1“Nɨ ti fo, azenibar dughiar manamra, mɨghsɨamɨn itir memen amebaba oti?
2Meme ko dian nguzir kaba uan amebaba ko, tuziba ko ruaribar ikia ekevegha gavgafi.
3“Tina donkin atiabar beniba fɨrizɨ,
4Kɨ danganir gumazamiziba ikia ingarir puvatɨzir isa me ganɨngi,
5Donkin atiaba fo, me nguibar ekiabar ikɨtɨ gumazamiziba benibar me ikɨva, ingangarim damusɨ pamten me dagarvagham.
6Egha me pura mɨghsɨabagh arua,
7“Jop, bulmakaun atiaba ti nɨ bagh ingangarim damuam o?
8Nɨ ti benim bulmakaun atiam dafagh a damutɨ, a bizir osɨmtɨzibagh ekuam o?
9Nɨ fo, bulmakaun atiam gavgavir ekiam iti,
10Nɨ ghaze, a mangɨ nɨn azenimɨn witɨn aniziba inigh izɨ,
11“Poneba39:13 Poner Israelɨn itiba, en ponebar mɨn garir puvatɨ. bar akongezir dughiaba, me uan avɨziba onava dav sosi.
12Poneba uan aroriaba pura nguazimɨn dar atɨgh, egh da ategh mangɨgham,
13Egha da tong kamaghɨn nɨghnɨzir puvatɨ,
14Poneba deravɨra uan aroriabagh amir puvatɨ,
15Kɨ nɨghnɨzir aghuim ko fofozir aghuim dagh anɨngizir puvatɨ,
16Ezɨ da dɨkavigha ivemarir dughiabar, da bar puvɨra ivemara, uan avɨziba pamten dav sogh,
17“Jop, nɨ ti gavgavim hoziabagh anɨdi? Egha nɨ ti arɨzir ruariba, dar tuebagh arɨsi?39:19 Akar vezɨn 19ɨn ikegha ghua 25ɨn tuziba, da hoziar mɨdorozir gumaziba apiaghira mɨdorozim bagha zuibav gei.
18Nɨrara ti hoziabagh amima, da odezibar mɨn bar pɨn uari akuri?
19Men gavgavir ekiam me gamima, me bar akongegha
20Hoziaba atiatir puvatɨgha, nɨghnɨzir avɨribagh amir puvatɨ. Mɨdorozir ekiam a pura bizim,
21Da mɨdorozir gumaziba atera ivemarima, men barir mɨtariba tɨngazi,
22Me sɨgham givir dughiam, hoziaba pura nɨmɨra itir puvatɨ,
23Me sɨgham givir dughiam, hoziaba arai.
24“Kuarazir isaba, nɨ ti fofozim ko nɨghnɨzim dagh anɨngizɨ, da overiamɨn mɨghagha arua,
25Kuarazir bagaba ti nɨ mɨzuai, nɨ dav kemeghtɨ,
26Da mɨghsɨabar ghua dagɨar ekiaba itir danganir kurabar, uan mɨkonibar ingari.
27Da uan danganir kabar ikia deravɨra saghon mar asɨzibar gari.
28Ezɨ bagabar nguziba, asɨzir kabar ghuzibar amasa bar ifonge.