Esekiel 27

¹Ikiavɨra Itir God kamagh na mɨgei.

²“O nguazir kamɨn gumazim, Tairɨn nguibar ekiam ikuvigham, kamaghɨn amizɨ, nɨ a bagh azirakar ighiam bangɨ.

³Nguibar ekiar kam, ongarir dadarimɨn boroghɨn ikiava, gumazamizir ongarir mɨriabar itiba ko dagɨaba bagha bizibagh iveza da amadir ingangaribagh ami. Nɨ a mɨkɨm suam, Ikiavɨra Itir Godɨn Ekiam kamaghɨn mɨgei:

⁴Nɨn ingarizir gumaziba, kurir dirimɨn mɨn nɨn ingari,

⁵Me Hermonɨn Mɨghsɨamɨn ghua painɨn temer aghuiba inigha kurir kamɨn ingari.

⁶Egha me Basanɨn nguazimɨn ghua temer okɨn aghuiba inigha an pulbar ingari.

⁷Egha me Isipɨn kantrin ghua inir bar aghuir mam inigha kurimɨn duir inimɨn ingari.

⁸Me Saidonɨn nguibar ekiam ko Arvatɨn nguibar ekiamɨn ghua,

⁹Gebalɨn nguibamɨn gumazir aruaba, me kurimɨn ingarir fofozir gumaziba,

¹⁰Persian kantri ko Lidia ko Libia, men marasi, nɨn mɨdorozir gumaziba.

¹¹Arvatɨn nguibamɨn mɨdorozir gumaziba nɨn dɨvazir gavgavir mɨtɨabagh isɨn, tuivav ikia apaniba bagha gari.

¹²“Nɨ kantri Spen ko bizibagh iveza da amadir dagɨar ingangarim gami.

¹³Nɨ kantri Grik ko, kantri Tubal ko, kantri Mesek ko bizibagh iveza da amadir dagɨar ingangarim gamua,

¹⁴Nɨ Togarman nguibar ekiamɨn gumazamiziba ko dagɨaba bagha ingangaribagh ami.

¹⁵Dedanɨn gumazamiziba nɨ ko ikarvazir arazim gami,

¹⁶Sirian gumazamiziba, nɨ ko biziba uari ikarvasi.

¹⁷Juda ko Israelia nɨ ko biziba uari ikarvasi.

¹⁸Ezɨ Damaskusɨn gumazamiziba nɨ ko dagɨaba bagha ingangarim gamua,

¹⁹Wedanɨn adarazi ko Grikba ko Usalian adarazi27:19 Hibrun akam deragha mɨgɨrɨgɨar kamɨn mɨngarim abɨghizir puvatɨ. dagɨaba bagha ingangarim nɨ koma a gami.

²⁰Ezɨ Dedanɨn gumazamiziba hoziabar satelɨn apengan arɨzir nir mɨtiaba isa,

²¹Ezɨ Arebian gumazamiziba ko kantri Kedarɨn gumazir dapaniba, nɨ ko dagɨaba bagha ingara,

²²Ezɨ kantri Seba ko Raman nguibar ekiamɨn dagɨaba bagh ingangaribagh amir gumaziba, nɨ ko ikarvazir arazim gami.

²³Ezɨ Haranɨn nguibar ekiam ko, Kane ko Idenɨn gumaziba, ko kantri Seba ko, Asur ko Kilmatɨn kantri, men gumazir dagɨaba bagha ingangaribagh amiba,

²⁴Me ikarvazir arazim gamua, korotiar bar aghuiba ko, korotiar pɨghagheviba ko, korotiar me tretɨn diribar isamiziba ko,

²⁵Ezɨ kurir bar ekiaba, nɨn bizir avɨrir kaba, kantrin igharaziba bagha da ateragharui.

²⁶“Ezɨ nɨn pul gamir gumaziba nɨ inigha ongarir torimɨn zuima,

²⁷Ezɨ nɨn dagɨaba ko, dagɨaba bagha amadir bizir aghuiba ko, kurkazir biziba ko, kurimɨn suirazir gumaziba ko, nɨn ingangarir gumaziba ko, nɨn kurimɨn ingarir gumaziba ko, nɨn biziba amadir gumaziba ko, nɨn mɨdorozir gumaziba ko, kurimɨn aruir gumaziba,

²⁸Ezɨ kurimɨn suizir gumaziba, pamtem tuavara deima men tuater ararem otozɨ,

²⁹“Ezɨ kurir igharaziba, ongarim ategha dadarimɨn ghue.

³⁰Egha me bar puvɨra nɨ bagh aziava arai.

³¹Me nɨ bagha uan dapanir arɨzibar suigha da asiagharɨgha,

³²Me nɨ bagha azirakar ighiam gamua ghaze,

³³Nɨ dagɨaba bagha ongarir torimɨn azenan amadir biziba, da kantriba bar dar ifongiaba agɨfa.

³⁴Datɨrɨghɨn nɨ ikuvigha ongarir torir konimɨn aven iraghu.

³⁵Ongarir dadarimɨn itir gumazamiziba bar, nɨn biarim baregha dɨgavir kuram gami.

³⁶Nɨ bar ikuvigha gɨfa, egh ua ikian kogham.