ዔርሚያሴ ማፃኣፖ 1

¹ቢኢኒያሜ ፃጶ ዴኖ ዓጮይዳ ዓኣ ዓናቶቴ ጌይንታ ጉርዳስኬኖይዳ ናንጋ ቄኤሶፓ ፔቴ ሂልቂያ ጎዖሢኮ ናኣዚ ዔርሚያሴ ሃካፓ ሊካ ኬኤዚንታ ባኮ ኬኤዜኔ፤

²ናንጊና ናንጋ ጎዳኮ ዬይ ቃኣላ ዔርሚያሴም ኬኤዚንቴሢ ዓሞኦኔ ናኣዚ ዒዮሲያሴ ዪሁዳይዳ ካኣታዼንቴ ታጶ ሃይሣሳ ሌዖናኬ። 1፡2 2ካኣቶ. ማ 22፡3—23፡27፤ 2ፆኦሲ. ዓሃኬ 34፡8—35፡19።

³ዬያጉዲ ዒዮሲያሴ ናኣዚ ዒዮዓቄሜ ካኣታዺ ዎይሤ ዎዶና፤ ጊንሣ ሃሣ ዒዮሲያሴ ናኣዚ ሴዴቂያሴ ካኣታዺ ታጶ ፔቴ ሌዔ ዎይሤ ዎዶ ሄላንዳኣና፤ ዬኖ ሌዖኮዋ ዶንጋሳ ዓጊኖና ዬሩሳላሜ ዴራ ዲዒንቲ ዔውቴ ዎዶ ሄላንዳኣና ዬይ ፆኦሲ ቃኣላ ዔርሚያሴ ዛሎና ኬኤዚንቲ ኬኤዚንቲ ዴዔኔ። 1፡3 2ካኣቶ. ማ 23፡36—24፡7፤ 24፡18—25፡21፤ 2ፆኦሲ. ዓሃኬ 36፡5-8፤ 11፡21።

⁴ናንጊና ናንጋ ጎዳኮ ቃኣላ ሂዚ ጋዓያና ታኣም ኬኤዚንቴኔ፦

⁵«ዔርሚያሴ!

⁶ታኣኒ ዒማና፦ «ናንጊና ናንጋ ጎዳ ማዔ ቢያ ባኮ ማዤሢዮ! ታኣኒ ሃጊ ናይታሢሮ ዎዚም ጌስቶቴያ ታኣኒ ዔሩዋሴ» ጌዔኔ።

⁷ናንጊና ናንጋ ጎዳ ጋዓንቴ ታኣም፦ « ‹ታኣኒ ሃጊ ናይኬ› ጌይፖ፤ ኔ ዴንዳንዳሢ ታ ኔና ዳካ ቤሲኬ፤ ኔ ኬኤዛንዳሢያ ታ ኔና ዓይሤ ባኮ ቢያኬ፤

⁸ታኣኒ ኔኤና ዎላ ማዒ ኔጊዳ ሙካ ባኣዚፓ ቢያ ዓውሳንዳሢሮ ዔያቶ ፔቴታዖ ዒጊጪፖ፤ ዬያ ጋዓሢ ታና፥ ናንጊና ናንጋ ጎዳኬ!» ጌዔኔ።

⁹ናንጊና ናንጊና ናንጋ ጎዳ ፔ ኩጮና ታኣኮ ሙሱሮ ካኣማዖ፦ «ዓካሪ ኔ ኬኤዛንዳ ቃኣሎ ታ ኔኤም ዒንጌኔ፤

¹⁰ዬያሮ ቱጋኒና ሻሃኒ፥ ባይዛኒና ሴካ ሃንጋ ማሂ ሺርሻኒ፥ ኬልቂ ኮሻኒና ቱካኒያ ኔ ዳንዳዓንዳጉዲ ዴሮ ቢያሢና ካኣቶና ዑፃ ቢታንቶ ታ ኔኤም ዒንጌኔ» ጌዔኔ።

¹¹ናንጊና ናንጋ ጎዳ ታና፦ «ዔርሚያሴ! ኔኤም ጴዻ ባካ ዓይጎዳይ?» ጌይ ዖኦጬኔ።

¹²ናንጊና ናንጋ ጎዳ ዒማና፦ «ፒዜ ኔ ዴንቄኔ፤ ታኣኒያ ዬያጉዲ ታኣኮ ቃኣሎ ማዺ ኩንሣኒ ቢያ ዎዴ ጊኢጊ ዓኣያኬ» ጌዔኔ።

¹³ላሚ ሃሣ ናንጊና ናንጋ ጎዳ፦ «ሜሌ ኔ ዴንቃ ባኣዚ ዓይጎዳይ?» ጌይ ታና ዖኦጬኔ።

¹⁴ናንጊና ናንጋ ጎዳ ታኣም ኬኤዛዖ፦ «ዓጮኮ ኬዴኖ ዛሎይዳፓ ባይሲንታ ቡርቂ ኬስኪ ሃኖ ዓጫ ናንጋ ዓሶይዳ ቢያ ዲጲጉዲ ሙካንዳኔ፤

¹⁵ዬኖ ኬዶ ዛሎይዳ ናንጋ ዴሮ ሃይካ ዬዓንዳጉዲ ታ ዔኤላንዳኔ፤ ዬሩሳላሜንታ ኮይሎይዳ ዓኣ ዪሁዳ ካታሞ ዖሊ ዔያታ ፔ ዴማ ማሂ ዓርቃንዳኔ፤ ዬካፓ ዬሩሳላሜ ጌሎ ካሮይዳ ፔኤኮ ካኣቱሞ ዖይቶ ዔያታ ጌሣንዳኔ።

¹⁶ታ ዴራ ጎሜ ማዼሢሮ ታ ዔያቶይዳ ሜቶ ዓጋንዳኔ፤ ዔያታ ታና ሃሺ ሜሌ ፆኦዞም ዑንጆ ጩቢሻኔ፤ ዬያቶ ፆኦዞኮ ማሎ ማዓ ባኣዚ ማዢ ዬያቶም ዚጋኔ።

¹⁷ዬያሮ ዔርሚያሴ! ታ ኔና ዓይሣ ባኮ ቢያ ዔያቶም ኬኤዛኒ ዔያቶ ኮይላ ዴንዲሮ ጊኢጌ፤ ታ ኔና ታኣኒ ማዻንዳ ባኮ ዛሎ ማሊ ሜታዻንዳጉዲ ማሂባኣንቴ ዔያቶይዳ ማዺንታንዳ ባኮሮ ማሊ ሜታዺፖ።