1E purane manuše na kuš strogo, nego ćher lesa svato sago ćire dadesa. E terne manušenca postupisar sago e phralenca,
2e purane manušnjenca sago ćire dejenca, a e čhejenca sago ćire phejenca ande sasti čistoća.
3Poštujisar okole udovicen save si čače udovice.
4Ali, ako e udovica si čhavra ili unukurja, neka von majsigo sićon te sikaven piri pobožnost gajda kaj vodin e briga pale piri familija, thaj te odužinpe pire dadešće thaj e dejaće. Akava si ugodno e Devlešće.
5Pravo udovica, savi si korkoro thaj naj lat khonik te vodil e briga pale late, pouzdilpe ando Del. E raćenca thaj e đesenca rodel lestar pomoć thaj molil pes.
6Ali e udovica savi trail raspustime vi ako si džudi, duhovno si muli.
7Kava zapovedisar lenđe te aven bi zamerkako.
8Ali, ako vareko či vodil briga pale pire familija, a posebno pale pire ćherutne, odreknisajlo katar o paćipe thaj majgore si katar okola save či paćan ando Del.
9Na ramon po udovičko popis ni jećhe udovica, ako još najlat šovardeš brš thaj savi sas majbut katar jek drom udajime.
10Voj moraš te avel pindžardi pe pire lačhe delurja: kaj lačhe odgoisarda pire čhavren, kaj sas gostoljubivo, kaj thovelas e pungre e Devlešće manušenđe, kaj pomožilas e okolenđe save sas ande nevolja, kaj predano ćerelas svako lačho delo.
11E majterne udovicen na ramo ando udovičko popis. Kaj, kana e telesno požuda savladil lenđi odanost e Hristošće, kamen te udajinpe.
12Gajda pe peste crden e osuda, pošto uštadine e prvo vernost.
13A osim godava, džan katar o ćher džiko ćher, thaj sićon te aven bibućarne. Thaj na samo godova, nego haminpe ande averenđe buća, brbljive si thaj ćeren svato okova so či trubun.
14Zato savetuiv te e majterne udovice udajinpe, thaj bijanen čhavren, te aven domaćice thaj te na den nisosko povodo e dušmanošće te na klevetil.
15Kaj varesave već boldinepe katar o paćipe thaj teljardine palo Sotona.
16Ako varesave vernica si udovice saven pomognin, neka majdur vodil briga pale lende, te e khanđiri či avel opteretime, nego te šaj te pomožil e prave udovicenđe.
17E starešinenđe save lačhe upravin piri služba ande khanđiri trubul te delpe dvostruko čast, a majsigo okolenđe save propovedin thaj sikaven.
18Kaj ando Sveto lil ramol: “Na phande o muj e guruvesko savo vršil o điv!” thaj “O radniko si vredno te primil piri poćin.”
19Na primi e pritužbe protiv o starešina osim uz duj ili trin svedokurja.
20Okolen save grešin ukorisar angle savorende te vi ande averende del e dar.
21Dav tut solah anglo Del, anglo Isus Hristo thaj angle izabranime anđelurja, te inćares akala upute bi predrasudako. Thaj na ćer khanči pristrasno.
22Ni pe kaste na čho ćire vas gajda brzo. Na av učesniko ande bezeha e aver manušenđe. Arak tut čisto!
23Na majbut pi samo paj, nego le cara vi mol zbog ćiro đi thaj zbog ćiro često nasvalipe.
24E bezeha varesave manušenđe jasno dićon angle savorende thaj anglal sikaven kaj avena sudime. A si vi okola savenđe bezeha dićhona majposle.
25Gajda si vi e lačhe delenca, dićhon angle savorende a varekana vi či dićhon, ali naštik garavenpe nikad.