin nin kôm hongin mêl inmua chong rangin ka sabei ani.

¹³Nu Juorpui lungkhamnu nâingeiin1:13: Nu Juorpui lungkhamnu nâingeiin: Mahih amiziekpu om koiindang mingei akhînna ani. chibaimûknangei nang an hong muthuon ani.