1 पतरस 3

¹एय बायकु, तुमू बी तुमरा एदम्यान ताबाम रिवो, काहाकाय ज्याम रेन एगदो बोगवानान वचन पोर बुरहो नाह किरेत ताहार तुमरा वेवारा केरीस ने तुमू ता बोरहा केरीन जिक सेकतेह ज्यानकेरता तुमूह ता हेऱ्या वातु केरनेन बी जोरेवरी ना सोती।

²काहाकाय ता देखती काय तुमरो वेवारो चोखो एने बोक्ती माय एय।

³3:3 1 तीमुथीयुस 2:9तुमरी होबा फोक्‍तो बाहेर रेन देखाड़नो नाय जुवे, जिहकेरीन लेट्या गुथणे, एने होनान गेयणो पेरने, एने बात बातीन फाड़का पेरने,

⁴केरीन ज्यो तुमरो मायवालो व्यक्तिगत जुवे, जा गेरबोड़ा एने मोनान गेरबोड़ायीन खेतेम नाह एणार होबा केरीन हिंगारेल जुवे, काहाकाय बोगवानान नेजरी माय ज्यान किमोत मोठो हे।

⁵काहाकाय पेल्ला काला माय बोगवाना पोर आसा मेलनार्‍यु बोक्ती केरनार्‍यु बायकु बी त्यु आप आपणा एदम्यान ताबाम रेयीन सोताह इहीचकेरीन हिंगारताल्यु।

⁶जिहकेरीन सारा तीन एदमी अब्राहाम ने उकुम मानताली। तिहेच केरीन तुमू बी हाजो किरो एने बिवो मा, ते तुमू सारान बेट्युख ठेराहो।

⁷तिहेच केरीन एय एदमी, तुमू बी तुमर्‍यु बायकु हेऱ्या सोमेजदारी केरीन जीवणो जीवो, एने बायकुह कोमजोर ठामलो सोमजीन तीन मान मीलो, ज्यो सोमजीन काय आमु दुय जीवणान वरदानान वोस हेते, ज्यानकेरता काय तुमरी विन्ता माय एड़थेड़ो नाय आवी।

⁸केरीन तुमू आखा मोना माय दोस्तीदार बोणीन रिवो, गीण एने एका दिहरा पोर मोंग किरो, किव केरनार एने गेरीब बुणो।

⁹बुराय ने बोदले बुराय एने हारापान बोदले हाराप इहकेरीन मा किरो; पुण ज्यान उलटा बोरकेतुस आपो, काहाकाय तुमू बोरकेत ने वारीस बोणनेन केरता हादाड़ाय जायेल हेते।

¹⁰काहाकाय पुस्तेक माय लिखेल हे:

¹¹तो बुरायीह सोड़ी एने हाजो तो केरी;

¹²काहाकाय मालीकान डोला न्यायी माणहा पोर लागेल रेतेह,

¹³केदी तुमू हाजो केरनेन केरता कायेम तियार रिहो ताहार तुमूह नुकसान कुण पोचाड़ सिकेह?

¹⁴3:14 मत्ती 5:10केदी तुमू खेराय ने केरता दुख बी विठहो, ताहार बोरकेतवाला हेते! पुण माणहान बिगाड़े ते मा बिहो, एने मा गाबराहो।

¹⁵पुण मसीह मालीक जाणीन आप आपणा मोना माय मान सम्मान मीलो। जो कुण तुमूह तुमरी आसान बाराम काह फुसी, ताह जापाप आपणेन केरता कायेम तियार रिवो, पुण गेरबोड़ाय एने बिते लेन जापाप आपो;

¹⁶एने मोन बी चोखो मीलो, ज्यानकेरता काय जी वातुन बाराम तुमरी ईजुत वेराह तान बाराम ता, जा मसी माय तुमरा हाजा वेवारान अपमान केरतेह, ता लाजवाती।

¹⁷काहाकाय बोगवानान मोरजी ज्‍यीस हे काय बुराय केरनेन बोदले हाजो केरीन दुख विठो ज्‍यीस बोगवानान मोरजी हे।

¹⁸3:18 मुरेल; थोड़ाक लेख माय तेकलीत सेहेन किरेल लिखेल हे।ज्यानकेरता मसी बी आखा पापान केरता एकुस वार मुरेल काय आपुह बोगवानान आहने खेरला बोणावीन पोचाड़ी एने तो सेरीरा केरीन ते माराय गीयो, पुण जीवा माय जीवाड़ाय गीयो।

¹⁹ता जीवान उगे रेन यीशु जाईन कोंडायेल जीवाह पारचार किऱ्यो,

²⁰ता ज्या जीव हेते जा ती टेम बोगवानान उकुम नाह मान्नारे एता जेवी नुहान डोंडह्यो बोणने बाजरियेल एतो एने बोगवान दिर देरीन वाट जोवतालो। ता डोंडह्‍याम फोक्‍तो आठ जाणे पाण्याह रेन वोच गीया।

²¹ज्यो ता बपतीस्मान गेत हे, जाकेरीन एवी तुमरो सुटकारो ईथे। ज्या माय सेरीरान मोयेल दोवणे नाह सोतो, पुण चोखाला मोनान केरता बोगवाना हेऱ्यो हाजो वायदो हे, एवी ते तुमूह यीशु मसीन जीव उठणेन द्‍वारा वोचाड़ेह।

²²यीशु हेरगा माय जाईन बोगवानान जीवड़े उगे बुहेल हे; एने हेरोगदुत एने हेरगावाला आदिकारी एने ताकेत तान ताबाम केराय जायेल हेते।