1बोगवानाह एने मसी यीशुन उपस्थिती माय जो जीवतालान एने मुरेलान दुयून नियाव केरी, एने राजा बोणीन राज केरने आवी गोवा मानेन मी विन्ती केरथु।
2काय तु वचनान पारचार केर, टेम माय एने बिगेर टेम माय तियार रे, आखी बातीन सेहणे माय एने हिकवोण हेऱ्यो उत्साह आपीन जोर दे, एने दोपकाव एने सोमजाड़।
3काहाकाय ओहलो टेम आवी जेवी माणहे खेरलो हिकवोण नाय वेठ सेकती ता फोक्तो सोताह समादान जुड़ी ओहल्यु वातु काना केरीन होमेलनेन केरता आपणा लोब लालुसान गेत आपणी केरता जुलूम होवटा मास्तेर्याह टोलीव लेती।
4एने तान कान खेरायीन उगे रेन फेरवीन काल्पनीक वार्ता पोर लागाड़तेह।
5पुण तु आखी परीस्थिती माय सोताह ताबाम मेल दुख विस, हाजाली खोबरीन पारचार ने काम केर, एने तारी सेवाह पुरी केर।
6काहाकाय एवी मारो अर्पण ईथे, एने माहु ज्यो जीवणो सोड़ीन जाणेन टेम आव लागेल हे।
7मी हाजी दोवोड़ दोवेड़ लीदोह, मारो दोवड़नो मी पुरो केर लियेल हे, एने बोरहान राखवाली मी किरेल हे।4:7 बोरहावालो रियेल हे; नाहते किरेल वायदा पोर खीरलो रिनोह।
8एवी ओंगाण मार केरता नियाव तो मुकूट मेल रिनोह, मालीक जो देरमी एने नियाव केरनार हे, ते दिह माहु आपी, एने माहु ओलोस नाह, पुण ता आखान केरता जा तान आवणेन मोंगाल्लो जाणतेह।
9तुवाह एय तोलोक उतवाल्योह मार फाय आवणेन कोसीत केर।
104:10 कुलीसियो 4:14; फिलेमोन 1:24; 2 कुरिंथीयो 8:23; गलातीयो 2:3; तीतुस 1:4काहाकाय देमास ज्यी दुनियाह मोंगाल्ली जाणीन माहु सोड़ दिनोह, एने थिस्सलुनिक्यो माय जात रिनोह। क्रेसकेंस गलातीयाम एने तीतुस दलमतीया माय जात रिनोह।
114:11 कुलीसियो 4:14; फिलेमोन 1:24; प्रेरितान काम 12:12,25; 13:13; 15:37-39; कुलीसियो 4:10; फिलेमोन 1:24लुका ओलोस मार हिऱ्यो हे। मरकुसाह लेन आवती रे; काहाकाय सेवान केरीन तो मार केरता जुलूम मोदेक केरनार हे।
124:12 प्रेरितान काम 20:4; इफिसीयो 6:21,22; कुलीसियो 4:7,8तुखीकुसाह मी इफिसुस माय मुकलेल हे।
134:13 प्रेरितान काम 20:6जेवी तु आवहे तेवी मार डेगलो जो मी त्रोआसाम करपुस फाय मेलीन आयेल हे, ताह एने पुस्तेक खास केरीन लेखणेन केरता चामड़ान पोत्रो लीयावजे। हाजाली स्याई केरीन लिखेल उबरियेल पोत्रा
14आलेकजांडर ताम्रकार माहु जुलूम नुकसान पोचाड़ेल हे, मालीक तान कामान गेत ताह बुदलो आपी।
15तु बी ताह रेन जोगवीन रे, काहाकाय तो आमरी वातुन जुलूम विरोद किरेल हे।
16पेल्ली वार मार जापाप आपणेन टेम माय मार उगे कुणूस नाह एतो, पुण आखा माहु सोड़ दियेल एता। हाजो एय काय ताह ज्यान लेखो आपणे नाय पोड़ी।
17पुण मालीक मार मोदेक ने केरता मार हिऱ्यो उब रिनो, काहाकाय मार द्वारे पुरो पुरो पारचार एय एने आखा देसान माणहे होमेल लेय केरीन तो माहु ताकेत आप्यो। एने माहु मोतीन डेंडाह रेन सोड़वेल।
18मालीक माहु आखा खाराब कामाह रेन सोड़ीव लेय, एने तान हेरगान राज माय होमालीन पोचाड़ी। तान जेलेम बोड़ाय एते रेय। आमेन।
19प्रिस्का एने अक्विलाह एने उनेसीफुरूसान गेराणान माणहाह नमस्कार।
204:20 प्रेरितान काम 19:22; रोमीयो 16:23; प्रेरितान काम 20:4; 21:29इरास्तुस कुरिंथीयो माय रेय गीयोह, एने त्रुफिमुस दुखाऱ्यो एय गीयोह ताह मी मीलेतुस माय मेलीन आवोह।
21ईवालो आवणेन पेल मार फाय आवणेन कोसीत केर। युबूल एने पुदेस, एने लीनुस एने क्लोदिया, एने आखा विश्वासी बायाख नमस्कार।
22मालीक तार जीवा हिऱ्यो रेय। एने तुमू पोर बोगवानान गीण एती रेय।