1ሃይ ሴሎሞኔ ኬኤዜ ኮኦኪንሢኬ፦
2ኮይሱዋ ካራና ጴዼ ቆሎ ፓሡዋያኬ፤
3ናንጊና ናንጋ ጎዳ ኮሺ ዓሲ ናይዺሱዋሴ፤
4ቤልፁሞ ዓሲ ማማንቂሳኔ፤
5ጪንጫ ዓሲ ሃኣኮ ፔኤኮ ዎዴና ቡኩሳኔ፤
6ኮሺ ዓሲ ዓንጆ ዴንቃኔ፤
7ፂሎ ዓሲኮ ሙካ ዎዶይዳ ኬኤዚንታ ባካ ዓንጆም ማዓኔ፤
8ጎኔና ዔራ ማዔ ዓሲ ዓይሢፆ ዔዔካኔ፤
9ቢያ ባኣዚና ጉሙርቂንታያ ማዓ ዓሲ ሂርጋባኣያ ናንጋኔ፤
10ዓሲ ኬኤላሲ ሺሪሢ ሜቶ ዔኪ ሙካኔ፤
11ኮሺ ዓሲኮ ጌኤሲ ሼምፖኮ ካራኬ፤
12ዎሊ ዒፂሢ ዣሎ ማዣኔ፤
13ዒናዼ ዓሲ ማሊ ዔኪ ጌስታኔ።
14ዔሮ ዓሳ ዔያቶም ዳንዳዒንታ ጎይፆና ቢያ ዔራቶ ቡኩሳኔ፤
15ዖርጎቺ ዓሲኮ ቆላ ዋርዲያ ማዒ ዒዛ ካፓኔ፤
16ኮሺ ዓሲም ኮዦ ማዻ ናንጊ ዒንጋኔ፤
17ጎሪ ዞሮ ዞሮ ዔካ ዓሲ ናንጊ ጎይሢ ባንሢ ዓኣዻኔ፤
18ዓሲ ሼናዻ ዒኖ ፔኤኮ ዓኣቻ ዓሲ ሉኡዚኬ፤
19ሚርጌ ጌኤሲዳ ዻቢንቲ ባይቁዋሴ፤
20ኮሺ ዓሲኮ ጌኤሲ ሼኤሺ ኮሾና ቢራ ዓንጊጉዲኬ፤
21ኮሺ ዓሲኮ ጌኤሲ ሚርጌ ዓሲ ማኣዳያኬ፤
22ናንጊና ናንጋ ጎዳኮ ዓንጃ ዓሲ ዖዖርጎቻኔ፤
23ዻቢንቲ ማዾ ማዺ ዎዛዺሢ ዔኤዩሞኬ፤
24ኮሺ ዓሲ ኮዓ ባኮ ዴንቃኔ፤
25ዓልጋሢ ዔቄ ዎዶና ፑርቶ ዓሳ ፒፂንቲ ዴንዳኔ፤
26ሶልኪ ባኣዚ ዓቺ፥ ጩቢ ዓኣፒ ማኣሳንሣሢጉዲ
27ናንጊና ናንጋ ጎዳ ዒጊጪሢ ናንጎ ሌዖ ዖዶሳኔ፤
28ኮዦ ዓሶኮ ሃጊ ማዓ ዎዛ ዎዛ ባንሢ ዔያቶ ዔኪ ዴንዳኔ፤
29ናንጊና ናንጋ ጎዳ ፂሎ ዓሶኮ ጊቲማኬ፤
30ኮሺ ዓሲ ቢያ ዎዴ ዓኣ ቤዛፓ ዓጊፁዋሴ፤
31ኮሺ ዓሲ ዔራቶ ጌኤሲ ጌስታኔ፤
32ኮሺ ዓሲኮ ጌኤዛ ጊጊኢጋያኬ፤