ዒሲያሴ ማፃኣፖ 2

¹ዓሞፄ ናኣዚ ዒሲያሴ ዪሁዳ ዓጮና ዬሩሳላሜ ካታሞ ዛሎ ኬኤዜ ሃይሳ ያዺኬ፦

²ዎዶኮ ጋፒንፃ ሄላዛ

³ዬያሮ ሚርጌ ዴራ፦

⁴ዒዚ ሚርጌ ዴሮ ባኣካ ዎጊሢና ዎሊፓ ዱማሳ ባኮ ባይዛንዳኔ፤

⁵ዒንሢ ያይቆኦቤ ናኣታ!

⁶ፆኦዛሢዮ! ያይቆኦቤ ዜርፆ ማዔ ኔ ዴሮ ቴርፄይዲ ኔ ሃሼኔ፤ ዬያ ኔ ማዼሢ ሳዔላ ዓባ ኬስካ ባንፆ ዓጮ ዓሶ ዦዋቶና ፒሊስፄኤሜ ዓሶ ማርሾና ኩሜሢሮ፥ ሃሣ ኔ ዴራ ሜሌ ዴሮና ዎላ ፔቴ ማዔሢሮኬ።

⁷ሳዓ ዔያቶኮ ቢራና ዎርቄና ኩሜሢሮ፥ ቆላ ዔያቶኮ ኮሺ ሚርጌኔ፤ ዓጫ ዔያቶኮ ፓራ ኩሜኔ፥ ዔያቶኮ ሳርጌሌ ዖይታኣ ፓይዲንቱዋያኬ።

⁸ዬያ ሌሊቱዋንቴ ሳዓ ዔያቶኮ ሜሌ ፆኦዞና ኩሜኔ፤ ዔያታ ፔ ኩጮና ማዤ ባኮም ዔያታ ዚጋኔ።

⁹ዬያፓ ዔቄያና ዔያቶ ቢያሢዳ ቦርሲንቲና ዻውሲንቲ ሄላንዳኔ፤ ናንጊና ናንጋ ጎዳሢዮ! ዻቢንቶ ዔያቶም ዓቶም ጌይፖ!

¹⁰ናንጊና ናንጋ ጎዳኮ ጎሪንቶና ዒዛኮ ዒጊቻ ዼኤፑማፓኣ ቶላኒ ላሎ ቆኦፖና ሳዖ ዔቶናይዳ ዓኣሺንቱዋቴ! 2፡10 ዮሃ. ፆፔዻ 3፡10፤ 6፡15፤ 2ቴስ. 1፡9።

¹¹ዖቶርቃ ዓሳ ቦርሲንታንዳኔ፤ ሄርሺንታ ዓሳኣ ዻውሲንታንዳኔ፤ ዬኖ ኬሎና ናንጊና ናንጋ ጎዳ ሌሊ ቦንቾና ዼጊ ዼጊ ጋዓንዳኔ።

¹²ቢያ ባኮ ዎይሣ ጎዳ ዖቶርቃ ዓሶና ሄርሺንታ ዓሳ ዻውሲንታንዳ ኬሊ ሜንሤኔ።

¹³ዒዚ ዼኤፖ ዼኤፖ ሊባኖኦሴ ሚፆና ባኣሳኔ ዓጮኮ ሻኣቦ ባይዛንዳኔ።

¹⁴ዼኤፖ ዼኤፖ ዹኮና ጌሜሮ ጌሜሮ ሂርኪዲ ቦኦሊ ማሃንዳኔ።

¹⁵ካታሞኮ ኬልቂ ኮሾና ዲፆንታ ዋርዲዮ ቤዞዋ ቢያ ሂርኪዳንዳኔ፤

¹⁶ሚርጌና ሚዛጲሶና ሜሆንታ ቴርሴሴ ዓጮ ዋኣፆ ካኣሚሎዋ ዒ ዔኤዺሳንዳኔ፤

¹⁷ናንጊና ናንጋ ጎዳ ሳዖ ዓጊሣኒ ሙካ ዎዶና ዒዛኮ ጎሪንቶና ዒጊቻ ዼኤፑማፓ ቶላኒ ላሎ ቆኦፖና ሳዖ ዔቶናይዳ ዓኣሺንታኒ ዔያታ ማላንዳኔ።

¹⁸ዓሳ ዬያቶም ዚጋንዳጉዲ ፔ ኩጮና ሚዛጲሲ ኮሾና ቢሮና ዎርቆ ማላቶ ዖኦቻሢና ፓቃቶናም ኬኤሪ ዔያታ ዓኣዻንዳኔ።

¹⁹ናንጊና ናንጋ ጎዳ ሳዖ ዓጊሣኒ ሙካ ዎዶና ዒዛኮ ጎሪንቶና ዒጊቻ ዼኤፑማፓ ዓኣሺንቲ ቶላኒ ላሎ ቆኦፖና ሳዖ ዔቶናይዳ ዔያታ ዓኣሺንታንዳኔ።

²⁰ዓካሪ ሲኢዺና ዑኡሲ ዔካ፥ ሃይቃ ዓሲና ጉሙርቂፃ ዒንሢኮ ዓቶንጎ፤ ዬይ ዓይጎዋ ፓሡዋሴ።