2 तीमुथीयुस 1

¹पौलुस ने उगे रेन मसी यीशु माय जो जेलेमक्यो जीवाय ने वायदो हे, तान बाराम गोसणा केरनेन केरता बोगवानान मोरजीन गेत प्रेरित हे,

²1:2 प्रेरितान काम 16:1मोंगाल्ला सोरा तीमुथीयुस ने नाव:

³मी मारी विन्ता माय रात दिह तुवाह एर केरीन बोगवानान दन्यवाद केरथु, जान सेवा मी मारा डायडायान रिती पोर चोखाला मोना केरीन केरथु,

⁴एने तार आहवान एर केरीन तुवाह मिलनेन जुलूम आसा केरथु, काय तुवाह देखीन खुसी माय बोराय जाव।

⁵1:5 प्रेरितान काम 16:1माहु तारा ता बिगेर कोपेट बोरहान एर आवीह, जो पेल तारी डावाली आहख लोइस एने तार आहख यूनीके माय एत्यु, माहु बुरहो हे काय तोस बुरहो तार माय बी हे।

⁶ज्यानकेरता मी तुवाह एर केरावथो काय तु ता वरदानाह जीवतालो मेल जो तार उपेर मार आथ मेलनेन द्‍वारा बोगवान तुवाह आपेल हे।

⁷काहाकाय बोगवान आमुह बिय ने नाह पुण ताकेत ने, मोंग ने एने दिरान जीव आपेल हे।

⁸तानकेरता आमरा मालीकान हाजाली खोबरीन गोवाय केरीन, एने माहु रेन जो मसीन केयदी हे लाजवाहे मा, पुण ती ताकेत जी बोगवान तुवाह आपेल हे, तान गेत मार हिऱ्यो दुख उखलीन।

⁹तो आमरा कामान वोजेसे नाह, पुण तान योजना एने गीण माय आमुह सुटकारो आप्यो एने चोखाली हादावणी माय हाद्यो, ज्यी गीण मसी यीशु फाय आवणे माय आमु पोर ईयेल एती।

¹⁰पुण एवी आमरा सुटकारो केरन्या यीशु मसीन आवणेन द्‍वारे देखानो, जो मोतीन ताकेतीह खेतेम किऱ्यो एने जेलेमक्या जीवणान हाजाली खोबरीन द्‍वारा देखाड्यो।

¹¹1:11 1 तीमुथीयुस 2:7तानकेरता मी हाजाली खोबरीन गोसणा केरनेन केरता बोगवान माहु प्रेरित, एने मास्तेर ठेरायेल हे।

¹²ज्यानकेरता ज्यो दुख मी वेठथु, तीबी लाजवात नाह, काहाकाय मी जा पोर बुरहो किरेल हे, ताह मी जाणथो; एने माहु बुरहो हे काय तो मार ईसाह ते दिह वोर राखवाली केर सिकेह।1:12 तो माहु बोरहा केरीन सुरो बाणायो; नाहते मी तान बोरहा केरीन सुरो बोणनु।

¹³जीहे काय तु मार फाय रेन होमलेल हे काय मालीक यीशु मसीन बुरहो, मोंग एने हाजाली हिकवोणान नमुनो बाणाव।

¹⁴एने चोखाला जीवान द्‍वारे जो आमु माय बोह रेनोह, ज्यी हाजाल्यु वातुन राखवाली केर।

¹⁵जा बुरहो केरनारे माणहे आसीया खेड़ा माय हेते, ता मार हेऱ्या रेन सेटा एय गीयाह, ज्यो तुवाह मालुम हे; जा माय फुगीलुस एने हिरमुगीनेस न्या हेते।

¹⁶उनेसीफुरूसान गेराणा पोर मालीक गीण केरी, काहाकाय तो जुलूम वार माहु हुक पोचाड़ेल एने ताह मार बेड्या एने हाकुल माय बांदायेन लाज नाह आवीत।

¹⁷पुण जेवी तो रोम माय आवो, ते जुलूम मेहनेत केरीन होदिन मार हिऱ्यो मिलानो।

¹⁸ते दिह मालीक फाय रेन ताह गीण जुड़ी, ओहलो मालीक केरी; एने इफिसुस माय जो जो सेवान काम किरेल हे तु हास केरीन जाणेह।