1A tu sićar savoren te složinpe e ispravno sikavipeja:
2e purane manušen sićar te aven staložene, dostojne poštuipe, razumne, ispravne ando paćipe, ande ljubav, thaj ando strpljenje.
3Isto gajda, sikav e purane manušnjen te ponašinpe pobožno, te na ogovorin thaj te na aven matarne. Nego majlačhe te sikaven okova so si lačhe.
4Neka sikaven e majterne manušnjen te volin pire romen thaj pire čhavren,
5te aven razumne, čiste ilenca, vredne domaćice, lačhe, poslušne pire romenđe, te či ćerel pe bilačhe svato pale Devlesko alav.
6Isto gajda, e terne čhaven ohrabrisar te aven razumne.
7Ande sa av lenđe lačho primer gajda kaj ćereja e lačhe delurja. Ande okova so sikaves av iskreno thaj ozbiljno.
8Neka ćiro sikavipe avel gajda ispravno te okola save protivinpe tuće ladžavon kaj naj len so bilačhe te phenen pale amende.
9E roburja ande sa moraš te pokorinpe pire gospodarenđe! Neka ugodin lenđe thaj nek či bolden lenđe o alav,
10neka či čoren lendar, nego neka sikaven kaj šaj te paćalpe lenđe, te o sikavipe e Devlesko, amare Spasiteljesko, ande sa avel prihvatime.
11Kaj, pale sa e manuša o Del sikadas piri milost, savi anel o spasenje.
12E milost sikavel men te odrekni men katar o bezbožnost thaj akale themešće želje, te ande akava them trais razumne, pravedne thaj pobožne
13dok ažućaras e Bahtali nada thaj te ande slava pojavilpe amaro baro Del thaj Spasitelj, o Isus Hrist.
14Vo korkoro pes dijas pale amende te otkupil amen katar svako bezakonje thaj ćerel amen te avas čiste pale peste, thaj them savo pripadil samo lešće, savo uvek trudilpe te ćerel lačhe delurja.
15Sa akava motho! Ohrabrisar thaj opomeni ande sa o autoriteto! Thaj na muk te khonik preziril tut.