1Zonke izinto zilesikhathi sazo,
2isikhathi sokuzalwa lesikhathi sokufa,
3isikhathi sokubulala lesikhathi sokuphilisa,
4isikhathi sokukhala lesikhathi sokuhleka,
5isikhathi sokuchithiza amatshe lesikhathi sokuwabutha,
6isikhathi sokudinga lesikhathi sokukhalala,
7isikhathi sokudabula lesikhathi sokuthunga,
8isikhathi sokuthanda lesikhathi sokuzonda,
9Umuntu osebenzayo uzuzani na ngokusadalala kwakhe?
10Sengiwubonile umthwalo uNkulunkulu awethese abantu.
11Yonke into uyenze yabanhle ngesikhathi sayo. Wamupha umuntu iphakade enhliziyweni yakhe; kodwa abantu bangeke bafinyelele kulokho uNkulunkulu asakwenzayo kwasekuqaleni kusiya ekupheleni.
12Ngiyakwazi ukuthi kakukho okungcono ebantwini kulokuthi bajabule njalo benze okuhle besaphila.
13Ukuthi wonke umuntu adle, anathe asuthiseke ekusebenzeni kwakhe gadalala, lokhu kuyisipho sikaNkulunkulu.
14Ngiyazi yonke into eyenziwa nguNkulunkulu izakuba khona kokuphela; akulalutho olungengezwa kukho loba kususwe kukho. UNkulunkulu uyenza lokho ukuze abantu bamkhonze.
15Loba yini ekhona seyake yaba khona,
16Njalo ngabona okunye ngaphansi kwelanga:
17Ngacabanga ngenhliziyo yami,
18Ngacabanga njalo ngathi, “UNkulunkulu uyabahlola abantu ukuze babone ukuthi banjengezinyamazana.
19Isiphetho somuntu siyafana lesezinyamazana; isiphetho sinye sibalindele bonke: njengoba lokhu kuyafa, kanjalo lokunye kuyafa. Konke kokubili kulomphefumulo munye; umuntu kangcono kulenyamazana. Konke kuyize.
20Konke kuya ndawo yinye; konke kuvela othulini, yikho konke kubuyela othulini.
21Ngubani owaziyo ingabe umphefumulo womuntu uyakhwela uye phezulu kuthi owenyamazana wehlele phansi phakathi emhlabathini?”
22Yikho ngabona ukuthi kakukho okungcono emuntwini ngaphandle kokuthi akholise umsebenzi wakhe ngoba leso yiso isabelo sakhe. Ngoba kambe ngubani ongamenza ukuthi abone lokho okuzakwenzakala yena esedlule?