1Jop ua kamaghɨn mɨgei:
2Godɨn Gavgaviba Bar Itim
3Gumazamizir arazir kurabagh amiba, God dughiar kuram gamima,
4God bar nan arazibagh fogha,
5“Kɨ arazir ifavaribagh amir puvatɨgha,
6God guizbangɨra deravɨra nan araziba tuisɨgh egh fogham,
7Kɨ tuavir aghuim ategh, egh nan navim bizir nan damazimning garibar gɨn mangɨ,
8Eghtɨ God gumazir igharazimɨn amamangatɨghtɨ, a kɨ oparizir daghebar amɨ,
9Nan namakamɨn amuim, kɨ a bagh navim dɨkav,
10kamaghɨn, nan amuim uabɨ mangɨ gumazir igharazibar ingangarir amizim gavagh men wit mɨrmɨram.
11Kɨ aghumsɨzir ekiam itir arazir kurar kam damightɨ me na isɨ kot datɨghtɨ,
12Arazir kurar kam, mati avir fefer gavgavir gumazamizibar isim.
13“Fomɨra, nan ingangarir gumazim o amizim mɨgɨrɨgɨam nan ikia na bagha izima,
14gɨn God nan arazir kuram tuisɨghamin dughiam izɨtɨ,
15Guizbangɨra, God na gamizɨ kɨ amebamɨn navimɨn oto,
16“Kɨ zurara onganarazibagh amir gumazamizibar akurvagha bizir me puvatɨziba me ganɨdi.
17Kɨ uan daghetamɨn anogoregha uabɨra anemezir pu.
18Kɨ uan igiamɨn ikia iza datɨrɨghɨn,
19Kɨ gari, gumazitam korotiaba puvatɨgha puv arugharusi,
20Kɨ korotiar aghuir me nan sipsipɨn arɨzibar ingarizim a ganɨngi.
21Kɨ ti borir asaghasaziba paza me gamuava, men biziba iniasa kot gifaraghai,
22Kɨ kamaghɨn amizɨ, God nan dɨpɨzimningɨn mɨtaghniamɨn agharimning asizɨ aning irɨghai.
23Kɨ Godɨn gavgavir ekiam gɨnɨghnɨgha puv atiati.
24Kɨ arazir kabar amu, egh kɨ Godɨn bar pɨn itim akɨrim ragh a gasaragham.
25“Kɨ garima, dughiar kuram nan apaniba batifi,
26Kɨ dughiatamɨn akam akarigha uan apanibagh asɨghasɨghasa Godɨn azangsɨghizir puvatɨ,
27Nan ingangarir gumazamiziba kamaghɨn mɨgei,
28Nguibar igharazibar gumaziba dakuamin danganiba puvatɨzɨ,
29“Oio, kɨ kamaghsua, tav ikɨ kuarim atɨgh
30Eghtɨ kɨ akɨnafarir kam bagh bar akongegh uan dɨpɨzimɨn azenara aneter,
31Egh kɨ atrivimɨn borimɨn mɨn Godɨn damazimɨn tugh,
32wit ko balin ovɨzir kɨ opariziba,