1ናንጊና ናንጋ ጎዳ! ኔኤኒ ታ ፆኦዛሢኬ፤
2ካታማ ሻሂንቲ ጉሪ ማዓንዳጉዲ ኔ ማሄኔ፤
3ዼኤፖ ካኣቶ ዴራ ኔና ቦንቻንዳኔ፤
4ማንቆ ዓሶና ሜታዼዞንሢናም
5ዔያታ ዖጎሢ ቤሲዳ ዓኣ ዑሱሚጉዲኬ፤
6ቢያ ባኮ ዎይሣ ጎዳ ሃኖ ፂዮኔ ዹኮይዳ ዓጮ ዴሮም ቢያ ዼኤፒ ሙኡዚ ጊኢጊሻንዳኔ፤ ዬያ ሙዖ ቤዛ ዶኦሪንቴ ዎይኔ ዑሺንታ ፓጫ ባኣዚ ባኣ ሙኡዚ ጊኢጊሻንዳኔ።
7ሃኖ ዹኬሎይዳ ዴሮ ቢያ ጎኦቦ ዓፒላጉዲ ካንቄ ዖዪፆ ዒ ሺኢሻንዳኔ።
8ናንጊና ናንጋ ጎዳ ሃይቢኮ ዎልቆ ናንጊና ባይዛንዳኔ! ዓሶ ቢያኮ ዓኣፓፓ ዓቢፆ ዑጫንዳኔ፤ ዒዛኮ ዒጊና ዓጮ ቢያይዳ ዻውሲንቴ ዻውሲንቶ ዒዚ ሺኢሻንዳኔ፤ ናንጊና ናንጋ ጎዳ ሃያ ኬኤዜኔ። 25፡8 1ቆሮ. 15፡54፤ ዮሃ. ፆፔዻ 7፡17፤ 21፡4።
9ዬይ ማዺንቲ ኩማ ዎዶና ዒዛኮ ዴራ ቢያ፦ «ሃይሾ ዒዚ ኑኡኮ ፆኦዛሢኬ፤ ዒዛ ኑ ጉሙርቄሢሮ ዒዚ ኑና ዓውሴኔ፤ ዒዚ ናንጊና ናንጋ ጎዳኬ፥ ኑ ዒዛ ጉሙርቄኔ፤ ዒዚ ኑና ዓውሴሢሮ ኑኡኒ ዎዛዾም!» ጋዓንዳኔ።
10ናንጊና ናንጋ ጎዳኮ ዎልቃ ፂዮኔ ዹኮ ካፓንዳኔ፤ ሞዓኣቤ ዴራ ፑቃ ቶርጶና ዎላ ሄርቂንታሢጉዲ ሄርቂንታንዳኔ።
11ፁቦ ፁባ ዓሲ ኩጮ ፔኤኮ ዋኣሊንሣሢጉዲ ፆኦሲ ዔያቶኮ ዖቶርሙሞሮ ዔያቶ ዻውሲሳንዳሢሮ ኩጫ ዔያቶሲ ዶጪ ላባንዳኔ።
12ሞዓኣቤ ዓጮኮ ዋርዲያ ዼኤፖ ሹጮ ኬልቂ ዲርቆናሢና ዎላ ሻሂንታንዳኔ፤ ዬይ ሜቂ ሜቂ ሳዖ ሲላሎይዳ ኬዳንዳኔ። 25፡12 ዒሲ. 15፡1—16፡14፤ ዔር. 48፡1-47፤ ሂዚ. 25፡8-11፤ ዓሞ. 2፡1-3፤ ዛካ. 2፡8-11።