1Akava so phenav si čačipe: ako vareko kamel te avel starešina, časno služba kamel.
2O starešina moraš te trajil besprekorno trajo. Moraš te avel paćivalo jećhe romnjaće, moraš te avel poštuime, razborito, skromno, gostoljubivo thaj lačho sikavno.
3Či tromal te avel matarno, niti nasilno, niti čingaralo nego te avel popustljivo thaj ljubazno, a na sago okola save volin e love.
4Moraš lačhe te upravil pire familijava, a lešće čhavra moraš te čhon leste kan thaj te poštuin les.
5Kaj ako o manuš naštik upravljil pire familijava, sar vodila e briga pale e Devlešći Khanđiri?
6O starešina či tromal te avel terno ando paćipe te či uzoholil pes thaj te perel tale benđešći osuda.
7Vi e manuša save naj andar e Khanđiri moraš te ćeren lačhe svato pale leste te na perel ande benđešći zamka thaj či ladžavol.
8Isto gajda e đakonurja trubun te zaslužin poštuipe thaj te aven časne manuša, a na licemerne. Či troman te aven matarne niti pohlepne pale love.
9Von trubun te ande mirno savest sledin o čačo paćipe.
10A vi von majsigo trubun te aven proverime pa tek askal, ako si verne neka inćaren e đakonsko služba.
11Lenđe romnja isto gajda trubun te zaslužin o poštuipe, thaj te aven časne manušnja, a na sklone te klevetin, trubun te aven umerene thaj ande sa pouzdane.
12O đakon moraš te avel paćivalo jećhe romnjaće thaj lačhe te upravil pire čhavrenca thaj pire ćheresa.
13Kaj okola save lačhe obavin e đakonsko služba steknin pešće lačho položaj thaj baro pouzdanje ando paćipe ando Isus Hristo.
14Ramov tuće akava thaj nadiman kaj uskoro avava tute,
15a te zadržisajlem, tu džaneja sar trubul o manuš te ponašilpe ande Devlesko ćher, savo si e Khanđiri e džude Devlesko, stupo thaj temelji palo čačipe.
16Bi sumnjako, e tajna palo pobožnost si bari: