1“Isono sikaJuda sidwetshwe ngensimbi,
2Labantwababo bayawakhumbula
3Intaba yami eselizweni
4Ngenxa yezici zenu lizalahlekelwa
5UThixo uthi:
6Uzakuba njengesihlahlanyana enkangala;
7Kodwa ubusisiwe umuntu othemba uThixo,
8Uzakuba njengesihlahla esihlanyelwe eduze lamanzi
9Inhliziyo iyakhohlisa okudlula izinto zonke
10“Mina Thixo ngiyayihlola inhliziyo
11Umuntu ozuza inotho ngezindlela ezimbi
12Isihlalo sobukhosi, esikhazimulayo esaphakanyiswayo kusukela ekuqaleni,
13Awu Thixo, themba lika-Israyeli,
14Ngisilisa, Thixo, njalo ngizasiliswa;
15Bahlala besithi kimi,
16Angibalekanga ekubeni ngumelusi wenu;
17Ungabi ngowesabekayo kimi;
18Abangihluphayo kabayangiswe,
19UThixo wathi kimi: “Hamba uyekuma esangweni labantu, amakhosi akoJuda angena ngalo njalo aphume ngalo; ume futhi lakuwo wonke amanye amasango aseJerusalema.
20Uthi kubo, ‘Zwanini ilizwi likaThixo, lina makhosi akoJuda labo bonke abantu abahlala koJuda kanye labantu bonke abahlala eJerusalema abangena ngala amasango.
21UThixo uthi: Qaphelani lingathwali mthwalo ngosuku lweSabatha loba liwungenise ngamasango aseJerusalema.
22Lingaphumisi mthwalo ezindlini zenu kumbe lenze loba yiwuphi umsebenzi ngosuku lweSabatha, kodwa ligcine iSabatha lingcwele, njengokulaya kwami okhokho benu.
23Kodwa kabalalelanga loba banake; izintamo zabo zazilukhuni njalo kabalalelanga kumbe bamukele ukulaywa.
24UThixo uthi: Kodwa nxa liqaphele ukungilalela, lingangenisi mthwalo ngamasango edolobho leli ngeSabatha, kodwa ligcina usuku lweSabatha lungcwele ngokungenzi msebenzi ngalo,
25lapho-ke amakhosi ahlezi esihlalweni sobukhosi sikaDavida azangena lezikhulu zawo ngamasango edolobho leli. Wona lezikhulu zawo bazafika begade izinqola zempi lamabhiza, belabantu bakoJuda lalabo abahlala eJerusalema; bahlale kulo idolobho kuze kube nininini.
26Abantu bazakuza bevela emadolobheni akoJuda lasemizini egqagqele iJerusalema, bevela elizweni lakoBhenjamini lasezintatshaneni zangasentshonalanga, bevela elizweni lamaqaqa laseNegebi, beletha iminikelo yokutshiswa lemihlatshelo, iminikelo yamabele, impepha kanye leminikelo yokubonga endlini kaThixo.
27Kodwa nxa lingangilaleli ekuthini ligcine usuku lweSabatha lungcwele ngokungathwali mthwalo lapho lingena ngamasango aseJerusalema ngosuku lweSabatha, lapho-ke ngizaphemba umlilo ongacitshekiyo emasangweni eJerusalema ozaqothula izinqaba zalo.’ ”