रोमीयो 7

¹एय बाय बोणहा, काय तुमू नाह जाणते मी नेमाह जाणनाराह केथु काय जाह वोर माणुह जीवतालो रीथे, ताह वोर ता पोर नेमान आदिकार रीथे?

²काहाकाय किस्सान केरता एक वाराड़ ईयेल बायकु, तीन एदम्या हेऱ्यी नेमा हेऱ्यी ताह वोर बांदायेल हे तीन केदी तीन एदमी मोर जाथे ताहार वाराड़ एदमीह जीवतालो रेणेन बुखेत नेमा केरीन बांदायेल हे; पुण केदी तीन एदमी मोर जाय, ताहार ती एदम्यान नेमाह रेन सुट गियी।

³तानकेरता केदी ती तीन एदमीह जीवतालो रेणेन बुखेत एगदा दिहरान लाडी बोण जाय ताहार सिनाल्यी केवाय, पुण केदी तीन एदमी मोर जाय, ताहार ती ता नेमाह रेन सुट गियी, न्या वोर काय केदी एगदा दिहरा एदम्यान लाडी बोण जाय तीबी सिनाल्यी नाय केवाय।

⁴तिहेच केरीन एय मारा बाय बोणहा, तुमू बी मसीन सेरीरान द्‍वारा नेमान केरता मुरेल बोण जायेल काय ता दिहरान बोण जावो, जो मुरेल माय रेन जीव उठनो: काहाकाय आपु बोगवानान केरता फोल लावे।

⁵काहाकाय जेवी आपु सेरीर माय एता, ते पापान मोरजी जो नेमान द्‍वारा ईतो, मोतीन फोल पायदा केरनेन केरता आपणा अंगा माय काम केरतालो।

⁶पुण एवी जा नेमाह रेन आपु बांदायेल एता तानकेरता मोरीन, ताहसे ओहला सुट जायेल हेते काय आपु लेख्यान जुनाली रिती पोर नाह, पुण चोखाला जीवान नोवाली रिती केरीन सेवा केरतेह।

⁷ताहार आपु काय किज्यो? काय नेम पाप हे? केदिस नाह! पुण नेमान बिगेर मी पापाह नाय ओलेखतो। काहाकाय केदी नेम नाय केतो, “लालुस मा केरी,” ते मी लालुसान बाराम नाय जाण सेकतो।

⁸पुण पाप ज्या उकुमान द्‍वारा टेम होदिन मार माय आखी बातीन लालुस पायदा किऱ्यो, काहाकाय नेमान बिगेर पाप मुरेल हे।

⁹मी ते पेल नेमा बिगेर जीवतालो ईतो, पुण एवी उकुम आवो ते पाप जीव गीयो, एने मी मोर गीयो।

¹⁰एने तोस उकुम जो जीवणान केरता ईतो, मार केरता मोतीन कारेण बोण गीयो।

¹¹काहाकाय पाप टेम होदिन उकुमान द्‍वारा माहु बोटकाड्यो, एने तास ने द्‍वारा माहु मार बी टाक्‍यो।

¹²तानकेरता नेम चोखालो हे, एने उकुम बी खेरलो एने हाजो हे।7:12 हे। जुनाला लेख माय ज्यो वचन नाह जुड़ने

¹³ते काय तो जो हाजो एतो, मार केरता मोत ठेरानो? केदिस नाह! पुण पाप ती हाजाली चिजीन द्‍वारा मार केरता मोतीह पायदा केरनार ईनो काय तान पाप एणे देखाय, एने उकुमान द्‍वारा पाप जुलूम होवटो पापा वालो बोण जाय।

¹⁴आमु जाणतेह काय नेम ते आत्मिक हे, पुण मी सारिरीक एने पापान आथे वेचायेल हे।

¹⁵7:15 गलातीयो 5:17जो मी केरथु ताह नाह जाणेत; काहाकाय जो मी होदथु तो नाह किरेत, पुण जाकेरीन माहु सीट आवीह तोस केरथु।

¹⁶केदी जो मी नाह होदित तोस केरथु, ताहार मी मान लितो काय नेम हाजो हे।

¹⁷ते ओहली देशा माय तान केरनार मी नाह, पुण पाप हे जो मार माय रिग रिनोह।

¹⁸काहाकाय मी जाणथो काय मार माय मतलब मारा सेरीर माय काल्ली हाजाली चिज रिगेत नाह। मोरजी ते मार माय हे, पुण हाजालो काम मार से एत नाह।

¹⁹काहाकाय जा हाजाला कामान मी आसा केरथु, तो ते नाह किरेत, पुण जी बुरायीन आसा नाह किरेत, तोस केऱ्या केरथु।

²⁰पुण केदी मी तोस केरथु जान आसा नाह किरेत, ताहार ताह केरनार मी नाह ईनो, पुण पाप जो मार माय रिग रिनोह।

²¹इहकेरीन मी ज्य नेम सापड़ावथो काय जेवी हाजो केरनेन आसा केरथु, ते मार फाय रेन बुरायच ईथे।

²²काहाकाय मी मायवाला माणहा से ते बोगवानान नेमा केरीन जुलूम खुस रेथु।

²³पुण माहु मारा सेरीर माय दिहरी बातीन नेम देखाह, जो मारी बुद्दीन नेमा केरीन लेड़ाह एने माहु पापान काबा माय टाकेह जो मारा सेरीर माय हे।

²⁴मी कोहलो दुखी माणुह हे! माहु ज्या मोतीन सेरीर से कुण सोड़वी?

²⁵आपणो मालीक यीशु मसीन द्‍वारा बोगवानान दन्यवाद एय। तानकेरता मी खुद बुद्दी केरीन ते बोगवानान नेमान, पुण सेरीरा केरीन पापान नेमान सेवा केरथु।