1 तीमुथीयुस 2

¹एवी मी आखान पेल ज्यी खास वात केथु काय आखा माणहान केरता विन्ता, एने विन्ता, एने निवेदन एने दन्यवाद केराय जाय।

²खास केरीन राजा एने उचा पोदवालान केरता, काहाकाय आपु हुकेह एने सान्ती माय एने बोगवानाह मान मेलतेन चोखाली जीवाय जीवे।

³ज्यो हाजो हे, काहाकाय आपणो सुटकारो आपणार बोगवानाह स्वीकारनेन लायकीन हे।

⁴तान ओहली मोरजी हे काय आखा माणहान सुटकारो एय, एने ता खेरायीह हास केरीन जाण लेय।

⁵काहाकाय एकुच बोगवान हे, बोगवान एने माणहान विचीम एकुच वातार हे मसी यीशु जो माणुह हे।

⁶जो आखान सुटकारान केरता सोताह किमोत ने रूप माय आप दिनो, एने तान गोवाय ठिक टेम पोर आपानी।

⁷2:7 2 तीमुथीयुस 1:11मी खेरी केथु, जुठ नाह बुलीत, काय मी ज्यास उद्देश माय पारचार केरनार एने प्रेरित एने बिगेर यहुदिन केरता बोरहान एने खेरायीह हिकाड़नार ठेराय गीयो।

⁸मोंडली माय मी होदथु काय माणहे बोगवानाह होपाय एने बिगेर राग केरीन आपणा आथाह उचा केरीन विन्ता केरी।

⁹2:9 1 पतरस 3:3मी ज्यो बी होदथु काय बायकु बी त्युन फाड़काह होबाता हेऱ्यो पेरी नाह काय आपणा लेट्याह गुथणे, एने होनो चांदीन गेयणो पेरनेन उगे द्यान नाय देय।

¹⁰पुण हाजा कामा केरीन होबाड़े, काहाकाय बोगवानान बोक्ती केरनार्‍यु बायकुन केरता ज्यो हाजो हे।

¹¹बायकुह ठावकी रेन पुरा ताबा माय रेन हिकणे जुवे।

¹²मी परवांगी नाह आपेत काय बायकु हिकाड़े एने एदम्या पोर आदिकार चालाड़ी, पुण ठावकीच रेय।

¹³काहाकाय आदम पेल बोणेल हे, तान पासाण हवाह बाणायेल।

¹⁴एने आदम फासायेल नाह, पुण बायकु फासानी एने बोगवानान नेमाह तोड़ देनी।

¹⁵2:15 सोराह पायदा केरीन सुटकारो सापड़ावी; नाहते पायदा केरनेन द्‍वारे होमालीन मेलाय जाय।तीबी बायकुह सोरा जेणनेन द्‍वारे सुटकारो जुड़ी, केदी ती होबाता हेऱ्यो बुरहो, मोंग, एने चोखाला माय मोजबुत रेय ताहार।