मरकुस 16

¹विहेवणेन दिह जात रिनो, तेवी मरीयम मगदलीनी, एने याकुबान आहख मरीयम, एने सलोमी, मोग मोग गेंदाणार तेल वेचाती लेद्यु काय जाईन यीशुन देड़ा पोर लागाड़े।

²एप्तान पेल्ले दिह उठ्यान वेग्युच दिह उगताच, त्यु माहणा माय आव्यु।

³एने त्यु तीन तीन केताल्यु, “आपणी केरता माहणान बायणा पोर रेन दिगोड़ कुण हेरकावी?”

⁴दिगोड़ जुलूम मुठो ईतो, पुण जेवी त्यु देख्यु ते दिगोड़ हेरकी जायेल हे, तेवी त्यु केयु, “देगड़ाह कुण हेरकायो एय।”

⁵माहणा माय रिगताच, त्यु एक जुवानाह दोवल्या फाड़का पिरेल ईतो, ताह जीवड़े उगे बुहेल देखीन त्यु जुलूम बिय गीयु।

⁶हेरोगदुत त्युह केयो, “बोंगलाहो मा नासरत वालो यीशु जाह खुरूसखाम पोर खीला ठोकीन चेड़ायेल एता, ताह तुमू होदत्युह। दिखो, ज्यो तो जागो हे, जा ताह मीलेल एता तो न्या नाह सुतो; तो जीव उठेल हे।”

⁷16:7 मत्ती 26:32; मरकुस 14:28पुण तुमू जावो, तान चेलाह एने पतरसाह किज्यो काय यीशु तुमूह रेन पेल गेलील माय जाय। तुमूह यीशु कियेल ईतो, तिहेच केरीन गेलील माय यीशुह दिखहो।

⁸ओवत्यु त्यु माहणा माय रेन निकलीन दोवड़ी पोड़न्यु; एने त्यु माय थुतरी बोराय जायेल एती एने त्यु गाबराय जायेल एत्यु; त्यु कुणाह खेरीच कायच नाह केयु, काहाकाय त्यु बिय रियेल एत्यु।16:8 जुनाला अनुवाद माय ज्यी खोबरीन आखरी माय ज्यो लेख नाह जुड़ेल हे। 9-20 वचन।

⁹एप्तान पेल्ले दिह उजालो एताच यीशु जीव उठनो, एने आखान पेल मरीयम मगदलीनी जीन सेरीर माय रेन यीशु पेल हात बुतड़ाह काड़ेल ईतो, तीह देखानो।

¹⁰ती जाईन यीशुन हातीह जा दुखाम बोराय रियेल एता एने रेड़ताला, ताह खुबेर केरी।

¹¹ता ज्य होमलीन काय यीशु जीवतालो हे, एने मरीयम यीशुह दिखेल हे, तीबी ता ती पोर बुरहो नाह केऱ्या।

¹²तान पासाण यीशु पुशो दिहरा वेहाम ता माय रेन दुयाह जेवी ता गावा उगे जाताला, देखानो।

¹³ता बी जाईन दिहराह हातीह खुबेर केऱ्या, पुण ता तान वातु पोर बी बुरहो नाह केऱ्या।

¹⁴पासाण यीशु ता ईग्यार चेलाह बी, जेवी ता रूटो खाणेन बोह रियेल एता, ताह देखानो, एने तान अविश्वास एने मोनान कठोरता देखीन दोपकाड्यो, काहाकाय जा माणहे यीशुह जीव उठणेन पेल दिखेल एता, ता पोर बुरहो नाह केऱ्या।

¹⁵16:15 प्रेरितान काम 1:8उवतो यीशु चेलाह केयो, “तुमू आखी केलीम जाईन आखी केलीन माणहाह हाजाली खोबरीन पारचार किरो।

¹⁶जो बुरहो केरी एने बपतीस्मा लेय ताच ने सुटकारो एय, पुण जो बुरहो नाय केरी तान नियाव एय, एने तो गुनेगार गेणाय जाय;

¹⁷बुरहो केरनारा माय जी निसाणी रेय काय ता मार नावा केरीन बुतड़ाह निकालती, एने ता नोवाली नोवाली बाषा बोलती,

¹⁸केदी ता गेड़हाह उखलीन लेती, एने जीव लेण्यो जेहेर बी पिय लेती तीबी तान कायच नुसकान नाय एय; ता दुखाऱ्या पोर आथ मेलती, एने ता हुदेर जाती।”

¹⁹मालीक यीशु ता हिऱ्यो वातु केरनेन पासाण हेरगा माय विसाय गीयो, एने बोगवानान जीवड़े उगे बोह गीयो।

²⁰एने चेला जाईन आखी जागे पारचार केऱ्या, एने बोगवान ता हिऱ्यो काम किरते रिनो, एने त्यु निसाण्यु केरीन ज्यु ता हेर्‍यु एताल्यु। बोगवान वचनाह मोजबुत किरते रिनो। आमेन।16:20 थोड़ाक लेख माय एने जुनाला अनुवाद माय, ज्यी खोबरीन आखरी माय विस्तार से निवरावणेन सिवाय ज्यो थोड़ाक माय निवरनो जुड़ेल हे। 9-20 वचन।