इफिसीयो 2

¹एने तो तुमूह बी जिवाड़ेल, जा तुमरा गुनान एने पापान कारेण मुरेल एता।

²एक टेम एतो जेवी तुमू आत्मिक रूप से उकुम नाह माणनारे एने आत्मिक रूप माय मोर जायेल एता; एने ज्या दुनियान खाराब वाटी पोर चालनारे एता, एने जुगान आदिकारी, ता जीवान गेत जीवताला, जो जीव एवी बी उकुम नाह मान्नारा माय काम केरने बाजरिनोह।

³ज्या माय आमु बी आखा पेल सेरीरान मोरजी पुरी केरनेन केरता जीवताला, एने सेरीर एने मोनान मोरजी पुरी केरताला, एने दिहरा माणहान गेत वेवारा माय रेन रागान सीकार एता।

⁴पुण बोगवान जुलूम गीण केरनार हे, काहाकाय तान महान मोंगा केरीन आमु पोर मोंग किऱ्यो।

⁵जेवी आमु उकुम नाह मान्नेन कारेण मुरेल एता, तो आमुह मसी माय जीवाय आप्यो। ज्यो बोगवानान गीण ने द्‍वारा तुमूह वोचाड़ेल हे।

⁶एने आपुह मसी यीशु माय एक एणेन वोजेसे ता हेऱ्यो जीव उठाड्यो, एने हेरगा माय ता हेऱ्यो बोहाड्यो।

⁷काय तो आवणे वाला टेम माय तान गीणीन मोठाय मसी यीशु माय आमरे केरता किरेल गीण माय देखाड़ सेकी।

⁸काहाकाय बोरहान द्‍वारे गीण केरीस ने तुमूह सुटकारो जुड़ेल हे, एने ज्यो तुमरी उगे रेन नाह, पुण बोगवानान दान हे;

⁹एने नाह कामान कारेण, ओहलो नाय एय काय कुण बी मोठाय केरी।

¹⁰काहाकाय आमु बोगवानान बाणायेल हेते, एने मसी यीशु माय ता हाजा कामान केरता बोणेल हेते, जाह बोगवान पेलुस आमुह केरनेन केरता तियार किरेल हे।

¹¹तुमू जा पायदासीस बिगेर यहुदि हेते एने खेतान केरायेल यहुदिन द्‍वारा केवाय जातेह, जा आपणे आप खेतना केरायेल केवाहतेह तुमरा पोसली जीवायीह एर मीलो।

¹²ईर किरो तुमू तुलबूखे दुनियाम मसी रेन आलेग, एने इस्राएलान पोरजान पोदा रेन आंगे केरायेल, एने वायदान वाचान बागी नाह एता, एने बिगेर आसान एने दुनिया माय बिगेर बोगवानान एता।

¹³पुण एवी मसी यीशु माय तुमू जा पेल सेटा एता, 2:13 मसीन लुय केरीन, नाहते खुद मसीन अर्पण किरेल मोत केरीन।मसीन लुयी केरीन आहने एय गीयाह।

¹⁴काहाकाय तीस आमरी सान्ती हे, जी यहुदि एने बिगेर यहुदिह एक केर देनी एने आंगे केरनार जो बितड़ो विची माय एतो, तोड़ देनो।

¹⁵2:15 कुलीसियो 2:14एने आपणा सेरीर माय खाराब मतलब तो नेम जान उकुम विदीन रिती पोर एती, मीटाड़ देनो काय दुयूह ता माय एक नोवालो माणुह बाणावीन तान विचीम मीलावे।

¹⁶2:16 कुलीसियो 1:20एने मसीन खुरूसखाम पोर मोतीन कारेण बेदबावाह खेतेम केरीन दुयूह एक सेरीर बाणावीन बोगवाना हेऱ्यो मीलाव दिनो।

¹⁷एने तो आवीन तुमू जा बिगेर यहुदि सेटा एता, एने यहुदि जा आहने एता, दुयूह सान्तीन मीलापान हाजाली खुबेर होमलाव्यो।

¹⁸काहाकाय यीशुन द्‍वारे आपु दुयून एक जीव एन आबाख फाय पुचीह।

¹⁹तानकेरता तुमू बिगेर यहुदि परदेसी एने एंजाणल्या नाह रेना, पुण बोगवानान माणहा हेऱ्या बोगवानान गेराणान एय गीयाह।

²⁰2:20 जाणकार एने प्रेरित टाकेल पायो; नाहते तो पायो, मतलब जाणकार एने प्रेरित।ताह बाणावणो प्रेरित एने जाणकारान द्‍वारे मीलेल पाया पोर, जान आदार खुद मसी यीशु हे।

²¹आखी आवाली तान द्‍वारे जोड़ाय गियी एने मालीक माय चोखाली मोंदिर एणेन केरता वोदेह।

²²मालीक माय एक एणेन वोजेसे तुमू बी जीवान द्‍वारे बोगवानान रेणेन जागो बोणनेन केरता एकठो बोणती जाथे।