1 पतरस 5

¹तुमरे माय जा डावाला हेते, मी तान गेत डावालो एने मसीन दुखान गोवा हे। एने आवणार बोड़ाय माय बेचकाएन ताह ज्यो सोमजाड़थो,

²5:2 योहान 21:15-17काय बोगवानान ता टोलान जो तुमरी विचीम हे राखवाल किरो; एने ज्यो केरने पुड़ेह केरीन नाह, पुण बोगवानान मोरजीन गेत खुसी माय तान देखरेत किरो, एने कामाय ने केरता नाह, पुण मोन लागाड़ीन किरो।

³जा माणहे तुमूह होपायेल हेते, ता पोर आदिकार मा चालाड़ो, पुण तुमरा टोलान केरता हाजा बुणो।

⁴जेवी मुखी राखवाल्यो आवी, तेवी तुमूह बोड़ायीन ओहलो मुकूट जुड़ी जान होबा केदी गेटणे नाह।

⁵तिहेच केरीन एय जुवान्या, तुमू बी डावालान ताबाम रिवो, एने तुमू आखान आखा एकमेकान सेवा केरनेन केरता गेरबोड़ाय से कोमेर बांदिन रिवो, “काहाकाय बोगवान गोमेंड केरनारान विरोद किरेह, पुण गेरब्या पोर गीण किरेह।”

⁶5:6 मत्ती 23:12; लुका 14:11; 18:14तानकेरता बोगवानान ताकेतवाला आथान नेड़ा गेरीब बोणीन रिवो, ज्यानकेरता काय तुमूह ठिख टेम पोर उचो केरी।

⁷बोगवाना पोर तुमू तुमरी आखी चिन्ता टाको काहाकाय तो तुमरी कालजी लिथे।

⁸चेकचेल्या ईवो, एने जागताला रिवो! काहाकाय तुमरो विरोदी बुतड़ो डाखारनार सिहान गेत कुणीह फाड़ खाव, ज्यो होदते फिरेह।

⁹बोरहा माय मोजबुत एन, एने ज्यो सोमजीन तान सामनो किरो काय तुमरा बायबांडला जा दुनियाम हेते ओहलोच दुख वेठणे बाजरेनाह।

¹⁰तुमूह थोड़ीक वार वोर दुख उठावणेन बाद आखा गीणान बोगवान जो तुमूह मसी माय बाणावीन जेलेमक्यो बोड़ाय ने केरता हादेल तो खुद तुमूह पुरो, मोजबुत, थोबाड़ी एने ताकेतवाला केरी।

¹¹तास ने आदिकार कायेम रेय। आमेन।

¹²मी सिलवानुस ने उगे रेन, जाह मी बोरहावाला सोमेजथु, थोड़ोक माय लेखीन तुमूह सोमजाड़ेल हे, एने ज्यी गोवाय दियेल हे काय बोगवानान खेरलो गीण ज्योस हे, ज्यास माय मोजबुत रिवो।

¹³बाबिलोन माय तुमरे गेत निवाड़ेल मोंडली हे, ता एने मारो बिटोख मरकुस तुमूह नमस्‍कार केतेह।

¹⁴मोंग माय एकमेकाह गेले लागाड़ीन नमस्‍कार किरो।