1ዬካፓ ዳውቴ፦ «ዪሁዳ ካታሞይዳፓ ፔቴ ካታማ ታ ዴንዶንዶ?» ጌይ ናንጊና ናንጋ ጎዳ ዖኦጬኔ።
2ዬያሮ ዳውቴ ፔኤኮ ላምዖ ላኣሎ ዒይዚራዔኤሌ ካታማ ሾይንቴ ዓሂኖዓሞንታ ቄርሜሎሴ ካታማ ሾይንቴ፥ ሃይቄሢ ናኣባሌ ማቾ ዓቢጋይሎንታ ዔኪ ኬብሮኦኔ ዴንዴኔ፤ 2፡2 1ሳሙ. 25፡42-43።
3ዬያጉዲ ሃሣ ዳውቴ ዒዛና ዎላ ዓኣ ዓሶ ዔያቶኮ ማኣሮ ዓሶና ዎላ ዔኪ ዴንዴሢሮ ዔያታ ኬብሮኦኔ ካታሞ ኮይላ ዓኣ ዻኮ ዻኮ ካታሞይዳ ዴዔኔ።
4ዬካፓ ዪሁዳ ዓሳ ኬብሮኦኔ ሙኪ፥ ዳውቴ ዶኦሚ ዪሁዳይዳ ካኣታሤኔ። 2፡4 1ሳሙ. 31፡11-13።
5ጌሌዓዴ ዓሲ ማዔ ያቤሼ ዓሶም፦ «ሳኣዖኦሌ ዱኡኪፆና ዒንሢኮ ካኣቲም ኮሺ ማዾ ዒንሢ ማዼሢሮ ናንጊና ናንጋ ጎዳ ዒንሢ ዓንጆንጎ።
6ሃሣ ዒዚ ፔኤኮ ኮሹሞና ጉሙርቂንቲፆዋ ዒንሢም ፔጋሲ ዻዎንጎ፤ ዒንሢ ማዼ ኮዦ ማዾሮ ታኣኒያ ዒንሢም ኮሺ ማዺ ማሃንዳኔ።
7ዓካሪ ዒንሢኮ ካኣታሢ፥ ሳኣዖኦሌ ሃይቄሢሮ ዒጊጪፖቴ! ዶዱዋቴ! ዪሁዳ ዴራ ታና ዶኦሚ ካኣታሤኔ» ጌይ ኪኢታ ዓሲ ዳኬኔ።
8ሳኣዖኦሌኮ ፖኦሊሶ ዓይሣ፥ ኔሪ ናኣዚ፥ ዓቤኔሬ ሳኣዖኦሌ ናኣዚ ዔሽባዓኣሌና2፡8 ዔሽባዓኣሌና ሃና ሱንፃ ዔብሬ ዓሶ ሙኡጮ ማፃኣፖይዳ «ዒያቡስቴ» ጌይንቴኔ፤ ዓሢኮ ሱንፃ ጋዓንቴ ዔሽባዓኣሌኬ (1ፆኦሲ. ዓሃኬ 8፡33፤ 9፡39፤ ሆሴ. 2፡16፤ ዔር. 11፡13ይዳ ዛጌ።) ዔብሬ ዓሶ ሙኡጮ ማፃኣፖይዳ ዓሳ ዬያ ሱንፆ ላኣማኒ ኮዔሢ ካኣናኔ ዓሶኮ ባዓኣሌ ጌይንታ ፆኦዞ ሱንፆይዳ ጌሢንቴኔ ጌይኬ፤ ካኣቲ ዳውቴ ዎዶና ባዓኣሌ ጌይፃ ናንጊና ናንጋ ጎዳ ማዔ ዒስራዔኤሌ ፆኦሲ ጌይሢኬ። ዎላ ዮርዳኖሴ ዎሮና ፒንቂ ማሂናይሜ ካታሞ ፑኒ ዴንዴኔ፤
9ዒኢካ ዓቤኔሬ ጌሌዓዴ ዓጮይዳ፥ ዓሴኤሬይዳ፥ ዒይዚራዔኤሌይዳ፥ ዔፕሬኤሜንታ ቢኢኒያሜንታ ጌይፃ፦ ዒስራዔኤሌ ዓጮ ቢያ ዎይሣንዳጉዲ ዔሽባዓኣሌ ካኣታሤኔ።
10ዒዚ ካኣታዻኣና ሌዓ ዒዛኮ ዖይዲታሚኬ፤ ላምዖ ሌዔ ዒ ካኣታዺ ዎይሤኔ።
11ዳውቴያ ዒማና ኬብሮኦኔይዳ ዴዒ ዪሁዳ ዓጮ ቢያይዳ ላንካይ ሌዔና ዛላና ካኣታዼኔ።
12ዓቤኔሬና ዔሽባዓኣሌ ዶንዞና ማሂናይሜፓ ዔቂ ጌባዖኦኔ ካታሞ ሙኬኔ፤
13ዒንዳ ፄሩያ ጌይንታ ዒዮዓቤና ዳውቴ ቢታንቶ ዒንጌ ዓሳኣ ሙኪ ጌባዖኦኔይዳ ቦቆሎ ዓጫ ዔያቶና ካኣሜኔ፤ ዔያታ ፔቴይዳ ፓቂንቲ ፓቂንቲ ቦቆሎ ዋኣፆ ኮይሎይዳ ሶ ሱኮና ሃኒ ሱኮናይዳ ዴዔኔ።
14ዒማና ዓቤኔሬ ዒዮዓቤ ኮይላ፦ «ኑ ዓሶፓኣ ዒንሢ ዓሶፓኣ ዼጌ ዼጌ ኑ ዶኦራዛ ዖ ባሻቴያ ዎሊ ዔያታ ሂንዳ ዛጎንጎ» ጌዔኔ።
15ዬያሮ ቢኢኒያሜ ዓሶ ካኣቲ ዔሽባዓኣሌ ዛላፓ ዶኦሪንቴ ታጶ ላምዖ ዓሲና ዳውቴ ዓሶና ዎላ ዖሎ ዓርቄኔ።
16ዬካፓ ፔቴ ፔቴ ዓሳ ፔኤኮ ሞርኮኮ ቶኦኮ ጋፓኖ ማሪ ዓርቂ ጎኦቦይዳ ጎኦቦይዳ ጬንቾ ዓራፖና ዎሊ ጫርጌኔ፤ ዬያይዲ ላማታሚ ዖይዶ ዓሲ ፔቴና ዒኢካ ሃይቄኔ፤ ዬያሮ ጌባዖኦኔይዳ ዓኣ፥ ዬና ቤዜላ፦ «ዖልዚ ሳዓ» ጌይንቴኔ።
17ዬኖ ኬሎ ዶዲ ዖልዚ ዖሊንታዛ ዳውቴ ዓሳ ዓቤኔሬንታ ዒስራዔኤሌ ዓሶንታ ዖሊ ባሼኔ።
18ዒማና ዒዮዓቤ፥ ዓቢሻዬ፥ ዓሳሄሌ፥ ሃይሦ ፄሩያ ናኣታኣ ዒኢካ ዓኣኔ፤ ዬያሮ ጌንዖጉዲ ሩኡሪ ጳሽካ፥ ዓሳሄሌ፥
19ዓቤኔሬ ሌሊ ዎዻኒ ጊንፆ ዳውሲ ዴንዴኔ፤
20ዓቤኔሬ ዒማና ጊንሢም ሺሪ ዛጋዖ፦ «ዓሳሄሌ! ኔናዳ?» ጌዔኔ።
21ዓቤኔሬ ዒዛ ኮራ፦ «ታና ዳውሲፆ ሃሼ! ዬያይዳፓ ሃንጎ ፖኦሊሶፓ ፔቴ ዳውሲ ዓርቂ ዓኣ ባኮ ቢያ ዔኬ» ጌዔኔ፤ ጋዓንቴ ዓሳሄሌ ዋይዞ ዒፂ ዒዛ ሌሊ ዳውሴኔ፤
22ዬያሮ ላሚ ዓቤኔሬ፦ «ታና ዳውሶ ሃሼ! ታ ኔና ዎዻንዳጉዲ ዓይጋ ኔ ሃያይዳይ? ታ ኔና ዎዼቴ ኔ ጌርሲ ዒዮዓቤኮ ዓኣፖ ካሮ ዎይቲ ታ ዛጋንዳይ?» ጌዔኔ።
23ዓሳሄሌ ጋዓንቴ ዳውሲፆ ሃሾ ዒፃዛ፥ ዓቤኔሬ ፔ ዎርፆና ጊንሢም ዓሳሄሌኮ ጎጳ ጫርጊ ዙሌና ሶፒሴኔ፤ ዬያሮ ዓሳሄሌ ሳዓ ሎኦሚ ሃይቄኔ፤ ዒዛኮ ሌዛ ዓኣ ቤዞና ዓኣዻ ዓሲ ቢያ ዔቂ ዒቂ ዒዛኮ ሌዞ ዛጋኔ።
24ዬካፓ ዒዮዓቤና ዓቢሻዬና ዓቤኔሬ ዳውሴኔ፤ ዔያታ ዳውሴ ጎይሣ ዓኣንቴ ዓባ ጌላዛ ጊያሄኮ ዓባ ኬስካ ዛሎና፥ ጌባዖኦኔ ባንሢ ዓሲ ናንጉዋ ዳውሎይዴና ዔኪ ዴንዳ ጎይፆይዳ ዓኣ ዓማ ጌሜሮ ዔያታ ሄሌኔ።
25ዬካፓ ቢኢኒያሜ ፃጳ ላሚ ቡኪንቲ ዓቤኔሬ ዖላኒ ጊኢጊንቲ ሙካዖ ዬኖ ጌሜሮ ቶኦካ ኬስኪ ዔቄኔ።
26ዒማና ዓቤኔሬ ዒዮዓቤ ዔኤላዖ፦ «ኑ ዎሊ ዖሌ ጎይሣ ናናንጋንዳ? ጋፒንፃ ፑርታ ማዓንዳሢ ኔኤም ዔርቱዋዓዳ? ኔ ዓሳ ኑና፥ ፔ ጌርሲንሢ ዳውሲፆ ሃሻንዳጉዲ ኔ ኬኤዙዋኣሢ ዓይጎሮዳይ?» ጌዔኔ።
27ዒዮዓቤ ዒማና፦ «ፆኦሲ ሃይቆ! ኔ ዎንዴ ዬያ ፑርቶ ጌኤዞና ዓሶ ዻጋሲባኣያታቴ ታ ዓሳ ሄኤዶ ጉቴ ፔ ጌርሲንሢ ዳውሲፆ ሃሺ ዴንዴያናንዳንቴኬ» ጌዔኔ።
28ዬካፓ ዒዮዓቤ ዛያሢ ፔኤኮ ዋርቃዛ፥ ዴራ ቢያ ዒስራዔኤሌ ዓሶ ዳውሲፆ ሃሺ ዔቄኔ፤ ዬማፓ ማይ ዖሊባኣሴ።
29ዬያሮ ዓቤኔሬና ዒዛ ዓሶና ዹማ ሃንቴ ጎይሣ ዓራባ ዶኦጮና ጌይ ዮርዳኖሴ ዎሮና ፒንቄኔ፤ ቤትሮኔናኣ ዓኣዺ ማሂናይሜ ሄሌኔ።
30ዒዮዓቤ ዓቤኔሬ ዳውሲፆ ሃሺ ማዓዖ ፔኤኮ ዴሮ ቢያ ቡኩሴኔ፤ ዒማና ዳውቴ ዓሶ ባኣካፓ ዓሳሄሌ ሃሾዛ ታጶ ታዞጳ ዓሲ ዓንኮ ጌሌቴያ ዔርቲባኣሴ።
31ዳውቴ ዓሳ ቢኢኒያሜ ፃጲ ማዔ፥ ዓቤኔሬ ዓሶፓ ሃይሦ ፄኤታና ላሂታሚ ዓሲ ዎዼኔ።
32ዒዮዓቤና ዒዛና ዎላ ዓኣ ዓሳ ዓሳሄሌኮ ሌዞ ዔኪ ቤኤቴሌሄሜይዳ ዓኣ ማኣሮ ዓሶ ዱኡፖ ቤዛ ዱኡኬኔ፤ ዬያይዳዖ ዬኖ ዋንቴሎ ሃንቴ ጎይሣ ዎርቂ ሳዓ ካራማና ኬብሮኦኔ ሄሌኔ።