प्रेरितान काम 1

¹एय मोंगाल्ला थियुफिलुस: मी पेल्‍ली पुस्तेक त्यु सोब वातीन बाराम लिख्यो जो यीशु सुरवातीच रेन किरते एने हिकाड़ते रिनो,

²तो उपेर हेरगाम विसाय नाह गीयो, ताह वोर तान निवाड़ेल प्रेरिताह चोखाला जीवान द्‍वारे उकुम आपीन हिकाड़ते रिनो।

³तो मोरीन पासाण जुलूम पाका पुरावा हिऱ्यो सोताह जीवतालो देखाड्यो, एने चालीह दिह वोर तो ताह देखाती रिनो। एने बोगवानान राज ने वातु किरते रिनो।

⁴1:4 लुका 24:491:4 जेवी ता एकठा टोलवाया केरता; नाहते जाह वोर तो ता हिऱ्यो रेतालो; नाहते तो ता हिऱ्यो खाणो खाया केरता रेतालो। एने ता हिऱ्यो मिलीन ताह उकुम आप्यो, “यरूशलेम सोड़ीन जाहो मा: पुण मार आबाख ने ता वायदाह पुरो एणेन वाट जोवते रिवो, जान बाराम मी तुमूह कियेल ईतो।

⁵1:5 मत्ती 3:11; मरकुस 1:8; लुका 3:16; योहान 1:33काहाकाय योहान पाण्या केरीन बपतीस्मा आपेल, पुण थोड़ाक दिह्यान पासाण तुमू चोखाला जीवा केरीन बपतीस्मा सापड़ावहो।”

⁶ओवता ता एक जागे टोलवाय रियेल एता तेवी ता यीशुह फुशा, “एय मालीक, ज्याच कालाम इस्राएलान राज पोशो लाव दिहे काय?”

⁷यीशु ताह केयो, “ता टेमाह एने कालाह जाणने जाह आबोख ताच ने आदिकार माय मीलेल हे, तो तुमरो काम नाह सोतो।

⁸1:8 मत्ती 28:19; मरकुस 16:15; लुका 24:47,48पुण जेवी चोखालो जीव तुमू पोर आवी तेवी तुमूह ताकेत जुड़ी, एने यरूशलेम एने आखा यहुदिया माय, एने सामरीया माय एने देरतीन कोपरे वोर तुमू मार गोवा रिहो।”

⁹1:9 मरकुस 16:19; लुका 24:50,51ज्यो केयीन यीशु तान देखता देखता उपेर हेरगा माय विसाय गीयो, एने वादेल ताह तान डोलान सामने रेन लीकाड़ लेदो।

¹⁰जेवी ता यीशुह जुगाम जातालो तालताल देखणे बाजरियेल एता, तेवी दिखो, दुय माणहे दोवल्या फाड़का पिरील तान आहने आवीन उबरेय गीया।

¹¹एने ताह केया, “एय गेलील वाला माणहे तुमू जुगान उगे देखतीन काहा उब रेनाह? ज्योच यीशु तुमू हिऱ्यो रेन उपेर हेरगा माय विसाय जायेल हे, जीह केरीन तुमू ताह हेरगाम जातालो देख्या तिहेच केरीन तो पोशो आवी।”

¹²तेवी प्रेरित जेतुन नावान बोयड़ा पोर रेन उतेरना जो यरूशलेम ने आहने एक किलो मिटर सेटो एतो, ता यरूशलेम हेयरा माय पोशा आवा।

¹³1:13 मत्ती 10:2-4; मरकुस 3:16-19; लुका 6:14-16एने ता आवा तेवी उपेरली खोलीम गीया, ताहरी पतरस, योहान, याकुब एने अन्द्रियास, फिलीपुस एने थोमा, बरतुल्मे एने मत्ती, हलफाईन बिटोख याकुब एने देस बक्त शमोन, एने याकुबान बिटोख यहुदा न्या रेताला।

¹⁴न्या ओलाक जाणे, एने ता हेऱ्यु मोकत्युच बायकु एने यीशुन आहख मरीयम एने यीशुन बायाख हेऱ्यो मिलीन एक मोन केरीन विन्ता केरताला।

¹⁵थोड़ाक दिह्यान पासाण विश्वासी माणहान मिटींग एती, ती टेम माय कोम से कोम एक होव विह माणहे एता, बायाख ने विची माय रेन पतरस उबरीन केणे बाज गीयो,

¹⁶“एय मारा बाय बोणहा, यीशुह बोंदी बाणावणार अगुवा यहुदान बाराम चोखाली पुस्तेक ने लेख माय दाऊदान मुया केरीन चोखालो जीव पेलुच रेन कियेल ईतो, ताह पुरो एणे जोरेवरी एतो।”

¹⁷काहाकाय यहुदा आपणी विचीम रेन एक ईतो, एने ज्या कामाह केरनेन केरता ताह निवाड़ेल एतो।

¹⁸(ज्यो माणुह अन्याय ने कामा माय रेन एक खेत वेचातो लेदो, एने मुंडान बोरहे पोड़नो; एने तान पेट फुट गीयो एने तान आखा आतड्या बाहेर निकेल गीया।

¹⁹एने ज्यी वातीह यरूशलेम हेयरा मायवाला आखा माणहे जाण गीया, तानकेरता तान बाषा माय ता खेतान नाव हकलदमा मतलब लुयीन खेत पोड़ गीयो।)

²⁰बजन पुस्तेक माय इहकेरीन लिखेल हे:

²¹“केरीन ज्यो जोरवरी हे काय एक ओहला एदम्याह निवाड़ लेता, जो मालीक यीशुन कामान आखी टेम ने गोवाह हे।

²²यीशु मसी योहान ने द्‍वारा बपतीस्मा आपाय जाणेन टेम माय रेन ते यीशुन उपेर विसाय जाता वोर जा माणहे बाराबोर आमरी हेऱ्या रेना। हाजो ज्यो हे काय ता माय रेन एक माणुह आपु हेऱ्यो यीशुन पोशो जीव उठणेन गोवा एय जाय।”

²³तेवी ता दुय जाणाह उब राख्या ता माय रेन एक युसूफाह जो बरसबा केवातालो, तान दिहरो नाव यूसतुस एतो एने दिहरो मत्तीया।

²⁴तेवी ता ज्यी विन्ता केऱ्या, “एय मालीक, तु जो आखान मोन जाणेह ज्यो देखाड़ काय न्या दुयाम रेन तु कुणीह निवाड़ेल हे

²⁵काय तो ज्यी सेवकाय एने प्रेरितान पोद लेय, जाह यहुदा सोड़ीन तान जागे जात रियेल हे।”

²⁶तेवी ता तान बाराम चिटठ्यु टाक्या एने चिट्ठी मत्तीयान नावे निकेलनी, एने तो ता ईग्यार प्रेरिता माय गेणाय गीयो।