रोमीयो 3

¹तानकेरता बिगेर यहुदिन सामने तुमरो यहुदि एणेन काय बोड़ाय? एने तुमरा खेतनान काय फायदो?

²आखी बातीन जुलूम काय। पेल्लो ते ज्य काय बोगवानान बोरहावालो वचन यहुदिह होपाय जायेल।

³केदी थोड़ाक माणहे बुरहो नाह बी केऱ्या ते काय एनो? काय तान अविश्वास बोगवानान खेरायीह फालतुक ठेरावी?

⁴केदिस नाह! पुण बोगवान खेरलो एने एकेक माणुह जुठो ठेराय, पुस्तेक माय लिखेल हे,

⁵तानकेरता केदी आमरो खाराब काम बोगवानान देरमीपोणा ठेराव दिथे, ते आमु काय किज्यो? काय ज्य काय बोगवान जो राग किरेह अन्‍यायी हे? ज्य ते मी माणहान रितीन गेत केथु।

⁶केदिस नाह! नाह ते बोगवान दुनियान नियाव किहीक केरी?

⁷केदी मारा जुठान वोजेसे बोगवानान खेराय तान बोड़ाय ने केरता उंजु बी वोदार देखानो, ताहार ओवतो काहा पापी माणहान गेत मी नियावान केरता ठेराय जाथु?

⁸“आपु काहा बुराय नाय किरज्‍यो काय बोलाय निकले?” जीहे काय आमु पोर जुठो आरोप लागाड़ाय बी जाथे, एने थोड़ाक माणहे केतेह काय न्यान ज्योस केणो हे। पुण ओहलान आरोप लागाड़नो ठिक हे।

⁹ताहार ओवतो काय एनो? काय आपु यहुदि ताह रेन हाजा हेते? केदिस नाह; काहाकाय आपु यहुदि एने बिगेर यहुदि दुयू पोर ज्यो दोस लागाड़ दियेल हेते काय ता आखान आखा पापान काबाम हेते।

¹⁰पुस्तेक माय इहकेरीन लिखेल हे: “कुण देरमी नाह, एक बी नाह।

¹¹कुण ईकेलवालो नाह; कुण बोगवानाह होदणार नाह।

¹²आखा बोगवानाह रेन बोटकी जायेल हेते, आखान आखा उगार बोण जायेल हेते; कुण बोलाय केरनार नाह, एक बी नाह।

¹³तान गिलो उगाड़लो माहेण हे, ता तान जीब्यु केरीन कोपेट किरेल हेते, तान ओठा माय गेड़हान जेहेर हे।

¹⁴तान मुय हाराप एने खाराबपोणा केरीन बोरायेल हे।

¹⁵तान पाय लुय वोयाड़ने केरता उतवाल्यास एय जायेल हेते,

¹⁶तान वाटी माय खेतेम एने पिड़ा हे।

¹⁷ता सान्तीन वाट ओलख्या नाह।

¹⁸तान डोलान सामने बोगवानान बिय नाह।”3:18 बजन 36:1

¹⁹आमु जाणतेह काय नेम जो काय किथे ताहास किथे, जो नेमान काबाम हे; ज्यानकेरता काय एकेक मुय बोंद केराय जाय एने आखी दुनिया बोगवानान नियावान लायकी ठेराय;

²⁰3:20 गलातीयो 2:16काहाकाय नेमान कामा केरीन कुण बी माणुह बोगवानान सामने देरमी नाय ठेराय, ज्यानकेरता काय नेमान द्‍वारा पापान ओलखात ईथे।

²¹पुण एवी नेमाह रेन आंगे बोगवानान तो देरमीपोणा देखायेल हे, जान गोवाय मुसान नेम एने जाणाव केरनार देतेह।

²²3:22 गलातीयो 2:16मतलब बोगवानान तो देरमीपोणा जो यीशु मसी पोर बुरहो केरनेन द्‍वारा जुड़ेह तो आखा बुरहो केरनारान केरता हे, ता माय काय फारेक नाह।

²³ज्यानकेरता काय आखा माणहे पाप किरेल हेते एने बोगवानान बोड़ायीह रेन सेटा हेते,

²⁴पुण तान गीणी केरीन ता सुटकारान द्‍वारा जो यीशु मसीम हे, आखान आखा फुकेट माय देरमी ठेराय जातेह।

²⁵3:25 तान लुय केरीन; नाहते तान सोतान अर्पण किरेल मोत से।यीशुह बोगवान तास ने लुयीम बोरहान द्‍वारा ओहलो प्रायश्‍चित बोली ठेरायो, जो बुरहो केरने से कार्यकारी ईथे, काय जा पाप पेल केराय गीया; एने जा पोर बोगवान तान सहनशीलता माय विहराव दिनो। तान बाराम तो तान देरमी पोणाह देखाड़ी।

²⁶पुण ज्‍यीस टेम तान देरमीपोणा देखाय काय जाकेरीन तो सोताच देरमी ठेराय, एने जो यीशु पोर बुरहो केरी तान बी देरमी ठेरावणार जुवे।

²⁷ताहार गोमेंड केरने काहरी हे? एने ज्यान गोमेंड केरनेन कारेण काय हे, नेमान पालेन केरने काय ज्य नाह सोतो? पुण ता पोर बुरहो केरने।

²⁸तानकेरता आपु ज्या परिणाम पोर पोचतेह काय माणुह बोगवाना पोर बुरहो केरनेन द्‍वारा देरमी ठेराय जाथे, नाह काय कायदो पालेन केरनेन द्‍वारा।

²⁹काय बोगवान फोक्‍तो यहुदिस ने हे? काय तो बिगेर यहुदिन बोगवान नाह? होव, बिगेर यहुदिन बी बोगवान हे।

³⁰3:30 गलातीयो 3:20काहाकाय बोगवान एकुस हे, एने तो यहुदिह बोरहा केरीन एने बिगेर यहुदिह बी बोरहान द्‍वारा देरमी ठेरावी।

³¹ताहार ओवता काय आपु नेमाह बोरहान द्‍वारा बिगेर कामान ठेरावतेह? केदिस नाह! पुण बोरहान द्‍वारा नेमाह मोजबुत केरतेह।