1 पतरस 1

¹पतरसान उगे रेन जो यीशु मसीन प्रेरित हे, जा बोगवानान निवाड़ेल हेते, पुन्तुस, गलातीया, कप्‍पदुकिया, आसीया एने बेतनिया माय पोरदेसी एन रेतेह,

²तुमू बोगवान आबाख ने वातीन केरता निवाड़ाय जायेल हेते एने तान जीवान कामान उगे रेन, चोखाला माणहे ठेराय जायेल हेते, ज्यानकेरता काय यीशु मसीन उकुम माने एने यीशु मसीन लुयी केरीन चोखो एय जाय,

³आमरो मालीक यीशु मसीन आबाख बोगवानान बोड़ाय एय, जो यीशु मसीह मुरेल माय रेन जीव उठाड़ीन, तान मोटली गीण केरीन आपुह जीवताली आसान केरता नोवालो जेल्मो आपेल हे।

⁴काय ता आदिकाराह सापड़ावे जो बोगवाना फाय रेन जुड़ेह, जो खेतेम नाह एणार सोतो, हाजो एने जेलेमक्यो हे तो तुमरी केरता हेरगा माय मीलेल हे;

⁵तुमरी राखवाली बोगवानान ताकेत ने द्‍वारे बोरहा केरीन ता सुटकारान केरता जो सेवल्या टेम माय देखाण्यो हे।

⁶तानकेरता तुमू जुलूम खुस हेते, एने जोरेवरी हे काय तुमूह एवी थोड़ाक दिह्यान केरता बात बातीन पारेख ने वोजेसे दुख बोगणे पोड़ी;

⁷ज्यो ज्यानकेरता एनो काय तुमरो बुरहो पारखाय जाए, चोखालो निकले, एने मोजबुत रेय जिहकेरीन खेतेम एणार होनान पारेख आक्‍ठा केरीन केरनु ता होनाह रेन बी जादा किमतीदार बुरहो हे, तो यीशु मसीन आवणेन टेम पोर ईजुत एने बोड़ाय एने आदर ने कारेण ठेराय।

⁸तुमू ताह नाह देख्या, तीबी तुमू ताह मोंग केरतेह, एने एवी ता पोर बिगेर देखीन बी बुरहो केरीन ओहला खुस एने खुसी एतेह काय केणेन बाहेर एने बोड़ाय केरीन बोरायेल हे;

⁹एने तुमरा बोरहान फोल मतलब जीवान सुटकारो सापड़ावतेह।

¹⁰ज्यास सुटकारान बाराम ता जाणाव केरनारे जुलूम हास केरीन होद लागाड्या, जा ता गीणान बाराम जो तुमरी पोर एण्यो एतो, जाणाव किरेल एता।

¹¹1:11 तो टेम केवी एय एने तो टेम किहीक आवी; तो कुण एय एने काहरी एय।ता जाणाव केरनारे मसी पोर आवण्या दुखान टेमाम एने ती बोड़ाय जी ज्या दुखान पासाण देखाय ज्यान होद मसीन जीवा केरीन केऱ्या जो ता माय एतो।

¹²बोगवान ता जाणाव केरनाराह देखाड्यो काय ता सोतान नाह पुण तुमरी सेवान केरता ज्‍यु वातु केऱ्या केरताला, जान खुबेर एवी तुमूह तान द्‍वारा जुड़नी जा चोखाला जीवान उगे रेन, जो हेरगाम रेन मोकलाय गीयो, तुमूह हाजाली खुबेर होमलाड्या; एने ज्‍यु वातुह हेरोगदुत बी हास केरीन देखणेन आसा मेलतेह।

¹³तानकेरता आपणी आपणी एकलीन कोमेर बांदिन, एने होमालीन रेन ती गीणीन पुरी आसा मीलो, जो यीशु मसीह आवण्या टेमा माय तुमूह जुड़न्यो हे।

¹⁴वात मान्नारा सोरान गेत आपणी विणएकलीन टेमान जुनाला मोरजीन होस मा बुणो।

¹⁵पुण जोहलो तुमरो हादणार चोखालो हे, तिहेच केरीन तुमू बी तुमरा आखा बोलना चालना माय चोखाला बुणो।

¹⁶काहाकाय लिखेल हे, “चोखाला बुणो, काहाकाय मी चोखालो हे।”

¹⁷एने जेवी तुमू “एय आबा” केयीन ताह विन्ता केरतेह, जो बिगेर बेदबाव आखान कामान गेत नियाव किरेह, ताहार तुमू देरती पोर रेणेन बुखेत बिते लेन जीवो।

¹⁸काहाकाय तुमू जाणतेह काय तुमरो खाराब बोलनो चालनो जो डायडाया रेन चालते आवणे बाजरेनोह, ताकेरीन तुमरो सुटकारो होना चांदी मतलब खेतेम एणार चिजीन द्‍वारा नाह एनो;

¹⁹पुण निर्दोस एने विणढाग्यो गीदल्यो, मतलब मसीन किमतीदार लुयीन उगे रेन ईयेल।

²⁰बोगवानान इकेल दुनियाह बोणनेन पेलुच रेन सोमजाय जायेल एती, पुण एवी ज्या सेवल्या काला माय तुमरी केरता देखानो।

²¹तान द्‍वारा तुमू ता बोगवाना पोर बुरहो केरतेह, जो ताह मुरेल माय रेन जीवाड्यो एने बोड़ाय आप्यो काय तुमरो बुरहो एने आसा बोगवाना पोर टिकीन रेय।

²²जेवी तुमू बायबांडलान केरता बिगेर कोपेट मोंग ने केरता खेरायीह पालेन केरीन तुमरा मोनाह चोखा किरेल हेते, ते पुरो मोन लागाड़ीन एका दिहरा हेऱ्या जादा मोंग किरो।1:22 तुमरा पुरा मोना केरीन; थोड़ाक लेख माय चोखा मोना केरीन लिखेल हे।

²³काहाकाय तुमू खेतेम एण्यो नाह, पुण खेतेम नाह एणार बिजा केरीन बोगवानान जीवतालो एने कायेम रेणार वचनान द्‍वारा नोवालो जेल्मो सापड़ायेल हेते।1:23 यशाया 40:6,7

²⁴काहाकाय पुस्तेक माय लिखेल हे:

²⁵पुण मालीकान वचन कायेम टिकीन रीथे।”