1ሃካፓ ዴማ ዓኣዞንሢ ዒስራዔኤሌ ዓሶኮ ማኣሮ ዓሶ ሱኡጎንታ ዱማ ዱማ ቶኦኮ ዎይሣ ዓሶንታ፤ ዬያጉዲ ሃሣ ካኣቲኮ ማዾ ማዻ ቢታንታ ዓኣ ዓሶኮ ሱንፃ ዎሊ ሄሊ ፃኣፒንቴኔ፤ ዬይያ፦ ሌዖ ጋራ ዓኣ ፔቴ ፔቴ ዓጊኖይዳ ላማታሚ ዖይዶ ሺያ ዓሲ ዎሊ ዑፃ ማዒ ማዻንዳጉዲ ፓቂንቴያ ማዓዛ ዬያ ዱማ ዱማ ፓቂንቴ ዓሶኮ ሱኡጌ ዓኣኔ።
2ናንጊና ናንጋ ጎዳ፦ «ታኣኒ ዒስራዔኤሌ ዴሮ ጫሪንጮ ዦኦጋሢጉዲ ሚርጊሻንዳኔ» ጌዒ ኬኤዜ ሃጊ ማዓንዳ ዎዞ ቃኣሎጉዲ ካኣቲ፥ ዳውቴ ሌዓ ላማታሚ ማዔያና ዬካፓ ዴማ ማዔ ዓሶ ፓይዳ ዎዶና ዎላ ፓይዲባኣሴ፤ 27፡23 ማዢ. ማፃ 15፡5፤ 22፡17፤ 26፡4።
3ፄሩያ ናኣዚ፥ ዒዮዓቤ ዴሮ ፓይዲ ጋፒሱዋዖ ጎይፃ ሃሼኔ፤ ፆኦሲ ዬያ ፓይዲፆሮ ዻጋዺ ዒስራዔኤሌ ዴሮይዳ ሃይቢ ሄሊሴሢሮ ዬይ ፓይዳ ካኣቲ ዳውቴ ሃይሳ ፃኣፒንታ ማዝጋባ ፃኣፒንቲባኣሴ። 27፡24 2ሳሙ. 24፡1-15፤ 1ፆኦሲ. ዓሃኬ 21፡1-14።
4ካኣቲ ዳውቴኮ ዓቤ፥ ዮናታኣኔ ዞሮና ጪንጫ ሃሣ ዔራ ዓሲኬ፤ ዒዛና ሃኪሞኔ ናኣዚ ዪሂዔኤሌና ካኣቲኮ ናኣቶ ዔርዛዞንሢኬ፤
5ዓኪፆፔሌ ካኣቲ ዞራ ዶንዛሢ ማዓዛ ዓርካይዳ ሾይንቴ፥ ሁሻዬ ካኣቲኮ ላጌኬ፤
6ዓኪፆፔሌ ሃይቄስካፓ ዓቢያታሬና ቤናያ ናኣዚ፥ ዪሆያዳዔና ካኣቲ ዞራዞንሢ ማዔኔ፤ ዒዮዓቤ ካኣቲኮ ዖሎ ዓሶ ዓይሣ ሱኡጋሢ ማዔኔ።