1Meenei God, dumaalia mai gi di au,
2Di laangi dogomaalia gei ogu hagadaumee e hai baahi mai gi di au.
3Meenei Dimaadua di Gowaa Aamua, dogu madagoaa ma ga madagu,
4Au e hagadagadagagee gi God, gei au hagalee e madagu.
5Ogu hagadaumee e gaamai gi di au nia haingadaa i lodo di laangi dogomaalia,
6Digaula e dagabuli hagammuni i lodo nia gowaa nngala,
7Meenei God, daaligidia digaula i nadau hai huaidu.
8Goe e iloo hua be au e haingadaa behee.
9Di laangi dela ma ga gahigahi Goe ko au,
10ma go Dimaadua, dela e hagahagaamu ko au ana hagababa.
11Ma go Mee dela e hagadagadagagee ginai au, gei au ga hagalee madagu.
12Meenei God, au ga tigidaumaha adu gi di Goe agu mee ala ne hagababa.
13idimaa Goe dela ne haga dagaloaha au gi daha mo di made,