1ናንጊና ናንጋ ጎዳ ማዔ ታና ዓውሳ ፆኦዛሢዮ!
2ሺኢጲፃ ታኣሲ ኔ ቤርቶ ሄሎንጎ፤
3ሚርጌ ሜታ ታና ሄሌሢሮ
4ሃይቂ ዱኡኪንታ ዓሶና ዎላ ታኣኒ ፓይዲንቴኔ፤
5ሃይቄ ዓሶ ባኣካ ኬኤሪንቴ ዓሶጉዲ
6ኔ ታና ዔቶ ቶርጳሢዳ ኬኤሬኔ፤
7ኔ ጎሪንቶ ዴኤሡማ ታ ዑፃ ማዔኔ፤
8ታኣኮ ዑካ ላጎ ታ ኮራፓ ኔ ሃኪሴኔ፤
9ዓኣፓ ታኣኮ ዖዪፆና ዴዒ ዓቴኔ፤
10ኔኤኮ ዲቃሢ ሄርሺሳ ማዾ ሃይቄ ዓሶም ኔ ቤኤዛ?
11ሚጪንቲፃ ኔኤኮ ዱኡፒ ቤስካ
12ዲቃሢ ሄርሺሳ ማዻ ኔኤኮ ዹሞ ቤዛ
13ናንጊና ናንጋ ጎዳሢዮ!
14ናንጊና ናንጋ ጎዳሢዮ! ዓይጋ ኔ ታና ሃኪሳይ?
15ታኣኒ ናኣቱሞፓ ዓርቃዖ ሜታዼያና
16ኔ ጎሪንታ ዑፆ ታኣኮ ካንቄኔ፤
17ሮኦሮ ጉቤ ዓዳ ዲጲጉዲ ታና ማንጌኔ፤
18ታኣኮ ዒጊኖንታ ላጎንታ ኔኤኒ ታ ኮራፓ ሃኪሴኔ፤