ዒያሱ ማፃኣፖ 16

¹ዮሴፔ ዜርፆም ዒንጊንቴ ዓጫ፦ ዒያርኮኮ ኮይላ፥ ዓባ ኬስካ ዛሎይዳ ዓኣ ዮርዳኖሴ ዎራፓ ዓርቃዖ ዓሲ ናንጉዋ ዳውሎይዴና ጌዒ ጌሜሮ ዛሎና ዒያርኮፓ ቤኤቴኤሌ ኬስካኔ፤

²ጊንሣ ቤኤቴኤሌይዳፓ ዓርካ ዓሳ ናንጋ ዓፃሮትዓዳሬና ጌዒ ሎኦዛ ሄላኔ።

³ዬካፓ ዓባ ጌላ ዛሎና ዓኣ ያፒላፄ ዓሶ ዓጮይዴና ጌዒ ዾኦሎ ዛላ ዓኣ ቤትሆሮኔ ሄላኔ፤ ዬይና ሃሣ ጌዜሬና ጌዒ ጋፒንፃ ሜድቴራኒያ ባዞ ማዓኔ።

⁴ዮሴፔ ዜርፆ ማዔ፥ ሚናኣሴና ዔፕሬኤሜና ፔ ዓጮ ሃካፓ ሊካ ኬኤዚንቴ ጎይፆ ጉዴያና ዔኬኔ።

⁵ዔፕሬኤሜ ፃጳ ፔ ዓጪ ማሂ ፔ ቶኦኮና ቶኦኮና ዔኬ ዓጫ ያዺኬ፤ ዔያቶኮ ዛጳ ዓፃሮትዓዳሬይዳፓ ዓባ ኬስካ ዛሎና ኬዶ ዛላ ዓኣ ቤትሆርኔ ኬስካኔ።

⁶ዬይና ጌዒ ሜድቴራኒያ ባዞ ሄላኔ፤ ዔያቶኮ ኬዶ ዛሎ ዛጳ ሚክሜታቴናኬ። ዬካፓ ዓርቃዖ ታዓናቴሺሎ ባንሢ ጳንጪንቲ ዓባ ኬስካ ዛሎና ጋዓዖ ያኖሃ ሄላኔ።

⁷ዬካፓ ዓርቃዖ ዓፃሮቴና ናዓቴና ባንሢ ኬዲ፥ ዒያርኮ ሄሊ፥ ጋፒንፃ ዮርዳኖሴ ዎሮና ማዓኔ።

⁸ዬይ ዛጳ ዓባ ጌላ ዛሎና ታፑሃይዳፓ ዓርቂ ዴንዲ ቃና ዎሮ ሄላዖ ጋፒንፃ ሜድቴራኒያ ባዞ ማዓኔ፤ ዔፕሬኤሜ ዓሶም ዔያቶ ዓጪ ማሂ ዒንጊንቴ ዓጫ ዬያኬ።

⁹ዬይ ዓጫ፦ ሚናኣሴ ዓጮ ጋሮይዳ ዓኣ ካታሞና ዔፕሬኤሜ ዓሶም ዒንጊንቴ ካታሞና ጉርዶና ፔ ጋራ ማሂ ዔካኔ፤

¹⁰ዬና ዔፕሬኤሜ ዓሳ ጋዓንቴ ጌዜሬይዳ ናንጋ ካኣናኔ ዓሶ ዒኢፓ ኬሲባኣሴ፤ ዬያሮ ካኣናኔ ዓሳ ሃኖ ሄላንዳኣና ዔፕሬኤሜ ዓሶ ባኣካ ናንጋኔ፤ ያዺ ማዔቴያ ዔያታ ዔፕሬኤሜ ዓሶም ዎልቄና ማዾ ባኣዚ ናሽኪባኣዖ ማዻኔ። 16፡10 ሱኡጎ. ማፃ 1፡29።