रोमीयो 9

¹मी मसी माय खेरीच केथु, मी जुठ नाह बुलेत एने मारो मोन बी चोखाला जीवाम गोवाय दिथे

²काय माहु मोटलो दुख हे, एने मारो मोन जेलेम दुखते रीथे,

³काहाकाय मी न्या वोर होदतालो काय मारा बायाख ने केरता जा सेरीरान गेत मारा गेरल्या हेते, मी सोतास मसी रेन आलेग एय जातो।

⁴9:4 वायदो; थोड़ाक लेख माय वायदा।ता इस्राएली हेते, एने बोगवानान सोरा एणेन आदिकार एने बोड़ाय एने वायदो एने नेम एने उपासना एने उकुम तास ने हे।

⁵9:5 आखा पोर आदिकार केरनारा बोगवानान स्तुती कायेम एय; नाहते तान मतलब आखा पोर आदिकार मेलनारा बोगवानान स्तुती कायेम एय। डायडाया तास ने हेते, एने मसी बी सेरीरान गेत तास माय रेन ईनो। जो आखान उपेर जेलेम बोरकेतवालो बोगवान हे। आमेन।

⁶पुण ओहलो नाह काय बोगवानान वचन टेल गीयो, ज्यानकेरता काय जा इस्राएलान वोच हेते, ता आखा इस्राएली नाह;

⁷एने नाह अब्राहामान वोच एणेन वोजेसे आखा तान सोरा ठेराती, पुण लिखेल हे, “इसहाक सेस तारो वोच चाली।”

⁸9:8 कायेम ने केरता जेल्मो लियेल सोरा; अब्राहाम ने हाजीरा फाय रेन जेल्मो लियेल सुरो, सुरो इश्माएल ने वोस ने ज्यो संदर्ब हे। मतलब सेरीरान सोरा ते बोगवानान सोरा ना सोता, पुण वायदान सोरा वोच गेणाय जातेह।

⁹9:9 ठिक टेम पोर; नाहते ओगले वोरीह ज्यीज टेम माय।काहाकाय वायदान वचन ज्य हे: “मी ज्‍यीस टेमी पोर आवुह, एने साराह एक बिटोख एय।”

¹⁰एने फोक्‍तो ओलोस नाह, पुण जेवी रिबीका बी एक माणुह मतलब आपणो आबोख इसहाक से पेटावाली एती,

¹¹पुण तान एक सोराह निवाड़नो ज्य पुरी रिती से बोगवानान सोतान उद्देशान परिणाम एतो, बोगवान ताह केयो, “मोटलो आतल्यान सेवा केरी।” ज्यी वात बोगवान तान जेल्मान पेल केरनेन केरता केयो बोगवानान पोटणो तान हादावणी पोर निर्बर हे नाह काय ता काय केऱ्या ता पोर।

¹²तो केयो, “जेठालो बिटोख आतल्यान सेवा केरी।”

¹³जिहकेरीन लिखेल हे, “मी याकुबाह मोंग किऱ्यो, पुण एसावाह विण मोंगाल्लो जाण्यो।”

¹⁴तानकेरता आपु काय किज्यो? काय बोगवान अन्‍यायी हे? केदिस नाह।

¹⁵काहाकाय तो मुसाह किथे, “मी जा एगदा पोर किव केरने होदु ता पोर किव केरूह, एने जा एगदा पोर गीण केरने होदु तास पोर गीण केरूह।”

¹⁶केरीन ज्य नाहते आसा केरनारान, नाह मेहनेत केरनारा पोर पुण किव केरनार बोगवानान वात हे।

¹⁷काहाकाय पुस्तेक माय फिरोनाह कियेल, “मी तुवाह ज्यास ने केरता उबो किरेल हे काय तार माय मारी ताकेत देखाडु, एने मारा नावान पारचार आखी देरती पोर केराय जाय।”

¹⁸तानकेरता बोगवान जा पोर हुदेह ता पोर किव किरेह, एने जाह हुदेह ताह काठो केर दिथे।

¹⁹पुण तुमरे माय रेन माहु इहकेरीन केय केदी ओहलो हे आमरा तेवी तु माहु किहे, “तो पोशो काहा दोस लागाड़ेह? कुण बोगवानान मोरजीन विरोद किरेह?”

²⁰एय माणुह, तु कुण हे जो बोगवानान विरोद माय बुलेह? काय बाणायेल चिज बाणावणाराह केय सिकेह, “तु माहु ओहलो काहा बाणायेल हे?”

²¹काय कुमाराह माटड्या पोर आदिकार नाह काय एकास कुंडा माय रेन एक ठामलो आदर ने केरता, एने दिहराह बिगेर आदर ने केरता बाणावी?

²²ते ज्या माय काल्ली बोंलाणेन वात हे काय बोगवान तान राग देखाड़ने एने तान ताकेत देखाड़नेन मोरजी से रागान ठामलान, जा खेतेमान केरता तियार केराय जायेल एता, जुलूम दिर खाईन वेठ्यो;

²³एने किवान ठामला पोर, जाह तो बोड़ायीन केरता पेलुस रेन तियार किऱ्यो, तान बोड़ायीन मालदेनाह देखाड़नेन आसा किऱ्यो?

²⁴मतलब आपुह बी, जाह तो नाह फोक्‍तो यहुदि माय रेन पुण बिगेर यहुदि माय रेन बी हादेल।

²⁵जिहकेरीन बोगवान होशेन पुस्तेक माय बी किथे, “जा मारा माणहे नाह एता, ताह मी मारा माणहे केह; एने जा मोंगाल्ला नाह एता, ताह मोंगाल्ला केह।

²⁶एने इहकेरीन एय काय, तुमू मारा माणहे नाह इहकेरीन जाहरी कियेल एतो ताहरी ताह जीवताला बोगवानान सोरा केवाती।”

²⁷एने यशाया इस्राएलान बाराम आयड़ीन किथे, “केदी इस्राएल ने सोरान गेणती देरीयान रेटान बाराबोर रेय, तीबी ता माय रेन थोड़ास वोचती।

²⁸काहाकाय मालीक तान वचन देरती पोर पुरो केरीन, देरमीपोणा से उतवाल्योच ताह सिद्द केरी।”

²⁹जिहकेरीन यशाया पेल बी कियेल ईतो, “केदी सेनावोन मालीक आपणी केरता कायच वोच नाय सोड़तो, ताहार आपु सदोमान गेत एय जाता, एने अमोरान गेत ठेराय जाता।”

³⁰ते ओवता आपु काय किज्यो? ज्य काय बिगेर यहुदि जा देरमीपोणान होद नाह केरताला, देरमी पोण सापड़ाया मतलब तो देरमी पोण जो बोरहा केरीन हे;

³¹पुण इस्राएली, जा देरमीपोणान नेमान होद केरती लेन, ता देरमीपोणान नेम वोर नाह पोचना।

³²इहकेरीन काहा? काहाकाय ता बोरहा केरीन नाह, पुण कामा केरीन ताह होदेल एता। तान होदणो ओहलो एतो सोमजो तो कामा केरीन सापड़ेह। ता ठोकरान देगड़ा केरीन ठोकेर खादा,

³³जिहकेरीन लिखेल हे, “दिखो, मी सियोन माय एक जेठ लागणेन दिगोड़, एने ठोकरा खाणेन दिगोड़ मेलथु, एने जो ता पोर बुरहो केरी तो लाजवाय नाय।”