1Jop ua kamaghɨn mɨgei:
2Kɨ kamaghɨn Godɨn mɨkɨmam, nɨ pura kotɨn na tuisɨghan markɨ.
3“Gumazir nɨ uabɨ ingariziba, nɨ paza me gamir arazim ko arazir kurar nɨ me gamiba,
4Nɨ ti e gumaziba bizibar gari moghɨn, nɨ dar gari,
5Ezɨ manmaghɨn ami, nɨ en mɨn dughiar otevimra ikegh ovengam o?
6Ezɨ nɨ manmaghsua pamten nan arazir kuraba ko osɨmtɨziba buriasa ingari?
7Nɨ fo, kɨ bizitamɨn osɨmtɨzitam itir puvatɨ.
8“Nɨ uabɨ nan inivafɨzimɨn ingari,
9Nɨ nɨghnɨgh, nɨ gumazim nguazir mɨnemɨn ingarizɨ moghɨn,
10Nɨ nan afeziam gamizɨ, a navim nan amebam ganɨngizɨ,
11Nɨ aghariba ko agɨriba nan inivafɨzim gatɨzɨ, nan mɨkarzim gavgafi,
12Nɨ ikɨrɨmɨrir angamɨra itim na ganɨga, bar nan apangkufi.
13Ezɨ kɨ fo, nɨ na geghuvir dughiamɨn,
14Nɨ bar deravɨra nan garavɨra iti, eghtɨ kɨ arazir kuratam damightɨ,
15Kɨ arazir kuratam damightɨ,
16Egh kɨ bar akuegh suam, kɨ gumazir aghuim,
17Nɨ uan anɨngagharim akakaghsɨ,
18“God, nɨ tizim bagha na ataghizɨ amebam na bate?
19Kɨ amebamɨn navir averiamɨn aremezɨ me maghɨra modogha na inigha ghua,
20Ezɨ God, nɨ fo, nan dughiam bar otefe, kamaghɨn nɨ uam osɨmtɨzim na danɨngan markɨ.
21“Egh gɨn kɨ nguazir kam ategh mangɨ nguibar bar mɨtarmangizɨmɨn ikiam,
22Nguibar kamɨn itir biziba, da deragha itir puvatɨgha bar ikufi.