योहान 18

¹यीशु ज्यी विन्ता केरनेन पासाण, तान चेला हिऱ्यो किद्रोन नावान खोदरान ती मीरे गीयो। ताहरी एक बोगीच्‍यो एतो, जा माय यीशु एने तान चेला गीया।

²एने यीशुह दुको देणार यहुदा बी ता जागान बाराम जाणतालो, काहाकाय यीशु तान चेलाह कायेम ती जागे मिलने जाया केरतालो।

³तेवी यहुदा रोमी सिपायान एक टुलो लेन, एने थोड़ाक मुखी चाकर्‍यान एने फरिसीन द्‍वारा मोकलायेल थोड़ाक मोंदिर ने राखवाल्या हिऱ्यो दिवा बुलो एने आथ्‍यार लेन ताहरी आवो।

⁴तेवी यीशुह मालुम एतो काय ता हेऱ्यो जो काय एण्यो एतो, तानकेरता ओंगाण आवो, एने ताह फुशो, “तुमू कुणीह होदणे बाजरेनाह?”

⁵ता ताह जापाप आप्या, “यीशु नासरीह।” यीशु ताह केयो, “मी तोच हे।”

⁶जेवी यीशु केयो, “मी तोच हे,” ता पासाण हेरकीन बुय पोर जाय पोड़ना।

⁷तेवी यीशु ताह उंजु फुशो, “तुमू कुणीह होदणे बाजरेनाह?”

⁸यीशु ताह जापाप आप्यो, “मी ते तुमूह पेलुस केय दिनो काय मी तोच हे, केदी तुमू माहु होदणे बाजरेनाह, ताहार न्याह दिहराह जाणे दिवो।”

⁹ज्यो ज्यानकेरता एनो काय तो वचन जो पेल कियेल ईतो तो खेरीच पुरो एय जाय: “एय आबा जाह तु माहु आपेल हे, ता माय रेन मी एकाह बी नाह टाक्‍यो।”

¹⁰तेवी शिमोन पतरसान आथाम तालवार एती, एने तो म्यान माय रेन तालवार काड़ीन मुखी चाकर्‍यान एक पावराह दिनो, एने तान जीवड्यो कान काट दिनो। ता पावरान नाव मलखुस एतो।

¹¹18:11 मत्ती 26:39; मरकुस 14:36; लुका 22:42तेवी यीशु पतरसाह केयो, “तारी तालवार म्यान माय मेल! काय मी तो दुखान पियालो नाय पिव जो आबोख माहु आपेल हे?”

¹²तेवी रोमी सिपाय ने टुलो, एने तान आदिकारी एने यहुदिन मोंदिरान राखवाल्या यीशुह देरीन बांद लेदा।

¹³एने पेल ताह हन्ना फाय ली गीया, काहाकाय हन्ना ता वोरह्यान मुखी चाकऱ्या केफान हाहरोख ईतो।

¹⁴18:14 योहान 11:49,50ज्यो तोस केफा ईतो, जो यहुदि आदिकारीह सलाह आपेल ईतो काय आपणा आखा माणहान केरता एक एदमीह मोरने हाजो हे।

¹⁵शिमोन पतरस एने दिहरो एक चेलो बी यीशुन पासाण चाल पोड़ना। तो चेलो मुखी चाकर्‍यान ओलखातीन ईतो, केरीन तो बी एवी यीशु हिऱ्यो मुखी चाकर्‍यान खोली माय गीयो,

¹⁶पुण पतरस बाहेर बायणा पोर उबरियेल ईतो। तेवी तो दिहरो चेलो पुशो बाहेर आवो, एने बायणान राखवाल केरनार सोरी हिऱ्यो वात किऱ्यो, एने पतरसाह मायतो लावो।

¹⁷तेवी एक पावेरनी जी बायणान राखवालनी एती, पतरसाह केयी, “तु बी ज्या माणहान चेलाम रेन हे काय?”

¹⁸ईवालो एतो केरीन पावोर एने सिपाय कोल्यान आक्‍ठो पेटाड़ीन तापतेन कावदेन उबरियेल एता, एने ता हिऱ्यो पतरस बी तापतेन उबरियेल ईतो।

¹⁹तेवी मुखी चाकर्‍यो यीशुह तान चेलान एने तान हिकवोणान बाराम पुसतास किऱ्यो।

²⁰यीशु ताह जापाप आप्यो, “मी कायेम आखान सामने उदाह वातु किरेल हे; मारो आखो हिकवोण बोक्‍तीन गेरा माय एने मोंदिर माय किरेल हे, जाहरी आखा यहुदि टोलवातेह। एने मी केदी बी लिकाएन काईस नाह केयो।

²¹तु माहु काहा सावाल फुसीह? ता माणहाह सावाल फुस जा मार हिकवोण होमलेल हेते। ताह मालुम हे काय मी काय कियेल ईतो!”

²²जेवी यीशु इहकेरीन केयो, ते सिपाया माय रेन एक जो आहने उबरियेल ईतो, यीशुह थापोड़ देन केयो, “काय तु मुखी चाकऱ्याह इहकेरीन जापाप आपणेन ईमोत किरेह!”

²³यीशु ताह जापाप आप्यो, “केदी मी बाकतो केयो एय, ते न्याहरो आखाह के काय ज्यो काय एतो। पुण मी ठिख कियेल हे, ते तु माहु काहा दिथे?”

²⁴तेवी हन्ना यीशुह बांदायेल मुखी चाकऱ्या केफा फाय मोकली दिनो।

²⁵पतरस आक्‍ठो तापतेन ताहरी उबरियेल ईतो। तेवी दिहरा ताह केया, “काय तु बी तान चेला माय रेन एक जाण हे?”

²⁶जान कान पतरस काट टाकेल ईतो, तान एक गेरल्यो मुखी चाकर्‍यान पावोर माय रेन ईतो। तो पतरसाह केयो, “काय मी तुवाह यीशु हिऱ्यो बोगीचा माय नाह दिखेल ईतो?”

²⁷पतरस पोशो नाकार किऱ्यो, एने चालोच कुकड़ो वाह दिनो।

²⁸ओवता ता वेगोच ने टेम माय यीशुह केफान गेर रेन रोमी राजवाड़ा माय ली गीया। पुण यहुदि आदिकारी राजवाड़ा माय नाह गीया, काहाकाय ता फसहान तिवार खाणेन पेल रिती रिवाजान गेत सोताह एठो एने नाह होदताला।

²⁹तानकेरता पिलातुस ता फाय बाहेर आवीन फुशो, “तुमू ज्या माणहा पोर काल्ली वातीन गुनो लागाड़तेह?”

³⁰ता पिलातुसाह जापाप आप्या, “केदी ज्यो माणुह गुनेगार नाय रितो ताहार आमु ज्याह तार फाय काहा लावता।”

³¹पिलातुस ताह केयो, “तुमूस ज्याह ली जाईन तुमरा नेमान गेत तान नियाव किरो।”

³²18:32 योहान 3:14; 12:32ज्यो ज्यानकेरता एनो काय यीशुन ती वात पुरी एय, जी तो ईसारो किरते लेन कियेल ईतो काय तान मोत किहीक एय।

³³तेवी पिलातुस पुशो राजवाड़ा माय गीयो, एने यीशुह हादिन फुशो, “काय तु यहुदिन राजा हे?”

³⁴यीशु ताह जापाप आप्यो, “काय तु ज्यो सावाल खुद केणे बाजरिनोह, नाहते दिहरा मार बाराम तुवाह ज्यो कियेल हेते?”

³⁵पिलातुस ताह जापाप आप्यो, “काय तुवाह लागीह काय मी एक यहुदि हे? तारीस जातीन माणहे एने मुखी चाकऱ्या तुवाह माहु हुप दियेल हेते। माहु कि, तु ओहलो काय किरेल हे?”

³⁶यीशु ताह जापाप आप्यो, “मारो राज ज्यी दुनियान नाह सोतो; केदी मारो राज ज्यी दुनियान रेतो, ते मार सेवक माहु यहुदि आदिकारीन आथाम होपाय जाणेन विरोद माय लेड़ाय केरता। पुण मारो राज न्यावालो नाह!”

³⁷पिलातुस यीशुह फुशो, “ते काय तु राजा हे?”

³⁸पिलातुस यीशुह केयो, “खेराय काय हे?”

³⁹पुण तुमरी ज्यी रिती रिवाज हे काय मी फसह ने तिवारा माय तुमरी केरता एक आरापीह सोड़ देव। तुमू काय होदतेह, काय मी तुमरी केरता यहुदिन राजाह सोड़ देव?”

⁴⁰तेवी ता पोशा आयड़ीन जापाप आप्या, “ज्याह नाह, पुण आमरी केरता बरअब्बाह सोड़ दे!” बरअब्बा जो एक डाकु ईतो।