1Meenei God, Goe gu diiagi gimaadou beenei beleiaha?
2Goe gi langahia e Goe au daangada ala ne hilihili Kooe i mua loo
3Hanimoi gii mmada Goe gi nia gowaa mooho aanei.
4O hagadaumee ne wwolowwolo i lodo do Hale Daumaha
5Digaula guu hai gadoo be digau hele laagau,
6Digaula gu hahaahi nia haaligi laubaba gi nia dalai mono haamaa llauehe.
7Digaula gu oho do Hale Daumaha, guu dudu di maa gii wele,
8Digaula gu hiihai bolo ginaadou e hai gimaadou hagahuaidu,
9Tadau ada mee haga madagu huogodoo gu hagalee.
10Meenei God, e waalooloo behee go madau hagadaumee
11Goe e aha dela hagalee hagamaamaa gimaadou?
12Meenei God, Goe nogo hai di king ni gimaadou mai loo i taamada.
13Goe ne wwae di tai gi oo mahi aamua,
14Goe gu dagadagahi nia libogo o di manu dragon go ‘Leviathan’
15Goe ne hai nia wai gii mmidi, ge ne hai nia monowai llauehe gi maangoo.
16Goe ne hai di aa mo di boo, ge ne haga noho di laa mo di malama gi nau lohongo.
17Goe ne haga noho au madagoaa gi henuailala,
18Meenei Dimaadua, gi langahia bolo o hagadaumee le e gadagada adu gi di goe.
19Goe hudee diagia au daangada ala gu deai nadau hagamaamaa ai
20Goe gi langahia dau hagababa dela ne hai mai gi gimaadou.
21Goe hudee heia digau ala guu noho i lodo nadau hagahuaidu gi langaadia.
22Meenei God, du gi nua, abaaba ina Goe!
23Hudee de langahia nia wwolowwolo hagawelewele o hagadaumee,