फिलेमोन 1

¹तीमुथीयुस एने मी पौलुसान उगे रेन जो मसी यीशुन केरता बोंदी हे, आमरो मोंगाल्लो हाती फिलेमोन,

²1:2 कुलीसियो 4:17एने बोणीख अफफिया, एने आमरा हाती बाहदुर अरखीपुस एने फिलेमोनान गेरान मोंडलीन नाव:

³आमरो आबोख बोगवान एने मालीक यीशु मसीन उगे रेन गीण एने हुक तुमूह जुड़ते रेय।

⁴बाहख फिलेमोन, जेलेम बोगवानान दन्यवाद केरथु, एने मारी विन्ता माय बी तुवाह एर केरथु,

⁵काहाकाय मी बोगवानान माणहान प्रती तुमरो मोंग एने यीशु मसीम तुमरा बोरहान बाराम होमेलते रेथु।

⁶मी विन्ता केरथु काय तुमू तुमरा बोरहाह वाटणेन कायेम तियार रिवो, जिहकेरीन यीशु मसीन एकीन द्‍वारा आमरा जीवणान हाजाल्यु वातुन तुमूह हास केरीन इकेल रेणे जुवे।

⁷काहाकाय एय बाहख, माहु तारा मोंगा केरीन जुलूम खुसी एने उत्साह जुड़नो, ज्यानकेरता काय तार उगे रेन बोगवानान माणहान मोने खुस एय जायेल हेते।

⁸तानकेरता माहु मसी माय मोटलो दिर हे काय जी वात ठिक हे, तान उकुम तुवाह आपु।

⁹तीबी माहु डावाला पौलुसाह जो एवी मसी यीशुन केरता बोंदी हे, ज्यो उंजु बी हाजो मालुम पोड़नो काय मोंगा माय विन्ता केरू।1:9 यीशु मसीन राजदुत, एने तान केरता बांदायेल; नाहते एक डावालो माणुह, एने एवी मसी यीशुन केरता बांदायेल।

¹⁰1:10 कुलीसियो 4:9ते मी उनेसीमुस ने उगे रेन तुवाह विन्ता केरथु, जो मसी माय मार बिटोख हे, एने जेवी मी जेलीम ईतो ती टेम माय तान आत्मिक आबोख बोणनो।

¹¹तो ते पेल तारा काय कामान नाह ईतो, पुण एवी तार केरता एने मार केरता दुयान केरता मोटला कामान हे।1:11 उनेसीमुस ज्या ग्रीक नावान मतलब, “जुलूम कामान” हे।

¹²ताह जो एवी मारो कालजान टुकड़ो हे, मी तुमू फाय पुशो मुकेल ने बाजरिनोह।

¹³ताह मी माहुस फाय मेलन्यो ईतो काय तो तार उगे रेन ज्यी बोंदी माय जो हाजाली खोबरीन कारेण हे, मारी सेवा चाकरी केरी।

¹⁴पुण मी तारी मोरजीन बिगेर कायच नाह केरने हुद्यो काय तारी ज्यी गीण दाबाव केरीन नाह, पुण खुसी केरीन एय।

¹⁵शायद तो ज्यानकेरता तुवा हिऱ्यो रेन थोड़ाक दिह्यान केरता आलेग ईनो काय कायेम तार हिऱ्यो रेय।

¹⁶पुण एवी रेन पावरान गेत नाह; पुण पावराह रेन बी हाजो मतलब तो माहु ते मोंगाल्लो हे, पुण तो माणुह एने एक मसी बाहख बोणनेन नाते माहु रेन वोदार ताह मोंग केर।

¹⁷केदी तु माहु तार हाती सोमजेह ते, ताह इहकेरीन लेय लीजे जीहे माहु।

¹⁸केदी तो तारो काह नुकसान केऱ्यो एय, एने ता पोर तारो काह केरजो एय, ते मार नाव पोर लेख ले।

¹⁹मी पौलुस मार आथा केरीन लेखथु काय मी सोता बोर देह; एने ज्यान केणेन कायच गिरेज नाह सोती काय मारो केरजो जो तार पोर हे तो तुस हे।

²⁰एय बाहख, जी खुसी माहु मालीक माय तार उगे रेन जुड़ी मसी माय मारा जीवाह आराम आप।

²¹मी तारो उकुम माणनार एणेन बुरहो मेलीन तुवाह लेखथु एने ज्यो सोमेजथु काय जो काय मी केथु तु ताह रेन जादा किरहे।

²²एने ज्यो बी काय मार केरता रोकाणेन गेर तियार मेल माहु आसा हे काय तुमरी विन्तान द्‍वारे मी तुमूह आपाय जाह।

²³इपफ्रास, जो यीशु मसीन केरता मार हिऱ्यो जेल माय बोंदी हे,

²⁴1:24 प्रेरितान काम 12:12,25; 13:13; 15:37-39; कुलीसियो 4:10; प्रेरितान काम 19:29; 27:2; कुलीसियो 4:10; कुलीसियो 4:14; 2 तीमुथीयुस 4:10; कुलीसियो 4:14; 2 तीमुथीयुस 4:11एने मरकुस एने अरीस्तर्खुस एने देमास एने लुका जो माहु मोदेक केरनार हे न्यान तुवाह नमस्‍कार।

²⁵आमरा मालीक यीशु मसीन किव तुमरा जीवा पोर ईती रेय। आमेन।