कुलीसियो 4

¹एय मालीक, तुमू आपणा सेवकाह तान कामान गेत हाजो वेवारो ताह हेऱ्या किरो। एर मिलो काय हेरगा माय बी तुमरो एक मालीक हे।

²विन्ता माय लागीन रिवो, एने बोगवानाह दन्यवाद केरती लेन ता माय जागताला रिवो।

³एने ज्या हेऱ्याच आमरी केरता बी विन्ता केरती रिवो, काय बोगवान आमरी केरता वचन होमलावनेन ओहलो बायणो उगाड़ देय, काय आपु मसीन ता बेदान खोबरीन पारचार केर सेकी ओहलो हाजो टेम आपी काहाकाय ज्यास ने कारेण मी बोंदी हे।

⁴विन्ता किरो काय मी ज्याह ओहलो स्पष्टता हेऱ्यो केय सेकु जिहकेरीन माहु केणे जुवे।

⁵4:5 इफिसीयो 5:16टेमान पुरो पुरो काम माय लावो एने विण बोरहा वालाह एकलीदार माय वेवार किरो।

⁶तुमरो बोलनो कायेम गीणा माय बोरायीन एने माणहाह पुटी ओहली एय काय तुमू जाण लिवो काय तुमू माणहाह किहीक जापाप आप सीको।

⁷मोंगाल्लो बाहख एने बोरहावालो सेवक, तुखीकुस जो मालीक माय मारो मोदेक केरनार हे, मारी आखी खुबेर तुमूह केय देय।

⁸ताह मी ज्यानकेरता तुमरी फाय मोकलेल हे, काय तुमूह आमरी देशा मालुम एय जाय एने तो तुमरा मोनाह उत्साहित केरी।

⁹4:9 फिलेमोन 1:10-12एने ता हिऱ्यो उनेसीमुसाह मोकलेल हे; जो बोरहावालो एने मोंगाल्लो बाहख एने तुमरे मायच रेन हे, तो तुमूह न्या जो एय, तो न्यावाली आखी वात केय देय।

¹⁰4:10 प्रेरितान काम 19:29; 27:2; फिलेमोन 1:24; प्रेरितान काम 12:12,25; 13:13; 15:37-39अरीस्तर्खुस जो बोंदी माय मार हेऱ्यो हे, एने बरनबासान तुमूह नमस्‍कार मरकुस ने बारामाय तुमूह उकुम जुड़ेल हे, तो केदी तुमू फाय ते तुमू तान स्वागत किरज्‍यो।

¹¹एने यूसतुस केवाणार यीशुन बी तुमूह नमस्‍कार पुची। खेतना किरेल माणहा माय रेन ओलास ज्या बोगवानान राज ने काम माय मार हाती हेते, जा मार केरता उत्साह ने कारेण बुणेल हेते।

¹²4:12 कुलीसियो 1:7; फिलेमोन 1:23यीशु मसीन सेवक इपफ्रास जो तुमरे माय रेन हे, तुमूह नमस्‍कार किथे। एने कायेम तुमरी केरता जीव तोड़ीन विन्ता किरेह, काहाकाय तुमू सिद्द एन पुरा बोरहा हेऱ्या बोगवानान मोरजी पोर टिकीन रिवो।

¹³मी माणहान रिती माय तुमरी केरता एने जा लोदिकियाम हियरापुलीस माय हेते तानकेरता तो जुलूम मेहनेत किरेह, ओहली तान बाराम मी गोवाय दिथो।

¹⁴4:14 2 तीमुथीयुस 4:11; फिलेमोन 1:24; 2 तीमुथीयुस 4:10; फिलेमोन 1:24आमरो मोंगाल्लो दाकतेर लुका एने देमास ज्या तुमूह नमस्‍कार केतेह।

¹⁵लोदिकियान बायाख एने नुमफास एने तान गेर चालनार मोंडलीह नमस्‍कार किज्यो।4:15 नुमफा; थोड़ाक लेख माय नुमफास लिखेल हे।

¹⁶एने तुलेचबूखी तो पोत्र तुमरे माय वाचाय जाय, ताहार इहकेरीन किरज्‍यो काय लोदिकियान मोंडली माय बी वाचाय जाणे जुवे, एने लोदिकिया वालो पोत्र तुमू बी वासज्यो।

¹⁷4:17 फिलेमोन 1:2एने अरखीपुसाह किज्यो, “जी सेवा मालीक माय तुवाह होपायेल हे, तीह पुरी केरनेन केरता कालजी ले।”

¹⁸मी पौलुस सोता मारा आथा केरीन तुवाह नमस्‍कार लेखणे बाजरिनोह एने एर मिलज्यो काय मी बोंदी माय हे, बोगवानान गीण तुमू हेऱ्यो बोणीन रेय।