Jenesis 5

¹Adam 130plan azeniba iti, ezɨ an otarim otogha, bar uan afeziam mɨrara gari. Ezɨ a ziam, “Set,” a gatɨ.

²Set otogha gɨvazɨma, Adam uam 800plan azenibar ikia, dar aven otariba ko guivir igharaziba ini.

³Ezɨ 930plan azeniba gɨvazɨma, Adam areme.

⁴Ezɨ Set 105plan azeniba itima, an otarim Enos oto.

⁵Enos otogha gɨvazɨma, Set uam 807plan azenibar ikia, dar aven otariba ko guivir igharaziba ini.

⁶Ezɨ 912plan azeniba gɨvazɨma, Set areme.

⁷Ezɨ Enos 90plan azeniba itima, an otarim Kenan oto.

⁸Kenan otozɨma, Enos uam 815plan azenibar ikia, dar aven otariba ko guivir igharaziba ini.

⁹Ezɨ 905plan azeniba gɨvazɨma, Enos areme.

¹⁰Egha Kenan azenir 70pla itima, an otarim Mahalalel oto.

¹¹Mahalalel otogha gɨvazɨma, Kenan uam 840plan azenibar ikia, dar aven otariba ko guivir igharaziba ini.

¹²Ezɨ 910plan azeniba gɨvazɨma, Kenan areme.

¹³Ezɨ Mahalalel 65plan azeniba itima, an otarim Jaret oto.

¹⁴Jaret otozɨma, Mahalalel uam 830plan azenibar ikia, dar aven otariba ko guivir igharaziba ini.

¹⁵Ezɨ 895plan azeniba gɨvazɨma, Mahalalel areme.

¹⁶Ezɨ Jaret 162plan azeniba itima, an otarim Enok oto.

¹⁷Enok otozɨma, Jaret uam 800plan azenibar ikia, dar aven otariba ko guivir igharaziba ini.

¹⁸Ezɨ 962plan azeniba gɨvazɨma, Jaret areme.

¹⁹Ezɨ Enok 65plan azeniba itima, an otarim Metusela oto.

²⁰Metusela otogha gɨvazɨma, Enok uam 300plan azenibar ikia, dar aven dughiaba bar Godɨn boroghɨra ikia a ko roroam gamigha, otariba ko guivir igharaziba ini.

²¹Enok 365plan azeniba bar adar ike.

²²5:24 Hibru 11:5; Jut 1:14Enok Godɨn boroghɨn ikia, egha a ko roroam gami. Ezɨ God a inigha uan Nguibam ghuavanabozɨ an aremezir puvatɨ. Ezɨ gumazamiziba a buriava, an apizir puvatɨ.

²³Ezɨ Metusela 187plan azeniba itima, an otarim Lamek oto.

²⁴Lamek otogha gɨvazɨma, Metusela ua 782plan azenibar ikia, egha otariba ko guivir igharaziba ini.

²⁵Ezɨ 969plan azeniba gɨvazɨma, Metusela areme.

²⁶Ezɨ Lamek 182plan azeniba itima, an otarim oto.

²⁷Ezɨ Lamek ghaze, “Fomɨra Ikiavɨra Itir God nguazir kam gasɨghasɨgha ghaze, dagheba deragh an otivan kogham. Eghtɨ kamaghɨn e ingangarir dafabar amutɨ, dagheba deragh otivam. Eghtɨ otarir kam nguazim damutɨ dagheba deragh otivtɨ e tong avughsɨ, egh puvɨra ingaran kogham.” Kamaghɨn, Lamek ziam Noa, uan otarim gatɨ.5:29 Hibrun akamɨn ziar kam, “Noa,” mɨgɨrɨgɨar kamɨn mɨn ghu, “avughsi.” Nɨ Jenesis 9:20ɨn gan.

²⁸Noa otogha gɨvazɨma, Lamek ua 595plan azenibar ikia, dar aven otariba ko guivir maba ini.

²⁹Ezɨ 777plan azeniba gɨvazɨma, Lamek areme.

³⁰Ezɨ Noa 500plan azeniba itima, an otarir 3pla oto, men ziaba, Siem, Ham, ko Jafet.