1 Timothy 2 — Pathien Lekhabu Inthieng Chongtung Thar | Bíblia online

¹Hanchu, amotontaka, ngênna chubaithonangei, invûinangei, le râisânchong rilnangei hih mingei murdi ta rangin Pathien kôm pêk pe ngei rangin nangni ke ngêna;

²rêngngei le adang rachamnei ngei murdi ta rang khom, dâiriem le inngêitaka Pathien tienga mân thona murdi le nunchan diktak leh ringnun manga ei om theina rangin.

³Mahi asa, le Pathien mi Sanminringpu râisân ruo piel ania:

⁴ama'n mi murdi sanminringa an om rang le chongtak an riet rangin a nuom ngâi ani.

⁵Pathien hih inkhat vai aoma, male Pathien le miriemngei minchunpu inkhat vai aom nôka, miriem Khrista Jisua hah,

⁶miriem jât pumpui ratanna ranga ân pêkpu hah ani. Maha Pathien'n mi murdi sanminring rangin a nuom ti azora taka riet minthâr ani,

⁷male masika han kêng keima hi taksônna le chongtak thurchi phuong rangin, Jentailngei kôm tîrton le minchupua tîr ki ni. Milak tho mu unga; chongtak kêng ki ril!2:7: 2 Tim 1:11

⁸Koiindang inkhôm tina pasal Pathiena ânpêk ngeiin an kut inthieng ngei pharin, takminsi loiin le inkhal loiin chubaitho senla ngei ku nuom ani.

⁹Ma angdênin, nupangngei khom sillebomngei ahundôr le satak le balam takin invo senla ngeia, samphierin mini, rângkachakin mini, lungmantamin mini, rovo mantamin mini invo no rese ngei ku nuom sa,2:9: 1 Pet 3:3

¹⁰hannirese, nupang sakhuotienga mi inti ngei ha chu an inhoi lam takin sin sân invo rese ngei.

¹¹Nupangngei chu dâirekin le rangâiinchîna murdi'n an inchu rang ani.

¹²Mi minchu rangin mini, aninônchu pasal chunga rachamnei rangin mini phal mu unga; an dâirek ngêt rang ani.

¹³Asikchu Adam hah sin bak ania, male kêng Eve hah sin ani.2:13: Aph 2:7; 2:21,22

¹⁴Male huonga om hah Adam nimaka; nupang ha ke huongin aoma, Pathien balam a siet ani.2:14: Aph 3:1-6

¹⁵Aniatachu nupang hah nâingei2:15: nâingei a nei sikin sanminringin om atih; aninônchu nâi a neina jârin minring nîng atih. a neina sikin sanminringin om atih, taksônna le lungkhamna male inthiengna ngei leh inpâkpuiloiin duoiloiin a tuongdier ngâiin 2:15: a tuongdier ngâiin chu; aninônchu an tuongdierin chu. chu.