1La ngamakhosi amazwe anqotshwa ngabako-Israyeli njalo alezabelo ezathunjwa empumalanga yeJodani, kusukela eDongeni lwase-Arinoni kusiya entabeni yaseHemoni, okugoqela lonke icele langempumalanga ye-Arabha:
2USihoni inkosi yama-Amori, wayebusa eHeshibhoni.
3Wayebusa njalo empumalanga ye-Arabha kusukela olwandle lweKhinerethi kusiyafika olwandle lwe-Arabha (uLwandle lweTswayi) kusiya eBhethi-Jeshimothi, eningizimu phansanyana kwemithezuko yasePhisiga:
4Lelizwe lika-Ogi inkosi yaseBhashani, omunye wamaRefayi okucina owayebusa e-Ashitharothi le-Edreyi.
5Wabusa eNtabeni yaseHemoni, eSalekha, iBhashani yonke kusiya emngceleni wabantu beGeshuri leMahakhathi, lengxenye yeGiliyadi kusiya emngceleni kaSihoni inkosi yeHeshibhoni.
6UMosi inceku kaThixo, labako-Israyeli babanqoba. UMosi inceku kaThixo wanika ilizwe labo abakoRubheni labakoGadi lengxenye yesizwana sakoManase ukuthi libe ngelabo.
7La yiwo amakhosi elizwe lelo uJoshuwa labako-Israyeli abalithumbayo eceleni elisentshonalanga yeJodani, kusukela eBhali-Gadi esiGodini seLebhanoni kusiya eNtabeni yeHalakhi ekhangele eSeyiri (amazwe abo uJoshuwa wawanika njengelifa ezizwaneni zako-Israyeli kusiya ngezigaba zezizwana zabo,
8indawo elamaqaqa, amawatha asentshonalanga, i-Arabha, lemithezukweni yezintaba, inkangala leNegebi, amazwe amaHithi, ama-Amori, amaKhenani, amaPherizi, amaHivi, lamaJebusi):
9inkosi yeJerikho, eyodwa
10inkosi yeJerusalema, eyodwa
11inkosi yeJamuthi, eyodwa
12inkosi ye-Egiloni, eyodwa
13inkosi yeDebhiri, eyodwa
14inkosi yeHoma, eyodwa
15inkosi yeLibhina, eyodwa
16inkosi yeMakheda, eyodwa
17inkosi yeThaphuwa, eyodwa
18inkosi ye-Afekhi, eyodwa
19inkosi yeMadoni, eyodwa
20inkosi yeShimron Meroni, eyodwa
21inkosi yeThanakhi, eyodwa
22inkosi yeKhedeshi, eyodwa
23inkosi yeDori (eNafothi Dori), eyodwa
24inkosi yeThiza, eyodwa.