1Agu daangada, goodou hagalongo gi agu agoago,
2Au ga helekai i nia ala agoago hagatautau,
3nia mee ala gu longo ai gidaadou ge gu iloo ai,
4Gidaadou hagalee haga mmuni nia maa i tadau dama.
5Mee guu wanga ana haganoho gi digau Israel
6bolo gi iloo ai nia adu daangada ala e loomoi maalia,
7Maa gaa hai beenei gei digaula ga hagadagadagagee labelaa gi God,
8Digaula ga hagalee hai be nadau maadua mmaadua,
9Digau Ephraim, e kae nadau maalei mono amu maalei,
10Digaula hagalee haga kila aga nadau hagababa ala ne hai ang gi God.
11Digaula gu de langahia e ginaadou nia mee a Maa ala ne hai,
12Di madagoaa nadau maadua mmaadua nogo mmada ginai,
13Mee ne wwae di tai gaa lahi digaula laa lodo di maa.
14I di aa, gei Mee e lahi digaula i lala di gololangi,
15Mee ne haahi di hadugalaa i lodo di anggowaa,
16Mee ne hai nia wai gi malingi mai gi daha mo di hadugalaa,
17Gei digaula gi mua hua i lodo nadau hai huaidu e hai baahi gi God,
18Digaula nogo hagamada a God gi nadau hiihai
19Digaula e helekai hai baahi gi God boloo,
20Ma e donu bolo Mee gu hagamaawa dana hadugalaa,
21Malaa, Dimaadua gu hagawelewele ne hagalongo gi nia helekai digaula,
22idimaa digaula hagalee hagadagadagagee gi Mee,
23Gei Mee ga helekai gi lala di langi i nua bolo nia bontai di langi la gi maahuge.
24Mee gaa wanga gi digaula nia huwa palaawaa mai i di langi,
25Malaa, digaula gu miami nia meegai o digau di langi,
26Mee guu hai labelaa di madangi gii gono mai dua,
27gu hagau mai ana manu mamaangi e logowaahee
28Nia manu la gu monnono gi lodo di waahale mo i di gili nia hale laa.
29Malaa, nia daangada gu miami gu maaluu.
30Di madagoaa hua digaula digi mene i nadau mee ala e hiihai ginai,
31gei God gu hagawelewele gi digaula, gu daaligi gii mmade nia daane digaula
32Ma e aha maa Mee guu hai nia mee aanei,
33Malaa, Mee guu hai nia mouli digaula gi hagalee,
34Di madagoaa hua o Mee dela ne daaligi hunu gau i digaula gii mmade,
35Digaula gu langahia bolo God la go di nadau abaaba,
36Gei nia helekai huogodoo digaula le e tilikai hua,
37Digaula hagalee manawa dahi gi Mee,
38Malaa, God la gu dumaalia huoloo gi ana daangada.
39Idimaa Mee e langahia e Ia bolo digaula la nia daangada hua dangada,
40E logowaahee behee go nia hai baahi o digaula gi Mee i lodo di anggowaa!
41Nia madagoaa e logo digaula e hagammada a God,
42Digaula gu de langahia e ginaadou ana mogobuna aamua,
43gei nogo hai ana hegau hagagoboina mono mogobuna
44Mee guu huli nia monowai gii hai nia dodo,
45Mee gu hagau mai ana lamu belee haga mmaemmae digaula,
46Mee gu hagau mai nia ‘locust’ belee gai nia huwa laagau digaula,
47Mee gu daaligi gii mmade nia laagau waini mo nia laagau ‘fig’
48Mee gu daaligi nia kau digaula gii mmade gi di uwa hadu magalillili,
49Mee guu hai digaula gii tale gi di haingadaa,
50Mee digi dugua dono hagawelewele, be e dugu hua digaula haga mouli,
51Mee gu daaligi nia ulu mmaadua dama daane huogodoo
52Nomuli, gei Mee gu laha mai ana dama gadoo be tangada hagaloohi siibi,
53Mee guu dagi digaula hagahumalia, gei digaula gu hagalee mmaadagu.
54Mee gu laha mai digaula gi dono henua haga madagu,
55Mee gu hagabagi gi daha digau o nia guongo aalaa
56Gei digaula gu hai baahi gi God di Gowaa Aamua, ga hagamada a mee.
57gei digaula e hai baahi, gei e de hagalongo gadoo be nadau maadua mmaadua,
58Digaula guu hai a Mee gi hagawelewele
59God gu hagawelewele huoloo dono mmada gi di hai deenei,
60Mee gu diiagi dono lohongo dela i Shiloh,
61Mee guu dugu anga gi tadau hagadaumee gi kaina Tebedebe o di Hagababa,
62Mee gu hagawelewele gi ana daangada donu,
63Nia dama daane gu daaligi guu mmade i lodo tauwa,
64Digau hai mee dabu guu mmade i taaligi,
65Hagamuliagina, di Tagi guu ala aga be tangada nogo kii.
66Mee guu hai ono hagadaumee gi lellele dagidahi
67Mee guu hudu gi daha di madawaawa Joseph.
68Gei Mee gu hilihili hua di madawaawa Judah,
69Di gowaa deelaa guu hau dono Hale Daumaha,
70Mee gu hilihili dana dangada hai hegau go David,
71i di gowaa a Mee nogo hagaloohi ana manu,
72David gu madamada humalia i digaula hagahumalia huoloo,