1O God, nɨ uan arazir aghuiba deravɨra atrivim geghan.
2Eghtɨ a nɨn gumazamiziba ko gumazir onganarazibagh amiba,
3Nɨ men ingangaribar aven bizir aghuir avɨribar amutɨ,
4Atrivim deragh onganarazibagh amir gumazamizibar akurvagh men osɨmtɨziba akɨram.
5O God, kɨ kamaghɨn nɨn azai.
6Nɨ atrivim damightɨ a gumazir aghuimɨn mɨn ikɨtɨ,
7A ikɨvɨra ikiamin dughiar kam, gumazamiziba arazir aghuimra gɨn mangam.
8An atrivimɨn ikɨ ongarimɨn roghɨra itir gumazamiziba ko saghon itiba, a me gativagh men ganam.
9Atrivir kamɨn apanir maba dɨpaba puvatɨzir danganimɨn ikɨ a bagh teviba apɨram.
10Spenɨn kantrin atriviba ko arighatɨzibar atriviba, me bizir aghuiba a danɨngam.
11Atriviba bar izɨ a bagh teviba apɨram.
12Guizbangɨra, an onganarazibagh amir gumazamizibar dɨmdiaba baragha men akurvasi.
13Gumazamizir onganarazibagh amua gavgaviba puvatɨziba,
14Gumazamizir arazir kurabagh amiba, me gasɨghasɨgh me abɨnsɨ damutɨ,
15Atrivimɨn ikɨrɨmɨrim a ruaragham.
16Dagher avɨriba Lebanonɨn kantrin otivi moghɨn, gumazamizibar azenibar otiv.
17Gumazamiziba, atrivir kamɨn ziam gɨnamangan kogham.
18E Israelian Ikiavɨra Itir Godɨn ziam fam.
19E zurara an ziar aghuir kam fɨvɨra ikiam.
20Kar Jesin otarim Devit,