1O Ikiavɨra Itir God, nɨ deragha uan nguazim gamigha,
2Nɨ uan gumazamizibar arazir kurar me amiziba, nɨ da gɨn amada.
3Nɨ faragha men atara men anɨngazi.
4O God, nɨ en Akurvazir Gumazim.
5Manmaghɨn ami, nɨ en atar kamaghɨra ikɨtɨ,
6Nɨ ua ikɨrɨmɨrir e itir kam damightɨ a igiamɨn otogh,
7O Ikiavɨra Itir God, nɨ zurara bar en apangkuvir arazir kam en akagh,
8Kɨ uan kuarim atɨgh Ikiavɨra Itir Godɨn Gavgavim Itim, an akam baragham.
9Bar guizbangɨra, an akurvazim, an gumazamizir an ziam fava an atiatia an apengan itiba, bar men boroghɨra iti.
10Dughiar kamɨn, gumazamiziba uarir apangkuvigh, guizɨn arazir aghuibar zurara uarir amuam.
11Gumazamiziba nguazimɨn ikɨ, bar guizbangɨra Ikiavɨra Itir Godɨn gɨn mangɨ
12Guizbangɨra, Ikiavɨra Itir God en akuragh bizir aghuiba isɨ e danɨngam.
13Ikiavɨra Itir God, gumazamizibar amightɨ, me arazir an damazimɨn derazimɨn gɨn mangam.