1पुशो मी जुगा माय एक बोंगलाय ओहली मोटली निसाणी दिख्यो, तो ज्यो काय हात हेरोगदुता फाय हात आवणार पिड़ा एत्यु, त्यु सेवल्यु पिड़ा एत्यु, काहाकाय न्यु हेऱ्यो बोगवानान राग ओलाय जाथे।
2तेवी माहु सिसान गेत एक देरीयो देखाय देनो जा माय आक्ठो बेचक्यो एय। एने उंजु मी दिख्यो काय जा माणहे ता जेनवेरा एने तान मुरती एने तान आकड़ा पोर जीत हासील किरेल हेते। ता माणहे बी ता सिसान देरीयान उपेर, बोगवानान उगे रेन आपायेल रेणथो लेन उबरियेल एता।
3ता माणहे बोगवानान पावोर मुसान एने मेंड्रान गीत गावणे बाजरियेल एता:
4एय मालीक, कुण हे जो तुवाह नाय बिय?
5ज्यान पासाण मी ज्यो दिख्यो काय हेरगान मोंदिर माय वायदान तोम्बु खोलाय गीयोह।
6ता मोंदिर माय रेन हात हेरोगदुत हात पिड़ा लेन निकेलना, ता हुवाल्ला साप सुतरा फाड़का पेरीन एने साती पोर होनान पुट्टो लेन एता।
7तेवी ता चार जीवताला जेनवेरा माय रेन एक एने कायेम कायेम जीवतालो रेणार बोगवान ने रागाम बोरायेल हात वाटकाह, हात हेरोगदुताह आप दिनो।
8बोगवानान बोड़ाय एने तान सेक्तीन कारेण मोंदिर दुवाड़ा माय बोराय गीयो, एने जाह वोर हात हेरोगदुतान हात पिड़ा निवेर नाह गियी, ताह वोर मोंदिर माय कुणूस बी जाय नाह सेक्यो।