ዒዝራ ማፃኣፖ 2

¹ባብሎኔ ካኣቲ ናብካዳናፆኦሬ ዲዒ ዔኪ ባብሎኔ ዓኣዼ ዓሶይዳፓ ፔኤኮ ካታሞ ካታሞ፥ ዬሩሳላሜና ዪሁዳና ማዒ ሙኬ ዓሶኮ ፓይዳ ያዺኬ፦

²ዬያቶ ዲዒንታፓ ማዔ ዓሶኮ ሱኡጎ ማዒ ዔኪ ሙኬ ዓሳ ዜሬባቡሌ፥ ዒያሱ፥ ኔሄሚያ፥ ሴራያ፥ ሬዔላያ፥ ሜርዴኪዮሴ፥ ቢልሻኔ፥ ሚስፓሬ፥ ቢግዋዬ፥ ሬሁሜንታ ቤዓና ጌይንታዞንሢኬ። ፔቴ ፔቴ ዒስራዔኤሌ ዓሶ ቶኦካፓ ቡኪንቲ ዓጮ ባንሢ ማዔ ዓሶኮ ፓይዳ ሃካፓ ዴማ ዓኣ ጎይፆኬ፦

³ጌኤዦ ማኣሮ ማዾም ኬሶና ፃጶና ሴሎሞኔም ማዻ ዓሶ ዜርፃ ዎሊ ዑፃ ሃይሦ ፄኤታና ታዞጲታሚ ላምዖ ዓሲኬ።

⁴ዑሪሜና ቱሚሜ ጎዖ ባኮንሢና ናንጊና ናንጋ ጎዳ ዓይጎ ጋዓቴያ ዖኦጫኒ ዳንዳዓ ቄኤሴ ኬስካንዳያ ሄላንዳኣና ፆኦሲም ሺኢሺንታ ዱማዼ ሙዖ ዔያታ ሙዑዋጉዲ ዓጮ ዎይሣ ዓሢ ዔያቶ ላኣጌኔ። 2፡63 ፓይ. ማፃ 29፡12-38።

⁵ዬና ዲዒንቴ ዓሳ ዲዒንታፓ ማዒ ዬሩሳላሜይዳ ናንጊና ናንጋ ጎዳኮ ጌኤዦ ማኣራ ዓኣ ቤዞ ሄላዛ ፔቴ ፔቴ ማኣሮ ዓሶኮ ሱኡጋ ጌኤዦ ማኣራ ቤርታ ዓኣ ቤዛ ማዓንዳጉዲ ላሚ ጊንሣ ማዢፆም ማዓንዳያ ፔ ሼኔና ዒንጎ ባኣዚ ዔኪ ሺኢሼኔ።

⁶ዔያታ ጌኤዦ ማኣሮ ማዾ ማዾንዶ ባኣዚ ዳንዳዓ ጎይፆና ኬሲ ቡኩሴ ዒንጊፃ ዎሊ ዑፃ ማሆዛ ዶንጎ ፄኤታ ኪሎ ዎርቄ፥ ላምዖ ሺያና ላንካይ ፄኤታና ሳሊታሚ ላሆ ኪሎ ቢራ ማዔኔ፤ ቄኤሶም ማዓያ ፄኤታ ማኣዖ ዔያታ ዒንጌኔ።

⁷ቄኤሶንታ ሌዊ ዓሶንታ ዴሮይዳፓኣ ፔቴ ፔቴ ዓሳ ዬሩሳላሜና ኮይሎናይዳ ዱንኪ ዴዔኔ፤ ጊንሣ ሃሣ ዓይኑሞ ዓይናዻ ዓሳ፥ ጌኤዦ ማኣሮ ካፓ ዓሶንታ ጌኤዦ ማኣሮ ሹጮና ማዣንዳጉዲ ጌይንቴ ማዾ ዓሶንታ ኮይላ ኮይላ ዓኣ ካታማ ዴዔኔ፤ ዬያጉዲ ሃንጎ ዒስራዔኤሌ ዓሳ ዔያቶኮ ቤርታኣ ዓዶንሢ ናንጌ ካታማ ዴዔኔ። 2፡70 1ፆኦሲ. ዓሃኬ 9፡2፤ ኔሄ. 11፡3።