मत्ती 5

¹जेवी यीशु ती मोटली गेरदीह देखीन तो एक बोयड़ा पोर चेड़ गीयो, एने ताहरी बोह गीयो तेवी तान चेला ता फाय आवा।

²एने तो तान मुय उगाड़ीन ताह ज्य हिकाड़ने बाज गीयो:

³“बोरकेतवाला हेते ता जा मोनान गेरबोड़ा हेते;

⁴बोरकेतवाला हेते ता जा दुख मोणावतेह;

⁵बोरकेतवाला हेते ता जा नम्र हेते;5:5 बजन 37:11

⁶बोरकेतवाला हेते ता जा देरमान बुखल्या एने तीहल्या हेते;5:6 यशाया 55:1-2

⁷बोरकेतवाला हेते ता जा गीण केरनारे हेते;

⁸बोरकेतवाला हेते ता जान मोन चोखो हे;5:8 बजन 24:3-4

⁹बोरकेतवाला हेते ता, जा मेल केरावणारे हेते;

¹⁰बोरकेतवाला हेते ता जा पोर देरमान केरता सेताव आवेह;

¹¹“बोरकेतवाला हेते तुमू; जेवी माणहे मार केरता तुमरी चिहटा केरती, एने सेतावती एने मार केरता तुमरा विरोद माय जुठ बोली बोलीन तुमरी विरोद माय आखी बातीन खाराब वातु केती।”

¹²तुलबूखे आनन्दित एने खुस ईज्यो, काहाकाय तुमरी केरता हेरगा माय मोटलो ईनाम हे; एने तुमूह रेन पेल जा जाणकार एता ताह बी ता इहीचकेरीन वेला केरायेल एता।5:12 2 इतिहास 36:16; प्रेरितान काम 7:52

¹³तुमू देरतीन मीठ हेते, केदी मीठान खारलो होवाद जात रेय, ते ता खारला होवादाह पोशो किहीक लाव सेकतेह। तो कायस कामान नाह रेत, पुण बाहेर टाक देणु एने माणहे ताह पाया बुंदे रोहदेल देणु।

¹⁴5:14 योहान 8:12; 9:5तुमू दुनियान उजालो हेते। एने जो गाव बोयड़ा पोर बुहेल हे तो लीक नाह सिकेत।

¹⁵5:15 मरकुस 4:21; लुका 8:16; 11:33माणहे चिमणी पेटाड़ीन पायला बुंद नाह डापणु, पुण चिमणीह कोठी पोर मेलनु काय गेरावाला आखा माणहाह उजालो आपेह।

¹⁶5:16 1 पतरस 2:12तिहेस केरीन तुमरो उजालो बी माणहान ओंगाण चोमके काय तुमरा हाजाला काम देखीन ता तुमरा आबाख ने जो हेरगाम हे, बोड़ाय केरी।

¹⁷पुण तुमू ज्य मा सोमजो काय मी कायदाह, एने जाणकारान पुस्तेकाह खेतेम केरनेन आयेल हे। खेतेम केरने नाह पुण पुरो केरनेन आयेल हे।

¹⁸5:18 लुका 16:175:18 ज्यान आखो हिकवोण खेरलो हेकाहाकाय मी तुमूह खेरीच केथु, काय जाह वोर जुग एने देरती टेल नाय जाय, ताह वोर कायदाम रेन एक बी वात नाय टेली, पुण त्यु सोब पुरी एय जाती।

¹⁹तानकेरता जो कुण ज्या आत्याम रेन आत्यो उकुमा माय रेन काल्लो बी एक तोड़ी, एने तिहेच केरीन माणहाह हिकाड़ी, तो हेरगान राज माय आखाम रेन आत्यो केवाय; पुण जो कुण ता उकुमान पालेन केरी एने ताह हिकाड़ी, तोच हेरगान राज माय मोठो केवाय।

²⁰काहाकाय मी तुमूह केथु, “केदी तुमरो देरमी पोण देरेमगुरू एने फरिसीन देरमाह रेन वोदीन नाय रेय, ते तुमू हेरगान राज माय केदी जाय नाय सिकहो।”

²¹तुमू ज्य होमेल लियेल हेते काय वेगाला वारान माणहाह कियेल एतो, “खुन मा किरहो एने जो कुण खुन केरी तो कोरटाम डेंडान लायकी हे।”

²²पुण मी तुमूह ज्य केथु काय जो कुण आपणा बायाख पोर बिगेर कामे राग केरी,5:22 थोड़ाक लेख माय बिगेर कारणान ने वोजेसे राग किरेह लिखेल हे तो कोरटाम डेंडान लायकी हे, एने जो कुण आपणा बायाख बिगेर कामान हे केय, तो मोटला पोंचाम डेंडान लायकी हे, एने जो कुण केय, “एरे फोगा” तो नेरगान आक्‍ठान डेंडान लायकी हे।

²³तानकेरता केदी तु तारी बेट चेड़ावणेन केरता वेदीन5:23 बोली चेड़ावणेन जागु जागे लावेह, एने ताहरी तुवाह एर आवेह, काय तारा बायाख ने मोना माय तार पोर काह विरोद एय,

²⁴ते तारी बेट ताच वेदी हिऱ्यो मेल दे, एने जाईन पेल तारा बायाख हिऱ्यो मेल मिलाप केर, ओवतो आवीन बेट चेड़ावजे।

²⁵जाह वोर तार दुसमोन तार हिऱ्यो हे, ते उतवाल्योह ताह जोड़ीदार बोणावले, काय ओहलो नाय एय काय लेड़ाणार तुवाह नियाव केरनारान आथाम होपी, एने नियाव केरनार तुवाह सिपायड़ान आथाम होपी, एने तुवाह जेलीम कोंड देती।

²⁶मी तुवाह खेरीच केथु, जाह वोर तु एक एक रूपियो बोर नाय दिहे ताह वोर सुटहे नाय।

²⁷सिनालो मा किरहो केरीन कियेल एतो, तो तुमू होमेल लियेल हेते।

²⁸पुण मी तुमूह केथु, काय केदी कुण एगदी बायकुह गेलेत विचारा केरीन दिखेह, ते तो तान मोना माय पेलुस ती हेऱ्यो सिनालो केर लियेल हे।

²⁹5:29 मत्ती 18:9; मरकुस 9:47केदी तारो डाखऱ्यो डोलो तुवाह पाप केरावी, ते काड़ीन ताह टाक दे; काहाकाय तार केरता ज्योस हाजो हे काय तार सेरीराम रेन एक खेतेम एय जाए, एने तारो आखो सेरीर नेरगान आक्‍ठा माय टाकाय नाय जाए।

³⁰5:30 मत्ती 18:8; मरकुस 9:43केदी तारो डाखऱ्यो आथ तुवाह पाप केरावतेय, ते काटीन ताह जुगार दे; काहाकाय तार केरता ज्योस हाजो हे काय तार सेरीराम रेन एक खेतेम एय जाए, एने तारो आखो सेरीर नेरगाम5:30 हेलेगतालो आक्‍ठो तो केदी नाह ओलाणे टाकाय नाय जाए।

³¹“ज्य बी कियेल एतो, ‘जो कुण तान बायकुह सोड़ने हुदेह, ते लेख्यो आपीन तिह सोड़ देय।’ 5:31 व्यवस्था 24:1-4; मत्ती 19:7; मरकुस 10:4

³²5:32 मत्ती 10:11-19; मरकुस 10:11,12; लुका 16:18; 1 कुरिंथीयो 7:10,11पुण मी तुमूह ज्य केथु काय जो कुण तान बायकुह सिनाला सावाय दिहरा काल्ला बी कारणा से सोड़ेह, तो तीह सिनालो केरावेह; एने जो कुण ती सोड़ दियेल बायकु हेऱ्यो वाराड़ किरेह, तो सिनालो किरेह।”

³³तुमू होमेल लियेल हेते काय वेगाला वारान माणहाह कियेल एतो, जुठी सुगोण मा खाहो, पुण बोगवानान केरता तुमरी सुगोण पुरी किरज्‍यो।5:33 लेव्यवस्था 19:12; गिनती 30:2; व्यवस्था 23:21

³⁴पुण मी तुमूह ज्य केथु काय केवी बी सुगोण मा खाहो; नाह ते हेरगान, काहाकाय तो बोगवानान राजगादि हे;5:34 यहोशु 5:12; यशाया 66:1; मत्ती 23:22; याकुब 5:12

³⁵नाह ते देरतीन, काहाकाय ती तान पायान चोवकी हे; नाह यरूशलेम ने काहाकाय तो मोटला राजान हियोर हे।5:35 यशाया 66:1; बजन 48:2

³⁶एने तुमरा मुंडान बी सुगोण मा खाहो, काहाकाय तुमू एक लेट्याह बी उजलो एने कालो नाह केर सेकते।

³⁷पुण तुमरी वातु होव ते होव, एने नाह ते नाह एणे जुवे; काहाकाय ज्याह रेन होवटो एणे तो खाराब सैतानान उगे रेन एणे।

³⁸तुमू होमलेल हेते काय वेगाला माणहाह कियेल एतो, “डोलान बोदले डोला, एने दातान बोदले दात।”5:38 21:24; लेव्यवस्था 24:20; व्यवस्था 19:21

³⁹पुण मी तुमूह ज्यो केथु काय खाराब केरनारान सामनो मा किरहो; पुण जो कुण तारा एक गाड़शा पोर थापो देय, ते तान उगे दिहरो गाड़शो बी केर देजे।

⁴⁰केदी एगदो तुवा बोलजोबरी केरीन डेगलो सांडाड़ ने हुदेह ते ताह चोड्डो बी आप दे।

⁴¹एने जो कुण तुवाह रावणी केरीन एक किलो मिटर ली जाय, ते ता हेऱ्यो दुय किलो मिटर जात रिजे।

⁴²जो कुण तुवा फाय रेन काह उदार मांगी; तो तुवा फाय एय ते आप; एने जो कुण तुवा फाय रेन उदार लेणे हुदेह, ताह देखीन मुय मा फिरीव हे।

⁴³तुमू होमेल लियेल हेते काय वेगाला वारान माणहाह कियेल एतो, “आपणा आहेंल्याह मोंग किरज्‍यो; एने दुसमोना हेऱ्या दुसमोनाय।”5:43 लेव्यवस्था 19:18

⁴⁴पुण मी तुमूह ज्य केथु काय तुमरा दुसमोनाह मोंग किरज्‍यो एने जा तुमूह तेकलीत देतेह तानकेरता विन्ता किरो,

⁴⁵इहकेरीन तुमू तुमरा हेरगावाला आबाख ने सोरा केवाहो, काहाकाय तोच हाजाला एने बाकताला दुयू पोर तान दिह उगाड़ने, एने देरमी पापी दुयू पोर पाणी पाड़ने।

⁴⁶केदी तुमूह मोंग केरनारा हेऱ्यास तुमू मोंग किरहो, ते तुमरे केरता काय फोल एय? काय फालो उकालनारे बी इहीचकेरीन नाह केरते?

⁴⁷केदी तुमरा बायाख ओलास तुमू नमस्‍कार किरहो, ते काल्लो मोटलो काम केरतेह? काय बिगेर यहुदि माणहे बी इहकेरीन नाह केरते?

⁴⁸जीह केरीन तुमरो हेरगावालो आबोख सिद्द5:48 बोगवानान आखी वातुह मानील माणुह हे तिहेच केरीन तुमू बी सिद्द बोणो।5:48 लेव्यवस्था 19:2; व्यवस्था 18:13