प्रकाशितवाक्य 3

¹सरदीस मायवाली मोंडलीन खुबेर पोचाड़नार हेरोगदुताह ज्यो लिख:

²केरीन जाग जा, एने त्युह मोजबुत किर ज्‍यु बाकी हेत्यु ज्यान पेल काय त्यु मोर जाय। काहाकाय मी तुमरा काल्ला बी कामाह बोगवानान नेजरी माय पुरो नाह दिख्यो।

³3:3 मत्ती 24:43,44; लुका 12:39,40; प्रकाशितवाक्य 16:15तानकेरता ईर किर काय तु कोहली हिकवोण हिकेल एने होमलेल ईतो; एने तान पालेन किर एने पापा माय रेन मोन फिराव। केदी तु जागही नाय, एने मी चोर जिहकेरीन आवणे तिहकेरीन आव जाह, एने तु केदी बी जाण नाय सिकहे काय मी काल्ली टेम तार फाय आव जाह।

⁴पुण सरदीस माय तुमरी फाय थोड़ाक माणहे ओहला बी हेते जा तान फाड़काह एठा नाह केऱ्या। ता दोवल्या फाड़का पेरीन मार हेऱ्या फिरती, काहाकाय ता ज्यी लायकीन हेते।

⁵3:5 प्रकाशितवाक्य 20:12; मत्ती 10:32; लुका 12:8जा जीत हासील केरी, ताह इहीचकेरीन दोवल्या फाड़का पेराय जाती, एने मी तान नाव जीवणान पुस्तेक माय रेन नाय खेडुह। पुण तान नाव मार आबाख ने एने तान हेरोगदुतान सामने खुल्लो गोसीत केरूह काय ता मारा हेते।

⁶जान कान एय, ता होमली लेय काय जीव मोंडलीह काय किथे!

⁷फिलादिलफिया मायवाली मोंडलीह खुबेर पोचाड़नार हेरोगदुताह ज्यो लिख:

⁸मी तुमरा कामाह जाणथु; दिखो, मी तुमरी ओंगाण एक बायणो उगाड़ मीलेल हे, जाह कुण बी बोंद नाय केर सेकी। मी जाणथु काय तार ताकेत कोमी हे, एने तुमू मार हिकवोण ने पालेन किरेल हेते, एने तुमू बोरहावाला बोणीन रेना।

⁹दिखो! सैतान ने सबा एने जा सोताह यहुदि केतेह, पुण ता हेते नाह, एने ता जुठ बोलतेह। मी ताह मोजबुर केर देह काय ता तुमरा पाया पोड़ती, एने जाणती काय मी तुमूह मोंग किरेल हे।

¹⁰काहाकाय तुमू दिर हेऱ्या मार सेहणेन आदेसाह मानील हेते, एने मी बी तुमूह सताव एणेन टेम माय तुमूह वोचाड़ीन मेलुह, जो जी देरती पोर रेणाराह पारेखणेन केरता आखी दुनिया पोर आवणेवालो हे।

¹¹मी उचकाहुच आवण्यो हे। जो काय तुमू फाय हे ता माय बोणीन रिवो, काय एगदो तुमरो जित ने ईनाम तुमू फाय रेन सांडाड़ नाय लेय।

¹²3:12 प्रकाशितवाक्य 21:2जा जिक जाती ताह मी बोगवानान मोंदिर ने एक खाम बाणावुह, तो पोशो केदी बी मोंदिर ने बाहेर नाय जाय। एने मी ता पोर मार बोगवान ने नाव एने मार बोगवान ने हेयरान नाव नोवालो यरूशलेम लेखुह, जो मार बोगवान ने हेरगान उगे रेन नेचो उतरी, एने मी ता पोर मार नोवालो नाव लेखुह।

¹³“जान कान एय, ता होमली लेय काय जीव मोंडलीह काय किथे।”

¹⁴लोदिकिया मायवाली मोंडलीन खुबेर पोचाड़नार हेरोगदुताह ज्यो लिख:

¹⁵मी तार कामाह जाणथु काय तु नाहते ठेंडो हे नाह गेरेम। हाजो एतो काय तु ठेंडो नाहते गेरेम रितो।

¹⁶तानकेरता तु गुनगुना हे, एने नाह ठेंडो नाह गेरेम हे, मी तुवाह मार मुयाम रेन उगालने जाणे बाजरिनोह!

¹⁷तु किथे, ‘मी मालदार हे एने मालदार एय जायेल हे; एने मार फाय आखो काय हे, एने माहु काल्ली बी वोस्तुन कोमी नाह सोती।’ पुण तु ज्यो नाह जाणेत काय तु दुखी, खाराब, गेरीब, आंदलो एने नांगेरलो हे।

¹⁸केरीन मी तुवाह सलाह आपथु काय तु माहु फाय रेन चोखो होनो वेचातो लीय ली काय तु मालदार बोण जाही, एने दोवल्या फाड़का लेन पिर काय तारो नांगेरलान लाज ढापाय जाय। एने तार डोला माय लागाड़नेन केरता सुरमो लीय ली काय तु हास केरीन देख सेकी।

¹⁹3:19 इब्रानियो 12:6मी जाह मोंग केरथु, ताह दोपकावथु एने चित्रो बाणावथु। तानकेरता जोसीला बुणो, एने पापा माय रेन मोन फिराव।

²⁰दिखो! मी बायणा हिऱ्यो उबरीन ठोकथु; केदी एगदो मार आवाज होमलीन बायणो उगाड़ी, ते मी ता फाय माय आवीन ता हिऱ्यो खाणो खाह, एने तो मार हेऱ्यो।

²¹जा जीत हासील केरी ताह मी मार हिऱ्यो मार राजगादि पोर बोहणेन आदिकार आपुह, जिहकेरीन मी बी जीत हासील केरीन मार आबाख हिऱ्यो राजगादि पोर बोह रिनोह।

²²“जान कान एय, ता होमली लेय काय जीव मोंडलीह काय किथे!”