मत्ती 7

¹दिहरा पोर गुनो मा लागाड़हो काय तुमरी पोर बी गुनो नाय लागाड़ाय जाय।

²7:2 मरकुस 4:24काहाकाय जिहकेरीन तुमू गुनो लागाड़तेह, तिहेस केरीन तुमरी पोर बी गुनो लागाड़ाय; एने जा मापा केरीन तुमू मापतेह, तास मापा केरीन तुमरी केरता बी मापाय।

³तु तारा बाहख ने डोलाम कोचरो काहा दिखेह, तुवाह तारा डोलाम होट्य नाह मालुम पोड़ेत काय?

⁴जेवी ताराच डोलाम होट्य हे, ते तार बायाख किहीक केय सिकेह! काय लाव मी तारा डोलाम रेन कोचरो काड़ देह?

⁵एय कोपटी, पेल तारा डोला माय रेन होट्य काड़ले, तेवी तु तारा बायाख ने डोला माय रेन कोचरो हास केरीन देखीन काड़ सिकहे।

⁶चोखाली वोस्तु चिताह मा आपहो, एने तुमरो हिरामोती हुवऱ्यान ओंगाण मा टाकहो; एने ओहलो नाय एय काय हुवऱ्या ताह पाया बुंद रोहदेल देती, एने फिरीन तुमूह फाड टाकती।

⁷एने मी तुमूह केथु, “मांगहो ते तुमूह आपी; हुदहो ते तुमूह जुड़ी; बायणाह ठुको ते तुमरी केरता उगड़ी जाय।

⁸काहाकाय जो कुण मांगेह, ताह जुड़ने; एने जो हुदेह ताह सापड़ने; एने जो बायणाह ठोकेह तान केरता उगड़ी जाय।”

⁹तुमरे माय रेन ओहलो काल्लो माणुह हे, केदी तान सोरो रूटो मांगी, ते ताह दिगोड़ आपी?

¹⁰एने मासो मांगी ते ताह गेयड़ेह आपी?

¹¹जेवी तुमू खाराब एन बी तुमरा सोराह हाजी वोस्तु आपणेन जाणतेह, ते तुमरो हेरगावालो आबोख ता फाय रेन मांगणाराह हाजी वोस्तु काहा नाय आपी?

¹²एने जो वेवारो माणहा फाय रेन तुमू होदतेह, तोहलोच वेवारो माणहा हेऱ्या बी तिहेच केरीन किरो; काहाकाय मुसान कायदो एने जाणकारान हिकवोण ज्‍योच हे।

¹³“हाकड़ा बायणाम रेन माय जावो, काहाकाय चोवड़ो हे तो बायणो एने हाजी हे ती वाट जी नासान उगे ली जाणे, एने जुलूम हेते जा ता माय रेन माय जातेह।”

¹⁴पुण जो आतल्‍यो हे तो बायणो एने हाकड़ी हे ती वाट जीवणान उगे ली जाथे, एने थोड़ाच हेते ताह जुड़ी।

¹⁵जुठा जाणकाराह रेन होमालीन रिज्यो, जा मेंड्रान वेहा माय तुमू फाय आवतेह, पुण माय रेन ता चिरफाड़ केरनारे कोलवा हेते।

¹⁶तान फोलाह देखीन तुमू ताह ओलखी लिहो। काटाल्या जाड़ा पोर रेन अंगुर, एने खाराब जाड़ा पोर रेन अंजीर तोड़नु काय?

¹⁷तानकेरीन एकेक हाजाला जाड़ाह हाजालो फोल आवणे, एने खाराब जाड़ाह खाराब फोल आपणु।

¹⁸हाजाला जाड़ाह खाराब फोल केदी नाह आवणे, एने खाराब जाड़ाह हाजालो फोल केदी नाह लागणे।

¹⁹7:19 मत्ती 3:10; लुका 3:9एने जो जाड़ हाजो फोल नाह लावेत, ताह काट देणु एने आक्‍ठा माय टाक देणु।

²⁰7:20 मत्ती 12:33तानकेरता तान फोलाह देखीन ताह तुमू ओलखी लिहो।

²¹जा माहु, “एय मालीक, एय मालीक केतेह,” ता माय रेन एक बी हेरगान राज माय जाय नाय सेकी, पुण तास जाय सेकती जा मारा हेरगावाला आबाख ने मोरजी पोर चालती।

²²ते दिह जुलूम माणहे केती, एय मालीक, काय आमु तारा नावान पारचार नाह होमलाड्या, एने जाणाव नाह केऱ्या एने तारा नाव केरीन खाराब जीवाह नाह निकालेल, एने तार नाव से जुलूम बोंगलाय ओहला चोमेत्कार नाह किरेल?

²³ते दिह मी ताह खेरी खेरी केय देह, “मी तुमूह केदीच ओलखेत नाह, एय खाराब काम केरनारे, मार आहने रेन सेटा एय जावो!”

²⁴तानकेरता जो कुण मार वचनाह होमलीन तान गेत किरेह तो सोमेजदार माणहान गेत हे; तान गेर जो खेरबा पोर बांदेह।

²⁵ओवतो पाणी पोड़नो, खुदोर आवो, एने वारो बी आवो, एने गेरा हेऱ्यु ठोकानो; तीबी तो पोड़नो नाह, काहाकाय तान पायो खेरबा माय खोदीन बाणायेल ईतो।

²⁶तिहेस केरीन जो कुण मार वचनाह होमलीन तान गेत नाह किरेत तो फोगा माणहान गेत हे, तान गेर तो रेटा माय बांदेह,

²⁷ओवतो पाणी पोड़नो, खुदोर आवो, एने वारो बी आवो, एने तान गेरा हेऱ्यो ठोकानो; तिहेस तो गेर पोड़ गीयो।

²⁸जेवी यीशु ज्य आखो केणेन निवराव दिनो, तेवी ओहलो एनो काय माणहान गेरदी तान हिकवोणाह होमलीन बोंगलाय गियी।

²⁹काहाकाय तो ताह देरेमगुरून गेत नाह, पुण आदिकार माय ताह हिकाड़तालो।