1O Isus phendas: “Len sama te tumare lačhe dela či ćeren angle manuša, te von divin pes tumenđe kaj askal či primina e nagrada katar tumaro nebesko Dad.
2Zato kana des e čorenđe, na hvali tut po sasto muj anglo them, sago kaj ćeren e licemerja pe sinagoge thaj pe sokača te hvalin len e manuša. Čačes phenav tumenđe: aver nagrada či dobina osim godoja katar e manuša.
3A tu kana des e čorenđe, neka či džanel ćiro levo vas so ćerel ćiro desno vas.
4Nego kana des e čorenđe tu de len potajno pa ćiro Dad, savo dićhel so si potajno, nagradila tut.”
5O Isus phendas: “A kana molin tumen na aven sago e licemerja, save volin te molinpe pe sinagoge thaj pe glavne sokača, te e manuša dićhen len. Čačes phenav tumenđe kaj već primisardine piri nagrada thaj osim godoja aver či primina.
6A tu kana molis tut, dža ande ćiri soba, phandav pale tute o vudar thaj moli tut ćire nebesko Dadešće potajno, a ćiro nebesko Dad, savo dićhel so si potajno, nagradila tut.
7Kana molin tumen na brbljin sago okola save či pindžaren e Devle, kaj von gndin kaj o Del ašunela len zbog e but e alava save phenen.
8Tumen dakle na aven sago von, kaj tumaro nebesko Dad lačhe džanel so trubul tumen majsigo nego so zamolin les.
9Tumen agajda molin tumen:
10Neka avel ćiro carstvo.
11Demen o mangro savo si amenđe potrebno pale svako đes
12thaj jartosar amenđe e bezeha amare sago kaj vi amen jartosaras okolenđe save sagrešisardine protiv amende.
13Na de te peras ande kušnje nego izbavisar men andar o zlo.
14Kaj te jartosardine okolenđe save grešin protiv tumende, askal vi tumaro Dad savo si ando nebo jartola tumenđe.
15Ali, ako tumen či jartosaren e manušenđe lenđe bezeha, ni tumaro Dad, o Del savo si ando nebo či jartola tumenđe tumare bezeha.
16O Isus majdur phenelas: “A kana postin, na mućen tumaro muj sago e licemerja, te dićhen len e manuša sar postin. Kaj čačes phenav tumenđe, kaj aver nagrada či dobina osim godoja katar e manuša.
17A tu kana postis, thov ćiro muj thaj fulav ćire bal,
18te e manuša či dićhen kaj postis, nego samo ćiro Dad, savo si ande tajnost. Askal ćiro Dad savo dićhel so si ćerdo ande tajnost nagradila tut.”
19O Isus phendas: “Na ćiden tumenđe barvalipe akate pe phuv, kaj han les e moljcurja thaj e rđa, kaj e čora provalil thaj čoren les.
20Nego ćiden tumenđe barvalipe po nebo, kaj či hal les ni e moljcurja ni e rđa thaj kaj e čora či provalil te čoren les.
21Zato, kaj si ćiro barvalipe, okote avela vi ćiro ilo.
22Ćiri jak si sar e svetiljka e telošće. Zato ako si ćiri jak sasti, sasto ćiro telo avela osvetlime.
23Ali ako si ćiri jak nasvali, sasto ćiro telo avela ando tunjariko. Ako o svetlo ande tute postanil tunjariko, sosko baro tunjariko avela ande tute!”
24“Khonik naštik robujil e duje gospodarenđe. Kaj jećhe mrzala, a avere volila, ili jećhešće avela paćivalo a avres prezirila. Naštik služin e Devlešće thaj e barvalipešće ande isto vrjama.”
25O Isus phendas: “Zato phenav tumenđe: Na daran pale tumaro trajo, so hana, ili so pijena, ni palo tumaro telo, so lena pe tumende. Naj li o trajo majbut katar o habe, a o telo katar e drze?
26Lačhe dićhen e čirikljen! Niti sadin, niti žanjin, niti ćiden ande pire žitnice, thaj tumaro nebesko Dad pravarelen. Zar tumen najsen majvredne lendar?
27A ko tumendar šaj e brigenca te lunđarel piro trajo samo pale jek đes?
28Sostar askal vodin e briga pale drze? Lačhe dićhen e divlje luluđa sar barjon! Či trudinpe niti suven pešće drze.
29A phenav tumenđe kaj ni o caro Solomon ande sa piro barvalipe či inđarelas pe peste gajda šukar drze sago akala divlje luluđa.
30Pa ako o Del gajda šukar furjarel e biljke save si ando polje, save ađes si, a thejara čhuden pe ando bov, kozom askal majbut vodila e briga pale tumende, manušalen cikne paćipava?
31Zato na daran thaj na phenen: ‘So hasa?’, ili ‘So pijasa?’ ili ‘So lasa pe amende?’
32Kaj godova roden e bi paćivale manuša. Džanel tumaro nebesko Dad sa so trubul tumen.
33Zato majbut katar sa roden o carstvo e Devlesko, thaj e pravda lešći, askal sa akava o Del na dodaila tumenđe.
34Zato na daran pale thejara. Neka o đes thejara vodil briga pale peste. Svako đesešće si dosta lešći muka.”