1O God, kɨ nɨn ziam a pɨrafa.
2Gumazamizir kuraba ko gumazamizir ifavariba na gasɨghasɨghasa.
3Me na ekɨarugha nan aghuazir akabar na mɨgei.
4Kɨ me gifuegha me bagha God ko mɨgei.
5Kɨ arazir aghuibar me gami,
6Kɨ ghaze, nɨ jasɨn kuratam a mɨseveghtɨ,
7Jasɨn kotiam barazir kam oraghtɨ, mɨgɨrɨgɨaba mangɨtɨ,
8Nan ifongiam, a bar zuamɨram aremegh,
9An aremeghtɨ an boriba afeziaba puvatɨghtɨ,
10An boriba dɨpeniba puvatɨgh egh onganarazibar amu ikiasa kɨ ifonge.
11Nan apanir kam gumazitabar bizitaba inigh egh da ikaraghan koghtɨ,
12Kɨ kamaghsua, gumazitam bar an apangkuvan markɨ.
13Kɨ kamaghsua, an ovavir boriba uaghan bar arɨmɨghiregham,
14An inazir afeziaba amizir arazir kuraba, Ikiavɨra Itir God uabɨ adagh nɨghnɨgh.
15Ikiavɨra Itir God me amizir arazir kurar kam gɨnɨghnɨghvɨra ikɨ,
16Gumazir kam tong apangkuvir nɨghnɨzitam igharaz darazir itir puvatɨ.
17A faragha gumazamizibagh asɨghasɨghasa ifuegha akar kurabar me mɨgei,
18Dughiabar a mɨgeir mɨgɨrɨgɨaba,
19An akar kurar kam, a korotiam aruzɨ moghɨn anevaragh,
20Ikiavɨra Itir God mɨzazir kamra gumazir na isa kot garɨzibar arɨghasa, kɨ ifonge.
21O Ikiavɨra Itir God, nan Ekiam, nɨ uan ziar ekiam bangɨn, nɨ Akar Gavgavim akɨrizɨ moghɨn nɨ nan akuragh.
22Kɨ biziba bar puvatɨgha purama aperaghav ikia,
23Aruem anaga bizibagh isirazɨ dar nedaziba ghua guaratɨghɨn gevi moghɨn,
24Kɨ dagheba ategha egha nan tevir akuriba gavgaviba puvatɨ.
25Gumazamiziba nan gara egha na dɨpofi,
26O Ikiavɨra Itir God, nan God,
27Nɨ nan apaniba kamagh men akaghtɨ, me fogh suam,
28Me, nɨ na gasɨghasɨghsɨ me nɨ mɨkɨmam.
29Nan apaniba aghumsɨzir dafam iniasa, kɨ ifonge,
30Gumazamiziba Godɨn ziam fasa uari akuvir dughiabar,
31Guizbangɨra, apaniba gumazamizir onganaraziba isɨ kot datɨgh kamagh mɨkɨm suam, me arɨmɨghiram.