ዒሲያሴ ማፃኣፖ 20

¹ዓሶኦሬ ካኣቲ ማዔ ሳርጎኦኔ ዓይሤም ዒዛኮ ዖሎ ዓሶ ዓይሣሢ ፒሊስፄኤሜ ካታሞ ማዔዞ ዓሽዶኦዴ ዖሌኔ፤

²ዒማና ናንጊና ናንጋ ጎዳ ዓሞፄ ናኣዚ ዒሲያሴ፦ «ኔኤኮ ዱርዞና ሲዮ ማኣዓሢና ኬሲ ቶኪ ጉሪ ሃንቴ» ጌዒ ዓይሤኔ። ዬያሮ ቃኣሎም ዓይሢንቲሢና ካሎ፥ ጊንሣ ሃሣ ቶኪ ጉሪ ዒ ሃንቴኔ።

³ናንጊና ናንጋ ጎዳ፦ «ታኣም ማዻሢ ዒሲያሴ ካሎ፥ ሃሣ ቶኪ ጉሪ ሃይሦ ሌዔ ጉቤ ጊብፄና ዒቶጲያ ዓጮናይዳ ሄላንዳ ባኮኮ ማላታ ማዒ ሃንቴሢጉዲ፥

⁴ዓሶኦሬ ካኣቲ ዬንሢ ላምዖ ዓጮንሢዳፓ ዲዒ ዔኬ ዓሶ፥ ዼጌሢንታ ጋርቾንታ ጊብፄ ዓጮኮ ዻውሲንቲ ማዓንዳጉዲ ዑሢ ካሎ ሃሣ ቶኪ ጉሪያ ሃንቲሲ ዔኪ ዓኣዻንዳኔ።

⁵ጉሙርቂፆ ዒቶጲያይዳ ጌሣዞንሢና ጊብፄይዳ ጌኤቂንቲ ሄርሺንታዞንሢ ቢያ ካራ ዔያቶኮ ባይቄም ዻውሲንታንዳኔ።

⁶ዬኖ ዎዶና ባዞ ዓጫ ናንጋ ዓሳ፦ ‹ኑና ዓሶኦሬ ካኣቲዳፓ ዻቂሻንዳኔ ጌዒ ኑ ጉሙርቂ፥ ዔያቶ ባንሢያ ዶጬ ዓጫ ዎዎይቴቴያ ሂንዳ ዛጉዋቴ! ኑኡኒ ዓካሪ ዎይቲ ቶላንዳይ?› ጋዓንዳኔ» ጌዔኔ።